تمام بس الواحد لو وراه هدف مش هيفضي يقعد يرتب المكتب والبرومودور والعبط ده هيدخل يخلص الحاجة علطول من غير نصايح لان كل انسان ليه قدرات عن غيره في الاستيعاب والفهم ومش شرط كلامهم ينفع كل الناس.
احنا بناخد عند مدرس مشهور الكل بياخد عنده او بنشتري ملزمه او كتاب بس علشان نرضي ضميرنا مش اكتر علشان بعد كده لما النتيجه تتطلع منقولش ياريت كنا خدنا مع ده او جبنا الكتاب ده بنعمل اللي علينا علشان نبقي قدام ربنا احنا عملنا اللي علينا وده حكمته هو واراده بس ونبقي راضين عن نفسنا ❤
يسطا كلامك حقيقي انا خريج هندسه انت اللي بتتسوح فالاخر خمس سنين ونقطه الجامعه جنب البيت صح جدا انا جيت فأخر سنه كنت بروح الجامعه صد رد -البحيره القاهره- اه انا دخلت هندسه بهدف جذب انتباه لكام يوم ودفعت تمنها سنين والسبب الاهل عايزين اتنشن بانهم ربو احسن وكدا فيقلولك الكليه هتخليك محترم وغني غير كدا هتكون منبوذ ومش هتلاقي اي شغل وطبيعي الولا عنده نقص من احتواء وانبهار الاهل بيه ,فبيعوز هوا كمان الكليه الي هتحققله دا الاهل والمجتمع والمدرسين وكلمه فرحوا اهاليكم الي خالد حسام قالها بيدعموا كل دا .. دور علي الي ترتاح فيه الشغل رقم واحد اجتهاد وسعي في اي حاجه ،مش موجودين وانت مهندس مش هتكون ناجح زيي كدا بتنضج بعدين والحياه بتكون اسهل لما تتخلي عن عباده الناس وجذب انتباههم لعباده الله وإنك تكون حر بمساعده ربنا هتكون قنبله نجاح حقيقي
بس متنكرش إن الكلية برده ليها عامل كبير في مستقبلك انا مهتمتش بفكرة كلية قمة وقاع ودخلت كلية بمجموع قليل في الاخر ودلوقتى بجتهد اكتر عشان أعمل كارير شيفت وبدفع ضعف إلى دفعته في ثانوية عامة فاالكلية الكويسة الي فرص انك تلاقي شغل محترم بعد التخرج على طول مهمة جدا و بتوفر عليك سنين ممكن تتعب فيهم وتضيع وقت من عمرك فيهم عشان تعمل لنفسك كارير عشان تصلح إلى عملته قبل كدا
انا طب اسنان ونفس القصه بس الفرق اني مكنتش عاوزاها اصلا خالص ولا برسيتج ولا زفت أنا كنت عاوزة ادخل حاجه تانيه خالص بالله كان زماني شغالة دلوقتي وهتخرج كمان سنه اعمل دراسات عليا وهيبقى اسمي دكتورة برضو اهو انا بمتحن امتحانات تالته وعارفه ايه اللي بعد كدا من قبل ما ادخل اصلا بس مكنش عندي فرصه اختار... متأكده أن دا الخير ليا و كل الكلام دا بس لما تفكر ف الموضوع بمنظور بشري وواقعي بالنسبة لك الوضع بيختلف تماما
@@dodymo6460انا ف كلية من بتاع المجموع العالي وهعمل كارير شيفت انا و كل زمايلي اللي محتاجين فلوس ، فلوس يعني مئات الألوف وبتوصل لملايين 😅 علشان يتطوروا ف المجال و نقدر نحط رجلنا بسس ف سوق العمل ف بتلاقي عمرك ضاع حرفيا ضاع في سراب ف لتختار الكارير شيفت احسن اهو تقدر تعيش أو تعمل اي هباب بعيد عن انك تقعد تجمع فلوس لمدة لا يعلمها الا الله علشان بس ترجع المجال وهتلاقيه التطور ومحتاج فلوس اكتر هو محدش عاجبه حاله سبحان الله وكله بيعاني بطريقته علشان معظم الكليات ف البلد دي بقت قاع ، باستثناء حاجات طبعا بس قليلة وميعرفش ينجد حاله الا الذكي المركز اوي
يارب مشاكل من دي😂😂😂😂❤❤❤❤❤❤ جماعه الحوار ممتع فشخ كفايه احترام الناس التانيه ليك وانك ليك هيبه وكاريزما واي يعني لما تجتهد وتعمل بيزنس واكبر شركات من كليتك دي بس الكلام دا علي سن التلاتينات😂😂😂
@@Tasnym_Gomaa- الموضوع مختلف تماما للي محطوط في الحاجه دي بنفسه اه من بره الشكل حلو بس من جوه انت ايه الرحلة ذات نفسها فيها ايه ؟ الموضوع متعب نفسيا وبدنيا جدا جدا بتحس أن زهى عمرك راح هدر بل انت طلعت بأمراض نفسيه مكنتش تتخيل انها تجيلك مهما كنت جامد موت وفي جوانب تانيه محدش بيقول عليها بس زي ما قلت محدش راضي بحاله مهما كان لأننا بشر
يسطا عيب لما تقلل من مجهود حد والله، دروس اونلاين قناة انتاجية لكتير واتعلمموا منه كتير وبسبب التوجيهات وقدروا يعرفوا نفسهم وعشان أأكد كلامي انا واخويا بنسمعله من خمس سنين واخويا اتعلم منه كتيرر اوي اوي بجد على عكسي انا اه اتعلمت منه بس مش زي اخويا والفرق واضح فمش هنختلف كتير، هو بنفسه مش مقتنع بالتعليم الحكومي ولا بالثانوية العامة نفسها وكان اول جمهورية تقريبا ودخل هندسة وسابها فالاخر واشتغل اللي ريحه ، ف بلاش فكرة التقليل دي وكمان كريم اسماعيل انا سامع كل حاجة ليه حرفيا عمره ماقال حاجة كذب خصوصا انه دايما بيربط نصايحه بالقران والسنة مش زي ناس كتيرة ف مجاله بتضحك ع الناس وتقعد تتكلم فالطاقة وكلام فارغ يعني ، وعموما كل واحد ليه رأيه ويعبر عنه براحته بس مش ع حساب حد .
هو حوار النصايح ده بجد مفيش اسوء من الدكاترة اللي اول ما يقدم الملف بتاعه في كلية طبية يجري يفتح اتشانل ويلا هديكوا الوصفة السرية لدخول الكلية السحرية لحد منا عملت ايميل جديد عشان اليوتيوب خلاص عرف اني داخلة ثانوية عامة والتايم لاين كله بقى كده
اخيرا لقيت حد زيي واخد باله ان ال لسا في كليه طب فاكر نفسه عمل ال متعملش في الدنيا و قناته كلها عباره عن ازاي تحقق حلمك ازاي تقفل كام شامل تحله تحفيز ..... كتير اوي مستنيه اخلص علشان ميظهروش ليا
يخونا كل الى فى ثانوية عانة ملهمش علاقة بالفيديو لأنك متجيش دلوقتى وتستسهل وتقول طب مكلها زى بعضها وخلاص لا انت اتعب نفسك وخلص السنة انت خلاص فاضل شهرين وتاخد الأجازة وعلشان مترجعش بالزمن وتقول يرتنى كنت عملت او يرتنى كنت بالعقلية كذا وانا فى ثانوية عامة واخر نصيحة بجد الى محدش هيقولهالك هى انك تدعى ربنا فى كل صلاة ينولك الى انت عاوزة وان شاء الله خير
@@BasmalaAbokhalaa كلام و تنظير الناس مثلا ؟ زعلها لو ولادها دخلوا كليات ملهاش مستقبل و اه دي موجودة فشخ عادي اي حد بيقول ان كله ليه نفس الفرصة بيقول اي كلام هو كله ملوش فرصة و الكلية الي بتحاول توجدها ممكن انما مش العكس , دا غير بقي الزعل علي المجهود و الفلوس الي اتصرفت فالدروس الي هتحس انها راحت علي الفاضي لو مفيش مقابل و دا احساس لا ارادي للاسف
@@hh73872 فرصه الشغل الكويسه ما بقتش مرتبطه ابدا بكليات القمه اساسا انت عايز تقنعني ان هندسه بتوفر فرص شغل اصلا في مصر و كمان الاهالي ما بتفكرش بمنطقيه ابدا ولا من ناحيه فرص العمل من ناحيه منظور المجتمع بس .... لو واحد ابنه جاب مجموع هندسه و عايز يخش حاسبات و معلومات و طبعا هيشغل فيها من اولي جامعه كمان هو الشغل الي هيدور عليه اساسا هتلاقي كل الي حواليه اولهم اهله بيقولوله لا خش هندسه طبعا دي هندسه احنا بناخد المسميات 😂
نصيحة لاخواتي اللي ف ثانويه عامة دلوقتي محدش قالهالي قبل ما ادخل الكلية وانا حاليا بخلص تالت سنه :- لما تيجي تسأل عن كلية متألش الناس دي ١-حد لسه داخل الكلية سواء في اولى ولو كلية طبية ف اولى او تانيه بلاش تسألهم ٢- حد متخرج من وقت طويل يعني من ٥ سنين مثلا بالذات لو كليات عملية علشان الدنيا بتطور بشكل سريع اسرع من ما تتوقعوا فيها ببساطة اسأل حد هيتخرج كمان سنه او سنتين او لسه متخرج واستخير ربنا واختار كويس متبصش عاللقب والبرستيج الكلام دا انتهى من التسعينات بس حاول تقنع اهلك لو هم مش مقتنعين و اختار بعقلك يعني شوف دي لها مستقبل كويس او يعني مش بطال ولا خلاص ركنت مع الذين ركنوا وفي النهاية ربنا يكرمكم جميعا هو وقت صعب و هيعدي اعمل اللي في ايدك دلوقتي كله علشان تبقى قدام ربنا مش مقصر و دي لوحدها كفاية تنجيك ❤
انا كنت ثانوية عامة السنة اللي فاتت وصدقوني يا جماعه كلام المدرسين ده كله هري في هري هو شغلهم كله مبني على انهم يقنعوكم ان تالتة ثانوي دي مسألة حياه او موت واكون او لا اكون بس الحقيقه ان الحياة بتعدي عادي واللي بيدخل كليات قمة او مش قمة كله زي بعضه وكله هيحتاج يتسوح ويتعب عشان يحقق حاجه ف حياته والمجموع هتتفشخر بيه يومين والهوجة دي هتخلص وهتفضل بقا ف اللوب بتاعت انك تحاول طول الوقت تحقق حاجه كبيرة عشان تاخد حبة تسقيف ومدح من الناس ، كبروا دماغكم سنة زيها زي اي سنة تانيه متدولهاش اكبر من حجمها ولو اللي انت عايزه مش هدفك الشخصي فكك واهدى علي نفسك شوية و لو عايز تجيب مجموع اعمل اي حاجه الا انك تشوف فيديوهات المدرسين التحفيزية اللي بالابيض والاسود وعليها موسيقى حزينة يعني وفر الكام دقيقه دول وحللك سؤالين احسن وبلاش عبط
دروس اونلاين قناه محترمه وبجد استفدت من كلام احمد ابو ذيد فمفيش داعي للتقليل من محتوي ناجح زي دا ..انا عارفه انه قصدك مش لازم نستني كلام تحفيزي عشان نذاكر حتي دا رأي احمد ابو ذيد نفسه بس فيه ناس بتسمعك وممكن تبعد عن المحتوي اللي بيقدمه ❤
ياعم برمجه اية صلي على النبي الكلام ده ترند يعني قبل الترند ده كانو بيخدو كورسات عشان يدخلو الكليه كتفم الضحك حسابات دي من خمس سنين كانت من 60٪ ايام مكان الطب من 98 يعني كانت كليه فاشله 😂@@Amal-xj6wg
المقارنات بتفضل مستمرة يعني لو مفكر انك لما تجيب مجموع معين محدش هيقارن لا بيفضلوا انت دخلت فين وفلان دخل فين امم انت في الجامعة الحكومية كذا طب انا في جامعة كذا وامتحانات اصعب وشهادتنا احسن (معرفش ازاي احسن بس وهي كلها في مصر ) انت دخلت خاص امم انا دخلت خاص بس جامعة كذا واحسن منك انت في اهلية طب انا حكومي وهكذا فالمهم يعني بجد اعملوا اللي عليكم وشدوا حيلكم الفترة دي ومتحاولش تقارنوا نفسكم بحد ومتسمحوش لحد يقارنكم برضو قدرات كل حد فينا غير التاني
إنت دلوقتي إتكلمت على دروس أون لاين وكريم إسماعيل اللي هم بالفعل أنجح منك بكتير ومش تافهين زيك بس هقول إنك كلامك فيه شوية صح واللي هو إنت لو بتسمعهم طول حياتك بدون تنفيذ وإنك تعتمد عليهم إعتماد كلي دا عمره ما هيخليك تنجح ومش برضه بقولك متتفرجش عليهم بالعكس هيفيدوك جداً.. بس مع الشغل بنفسك
انا من شهر 4 و انا شايفة اني لا استحق الحياة والله و كل يوم بصحي مستغربة انا مش بموت ليه دخلت في حالة نفسية صعبة و بذاكر كاني مش بذاكر رغم انه يجي مني يعني و ده اللي مزود الضغط عليا بجد مفيش اي مبرر لاني مجيبش مجموع ده غير ان اهلي بيعاملوني بطريقة كيوت بتخليني اكره نفسي كل يوم اكتر من اللي قبله و مش عارفة فعلا هعمل ايه او هقولهم ايه بعد كل ده لو مجيبتش مجموع بغض النظر ان اصلا طب دي عمري ما حلمت ان ادخلها اصلا ولا هي فارقة معايا و كل حاجة عملتها من اول السنة و اي مذاكرة ذاكرتها حرفيا كانت بدافع تأنيب الضمير و اني مش هقدر اخذل اهلي و هما حاطين فيا امل كبير بس من نص 4 و انا مش قادرة اكمل اكتر من كده فعلا انا اصلا مكنتش داخلة ثانوي متحمسة ليها ولا اي حاجة ولا كان عندي قدرة للمذاكرة مع ذلك ذاكرت بدري عشانهم انا السنة دي استنفزتني بجد و مش حاسه ان ادائي طول السنة كفيل انه يعوض اهم شهر و نص اللي انا ضيعتهم مش عارفة اعمل ايه و فاقدة الشغف من الحياة كلها والله يعني يا ريتني اموت و ارتاح و سوري والله اني فكست للفيديو بتاعك و ان المجموع مش مهم و كده لاني الصراحة مش عارفة اشوف كده خالص انا حاسة ان 3ث هي نهاية العالم حاليا و كل اللي حواليا بيتعاملوا بالمنطلق ده ف حتي لو انا شوفتها مش مهمة ده مش هيفرق في حاجة
الكلام من واحدة ف اولى جامعه كلنا مرينا بالتجربة دي انا وصحابي طنا كدا نفس الكلام دا بالظبط بس عدت هي فترة سيئة دا كدا كدا بس عدت وادينا في الجامعه اهو وكله زي الفل اه بنفتكرها وبنزعل وبنشوف اهلنا وبنزعل تاني بس اهي حياة وبتعيشيها مره وخلاص ..وصدقيني أهلك عايزينك تبقي مبسوطه ..الثانوية ليها عامل كبير في تحديد مستقبلك ..اه المستقبل انتي اللي بتصنعيه بس ٥٥% بتعمليه دلوقتي (من خلال دخولك كلية ليها سوق عمل)(والكليات بتختلف من زمن لزمن)(تقدري تدخلي المجال اللي شايفاه مناسب للمستقبل من أي كلية ..وتكملي بعدها حتى لو آداب او تربية) طيب لو لاقدر الله محصلش المستقبل ابو ٥٥% دخلتي انتي مستقبل جديد بنسبة ٥٠% خسرتي ٥% بس تقدري تحققيهم بأي شكل من الأشكال ..كورسات تضغطي على نفسك شوية بدل ماصحابك بيخرجو كل أسبوع تخرجي كل أسبوعين؟ وال٥%اللي ضاعو بيرجعو على مدار سنين الكلية Dont give up بجد أكتر حاجه هتندمي عليها إذا مكنتيش بتندمي وبتجلدي ذاتك دلوقتي وزي ماقولتلك مامتك وباباكي عايزينك تبقي شخص مبسوط ..مرتاح ..ماديا ..نفسيا ..معنويا ..ف انتي لو وصلتي دا كسبتي نفسك وكسبتي أهلك .....مش عايزنك تدخلي بقا طب ولا هندسة لا هم جاست عايزينك مبسوطه ف انتي لو انبسطتي في حقوق وشوفتي نفسك فيها هما هيكونو مبسوطينلك _____من التخصصات اللي never get old الحقوق لأن الناس عمرها ماهتبطل جرايم والطب لأن الناس عمرها ماهتبطل تتعب وطبعا مجالات التكنولوجيا والذكاء الاصطناعي مجال التقنية الحيوية او البايو تكنولوجي محتاجينه ف مصر وبرا مصر _______شوفي نفسك في أي مجال فيهم وانبسطي فيه وافتكري بجد المتعه في الjourney مش في الوصول لأن متعة الوصول دي لحظة تكاد لا تتعدى ال5 ثواني ،،so تقدري تعملي كتير في وقت الامتحانات انا جيت برضه من شهر ٣ لشهر ٥ كدا كانت فجوة بالنسبالي وقفت تماما معرفتش أخطو خطوة عملت منهج الرياضة كلها ف شهر ٥ ودا إنجاز كبير فشخ لأنهم ٤ فروع كاملييين ومراجعتش خالص أيام الامتحانات كفيلة جدا للمادة بجد بس نظميها كويس وجبت ٨٦% متيأسيش بجد قدامك فرصة وفرصة كبيرة كمان واستمتعي وافرحي بنفسك انك خلصتي باب ..ممكن تقعدي من الدروس تاخدي وقت أكبر مع نفسك
@@mariam-ol2lcماشاء الله شكلك كنتي مجتهده، كنت عايز اسالك سؤال انا دلوقتي علمي علوم ومعرفش كلمه فالفيزيا والكيميا وكدا كدا اصلا هدفي ادخل حقوق ف افكس للمادتين دول على امل انجح فيهم وخلاص واركز على تقفيل باقي المواد ولا انت ايه رأيك عشان بجد مفيش وقت للافكار اللي ممكن توديني فداهيه دي
@@emvvvm مفيش حاجه هتتقفل😂 إلا لو كنت أزهر ف الاحتمال اللي معاك ٩٠% تقفيل الفيزيا والكيميا ازاي متعرفش عنهم حاجه دول مفروض يكونو بيتسوو على نار هادية من أول السنه ..مش عارفة أقولك ايه بصراحه أنصحك في الكيميا محمد حامد حلقات مراجعه والنقطة اللي متفهمهاش ترجع ليها في playlistالشرح والفيزيا شوف الناس بتوع مصر التعليمية الناس اللي في المركز القومي منهم على إسماعيل دا اللي فاكره اسمه وفي لينك لفيديو عبقري لو لقيته هحطه هنا ..في النهاية حاول توازن بين المواد متعتمدش انك مذاكر مادة كويس جدا هتدخل تقفلها لا ممكن امتحانها ييجي واجدع مدرس ميعرفش يحله فحاول تحلّق ع المواد كلها وربنا يعينك ان شاء الله
@@emvvvm ru-vid.com/video/%D0%B2%D0%B8%D0%B4%D0%B5%D0%BE-AS3E17seHh4.htmlsi=efldj7ZMUe0uUccd ونبيل المنيسي في الكيمياء برضه تحفه ru-vid.com/video/%D0%B2%D0%B8%D0%B4%D0%B5%D0%BE-lH2wy9KO1Cs.htmlsi=Y9ji_ibAyHR0vkY1 د.محمد الربعي كمان مركز قومي أي حد في المركز القومي للامتحانات هينجز معاك جامد ونت بتلم المادة لأنك هتكون فاهم الامتحان عايز يسأل في ايه
معظم الكلام صح بس احب اوضح ان الثانوية فعلا مش بتحدد حياتك لكن دي فرصة من الفرص اللي بتاخدها ف ليه متحاولش تاخدها صح؟ وفالآخر احنا دايما بنسعي اننا نكون النسخة الافضل مننا عشاننا مش علشان الناس
بلاش تقلل من دروس أونلاين وأحمد ابو زيد هو رايق وبيدي نصايح منطقية فعلا وواقعية وهو ذات نفسه مقتنع إن الثانوية وهم يعني وهو سايب هندسة فصباح الفل هنا بالظبط 11:53
بس دا مش معناه إنه معندوش محتوى يفيد فعلا + البودكاستس إلى حد ما لذيذة يعني فلو على متابعة أحمد ابو زيد معتقدش إنها تضر بالعكس كفاية إنه عنده منهجية دينية بيقيم بيها الحاجة نوعا ما دي تكفي لتقديره
هو عمتاً مفيش حاجه اسمها مين هيدخل هندسه ومين هيترمي في تجاره عشان تجاره اصلا مش سهل حد يدخلها دلوقتي... بس ايا كان المكان اللي هتروحو بعد ثانويه عامه اجتهد فيه هتدخل حقوق تبقى احسن محامي هتدخل تجاره تبقى احسن محاسب هتدخل حتى معهد الهونولولو تبقى احسن هونلولو في مصر حتى لو هتوقف تعليم بعد ثانوي اشتغل جرافيك ديزاينر بيقبضو كتير زي المكسيكي ما قال الحياه مبتوقفش بعد ثانوي ... هتسلك😉
12:45 يسطا انت عايزهم ميذاكروش يعنى فى تالته ثانوى ولا اي مش فاهمه ذاكرو يجماعه وخليكم قد المسؤلية وافهمو مناهجكم واتدربو كتير كل الكلام ده مش هينفعكم وانتو قاعدين مزنوقين قدام ورقة الامتحان وبعدها ارضو بالنتيجه ايا كانت
@@ShahdHaredy-qz2hc حصل الفكره ان انا اصلا كنت ازهر ف جه امتحان كان مقالي وكان صعب اوي حتي العام جالهم صعب ف كان ضحك ورجع قال برضو ان الامتحان جه من كتابي حرفيا بيبع سمك ف المايه
انا ثانوية عامة ٢٠٠٤-٢٠٠٥ و مفيش مدرس في الدروس الخصوصية فادني بأي حاجة و كنت بآخذ دروس بس عشان زنهم في البيت مش أكتر ... الثانوية العامة عبارة عن توتر و ضغط نفسي مش أكتر.
نصيحة يا شباب هى ٣ ثانوى فعلا مش نهاية الدنيا لكن الواحد لازم يجيب اخره ويذاكر جامد بدون ضغط نفس وحرق اعصاب علشان ميرجعش يقول يارتنى عملت اللى عليا لان وفعلا شعور انك عملت اللى عليك مهما كانت النتيجة بتبقى فعلا حاجة مرضية جدا وساعتها تقدر تقول ربنا اختارلى الحاجة الاحسن ليا لكن مش تبقى مبتذاكرش ومش عامل اللى عليك وتجيب مجموع منيل وتقول ربنا شايلى الاحسن لا انت كده حرفيا تبقى اخدت اللى انت تستحقه واحتمال متبقاش سالك ف المجال ده وحرفيا انا اعرف ناس اتخرجوا واشتغلوا ولسه ندمانيين على حاجة من ١٠ سنين فياريت تعملوا اللى عليكوا وساعتها اللى يجيبوا ربنا هو الاحسن ليك وآسف على الاطالة بالتوفيق❤❤❤
@@Saud-nz4qn والله أنا كنت زيك بس ممكن تتفادى الموضوع بانك لازم تخرج من دماغك فكرة الندم وانك ضيعت وقت كتير وبعدها ممكن تركز ف الايام اللى فاضلة على الحاجات اللى انت ضعيف فيها ف المواد وتسيب قبل العربى على الأقل من ٨ ل ١٠ ايام وقبل كل مادة أن شاء الله تذاكرها مع حل اسئلة وفعلا لو انت نويت إن شاء الله ربنا هيوفقك
اولا انا ثانوية عامة حتة ان الاهل عاوزينك تجيب مجموع هما عاوزين يفرحولك و اظن ان كلنا عارفين الظروف الهم الي الناس فيها ف اهلك متعشمين ف اي حاجة تفرحهم و دا هو سبب الضغط لان انت مش عاوز تحبطهم دا غير انه بيطلع عينهم ف المصاريف فلازم يبقى عندنا دم حتة ان المدرسين بيستغلوا الموضوع ف لا خالص اغلب المدرسين تحسهم زي اصحابك او اخوك الكبير او اب تاني ليك و في الاول و الآخر دا شغلهم الفكرة ان نظام التعليم بايظ و دي النقطة التالتة المنهج كبير جدا جدا جدا جدا ....... +١٠٠٠٠٠٠٠٠٠٠ و مليان حشو و كلام ١٠٠ هتنساه اول ما هتطلع من اللجنة و بلا هدف فقط زرط المشكلة و الي مسببة الازمة هو نظام الدرجات و الامتحان و ان مستقبلك واقف على شوية حبر على ورق و النظام دا فاشل مبيعلمش غير الغش و بس ومش بيختبرك ف حاجة انت منكن تبقى شارب المادة و تيجي يحصلك ظرف قبل المتحان يأثر على دماغك و تفكيرك يخليك تشيل المادة فهل دا معناه انك فاشل ؟! لا المشكلة كلها هنا النظام خربان و دا طبيعي ف دولة الي بيحكمها دكتاتور بيقولك لو عملنا نظام تعليم محترم هيطلع جيل بيفكر صعب السيطرة عليه احنا عاوزين ناس تنفذ متفكرش تقول حاضر و بس و دا طبيعي عقلية شخص جاب ٥٠% و دخل عسكري
مؤخراً بقى يتصدر فكرة ان الثانوية العامة مش نهاية الدنيا و فكك و كله محصل بعضه كلام فارغ بيخلي الطلبه تكسل تذاكر ، سيبك من محتوى الثانوية العامة ذات نفسه كمواد بتذاكرها انت بتتعلم الالتزام و بتعرف قيمة وقتك و ازاي تنظمه و ازاي تدور على المعلومات و تلخصها و تستخدم اسلوبك و ابداعك للتعبير عن اي حاجه و تتواصل مع الأشخاص اللي من سنك حاجات كتير مهمة بتتعلمها الثانوية العامة مهمة جدا و فرصة كويسة لتقييم معرفتك بلاش خطاب الاستهانة بالثانوية ذاكروا يا جماعة و ادخلوا كليات كويسة و أنقذوا نفسكم من الفقر و الجهل
سؤال. هوه ايه تعريفك للشخص الناجح الي خلاك تحكم اني مش هلاقي حد ناجح جايب درجات عاليه. للعلم فيه ناس كتير ناجحين جدا فوق ما تتخيل برا مصر وفالمجال العلمي من احسن الباحثين على مستوى العالم بس الفرق الوحيد انهم مش مشهورين فالدايره الي انته بتدور فيها ودول جايبين طبعا مجموع كويس فالثانويه العامه. انا فاهم انك عايز توصل ان الثانويه العامه مش اخر الدنيا وانا اتفق جدا معاك فحاجه زي دي ودي من اسواء السنين والتجارب الي مريت بيها فحياتي. بس مش معنى كدا ان اي حد جاب درجات كويسه فالثانويه انو ملوش لازمه ومش هيكون ناجح بالعكس دي خطوه بتسهل كتير عليك لو عرفت تاخدها صح ولو ربنا موفقش ممكن طبعا ربنا يكرم الشخص بس اكيد هيحتاج مجهود اكبر.
جايه من المستقبل وبقولكو إنها عبارة عن ضغطة كبيييره وهي اصلا ولا تسوى، بس عشان حتة الكليات والنتيجة اللي هي اصلا ضغط برضو اي حد ف تالتة ثانوي او لسه هيخش ارجوكو خففوا التوتر، والمدرسين اللي بتوتر دول ابعدوا عنهم خالص او خليكوا معاهم لو شاطرين بس تجاهلوا ضغطهم معرفش ازاي.. لإنها بجد بجد منفوخة بسبب الضغط والقلق ده كله غير كده هي سنه زي اي سنه