سلام حبيبتي فريال، انا ننصح اختي بلاكي تخلي دارك و خمي على بنتك و كيهدر على مرتو الأولى رجعي روحك مسمعتيهش و رجعي إلى الله تعالى و استغفري و صل على النبي صلى الله عليه وسلم يفرج عليك و يفتحلك أبواب الرزق و الفرج و ارضاي بالقدر ديالك حتى ربي لعزيز يرضيك و يرضى عليك حبيبتي
السلام عليكم حبيت نمد نصيحة لهاد البنت ما تديرش غلطة اي غلطوها بزاف بنات و ندمو لازم تفهم زوجها و تساعفو المشكل هو انهم يسكنو مع العايلة نتاعه لكان يخرجو من دار لعيال غادي تتسڤم حياتهم و مالازمش تفكر فخطيبها السابق لان فترة الخطوبة دائما تكون مزوقة و بعد الزواج كلش يتبدل لازم تنساه و تستمر مع زوجها و تعاونه باللي تقدر عليه باه يبنيو حياتهم و يربيو ولادهم احسن تربية
المرأة التي تتزوج برجل عندو ماضي تتأذى معنويا وتبقى مشكاكة خاصة اذا بقى يقارن بينها وبينهم ...تولي تهتز ثقتها حتى بنفسها وتبدا هي تان تقارن بينو وبين زوجها السابق كنوع من انواع الانتقا.م!
نصيحتي للاخت نقلها تقول لراجلها اذا عاود وهدرلها على زوجته الاولى تقوله لوكان جات تصلح مايطلقها وتاني يحمد ربي راه مع لالاها وتخليه وتدعي ربي سبحانه يفرج عليها ولازم تكون حازمة معاه راه كاين ناس مايجوش بالسماطة ولا بالعقل والله وردي بالك تحكيلوا على خطيبك السابق والا تخممي فيه لانه راكي متزوجه وربي يحنن لقلوب اختي ويصلح مابيناتكن
Khti Rabi iferej Alik nchallah n9oulek haja Berk 3la khatibel lawel Ali 9olti kan mlih ana n9oulek ma3achtich m3ah fi dar wahda Bach ta3arfih ta3 sah khater zwaj haja wakhdekhra ou hadak chitan howa Ali ifekrek fih khater mayhabch 2 mzawjin ikounou mlah nsay Alik ou Rabi yahdi rajlek nchallah ou ikhalikoum lba3d
سلام حبيبتي نقلك ربي معاك ولكن اياك تتركي بيتك راجل قاع فيهم المليح و دوني ولكن دايما المرأة هي لتكن شاطرة وتعرف تسير دارها وراجلها وكني فحلة ونسيه في المرأة الاولى
عليكم السلام و رحمة الله و بركاته كيف حالكم ياطيبين 🥰 فريال اهلا بيك و الصلاة على رسول الله صلى الله عليه و سلم قدوتنا و حبيبنا رسول الله ❤️ بارك الله فيك إبنتي الحبيبة فريال
مساء الخير ختي الرجال كامل هك بتقريب اما بنسبة لي خطيبك السابق مرحلت الخطوبة راهي كذب في كذب لو كان كملتي راح تعيشي عادي والزوجة دائما هي الاخيرة عند الراجل كامل رنا كيف كيف
Wa3'lah ya kh'ti had lak'lam ? Diri fi balek ghir al fah'la wal hora li 9ad'ra 3'la at'la9 o nas z'man 9alou "Hadjala mli'ha khir maz'wadj lafdi'ha ana atala9't mahabi'tch nah'mal adal wal hana ta3 radjel wa malih mais rabi 3awad'ni b'sid sidou 3azab wana b'zodj awled rabahom ki wladou hamdoulah wlet m3ah 3 tanik nah'mad rabi 3'la na3'ma li rani fiha , radj'li 3labalou tala9't khatach mah'maltch adal wal hana li koun't fiha m3'a ara'djal lawal ay 3ayatli radj'lawi ta3i ! wan'9oul yan'3al an'sa al mad'loulat li ay'9ad'sou o ya3ab'dou fe ara'djel ak'tar men'waldi'hom waw lad'hom
سامحيني رميتي روحك..مطلقة قبل الدخول ماهو عيب لا هو حرام بالعكس راكي بنت تتشرطي وتخيري كيما تحبي علاه ترمي في روحك...واخطيك من المقارنة لانه الخطاب رطاب ماتخمميش فيه لوكان عشتي معاه بالاك تندمي..هذه خيانة اخطيك منه......نصيحتي تديري جلسة معاه تقوليلو ماتحكيليش على خطيبتك وتقوليلو كل حاجة توجعك منو..ووش هو الحل لي هو يقترحو عليك...واعطيه مهلة اذا ماتعدلش حوسي على خدمة واطلقي ....لوكان تكملي معاه تمرضي وتهبلي.....
ايه صح لازم تعيش الوضع الذي راك فيه بالصبر والدعاء لله وحاولي بلسانك الحلو واشكريه وامدحيه لان الرجل يحب المدح حت ولو انو غالط وقومي الليل لان فيه الدعاء المستجاب فانت في امتحان لصبر وراكي قلتي قبل العيد خدمتي الحلوة لناس يعني راك ديري لكومند يخدمي ودير تاويل لروحك باه تعاون روحك ومتقوليلوش كلش مدام مهوش صريح معاك ويدم ياسر انتي قوم بخدمتو وخدمت دار ناسك ودراهك خليها تنفعك وتنفع بنتك ومتفكريش في الطلاق بلاك يتغير ويفرج ربي لان الابتلاء دواء لتقوية القلب والنفس وحمد ربي دائما حتى ياتيك الفرج.
شوفي يا بنتي هذي العا يلة ما تصلحش كي زوجك كي عايلتو هذو حقرين شوفي عن تجربة حبيت ننصحك كيما تديري تحصلي عندي 36سنة شيء ما تغير الشح البخل شوفي يا بنتي الحقرة ولاباقي ما حكيتيش كل التفاصيل بصح كاين الكثيرات تعانين بصمت الوقت يجوز و العمر يروح وتكوني من الخسرين شوفي يا بنتي ان شاءالله تقرأي تعليقي كيما سمعت قصتك ما تكونيش ساذجة او جايحة رايحين يرحيوك يستغلونك بعد مرور الوقت راح يزيدك الهم والحزن والحصرة 😢😢😢😢😢على ما فاتك إذا كنتي فحلة واجهيه زوجك ما تخليهش يتصلط عليك حطيلو حدود باش ما يزيدش يذكرلك خطيبتو حتى لو كان تنوض الحرب بيناتهم صدقيني زوجك راجل ضعيف قدام الغاشي كي يلحق ليك يولي فرعون راهم يخافون من الشخص القوي كوني قويه الشخصية و ما تخافيش من والو من فضلك ما تكثريش الاولاد مع باش ما تضعفيش في اي موقف يحصلك في تقدم السن رايحه تندمي عليهم 😢😢 كونكي فحلة و ما ترضايش باذل والحاجة الدونية واذا زاد الشيء عن حده انقلب الى ضده وقفي مهزلة ذكر زوجته الأولى بلعيلو فمه و ما تكثريش الهدرة معاه و اذا كنتي قادره استقلي بعمل ينفعك و ما تعطيلوش الكثير من الأهتمام كوني امرأة غامضه وحطي حدود لنفسك مع هذ الناس السامين ربي يكون معاك ❤❤❤