صح انا ماشي راني نشكر في روحي و قاع شاهدين فيا زجاوة نظافة و مؤكولات متنوعة نجدد الملابس كل مرة الحمد لله و كي تبانله يحوس على مشاكل و راني في دارنا رسلي ورقة طلاق و من بعد ندم و راه يحاول في باه نرجع قبل ما يبد الشرع.
سلام خوتاتي طلعولي تعليقي على وجه ربي...كل ما اختنا تهبط فيديو نعلق ... حبيبتي مريومة نحوس نفرغلك قلبي وتحكي قصتي وتخليها حكاية لكل ولية. معنديش واتساب وفايبر والله والله والله حابة نتواصل معاك 😥😥😥😥
كلامك صواب ياختي مريم بالنسبة للقصه الاولى كفيتي ووفيتي وانا نظيف على اخت مريم ولكان قدر ربي وتزوج عليك بعيد الشر بعيد الشر متطلبيش الطلاق بالعكس خليه وانت عيشي حياتك البسي وعدلي والله والله بجي نهار يولي يفيق لعمرو والراجل قلبو يسع 4نساء نورمال كل وحده واش يشتي فيها وانت مهما كان تبقاي أنثى مستحيل مالقى فيك حتى حاجة شداتو ليك حاولي تبدلي طريقتك في المعاملة معاه.ربي يفرج عليك أختي وعليا وعلى كل ولية.
النصيحة لمدتيها عندك الحق هذي عن تجربتي انا ندير كامل ادوار مع راجلي ندلل ونغير ونلعب بصح كي يدخل لدار يبقى غير يضحك ويلعب معيا ومع ولدنا تبعو واش راها تهدر كامل صواب
ههههه هههه ختي كي دارتهم كامل الأدوار زاد انقلب عليها وغي التشناف ويتقلش ،حتى بدلت معاه العقلية راه مستف دروك ،كاين لي ماتخرجش عليه المرا لي تشكره وتعامله بكل دور ،كاين لي يحبها قبيحة وتشنف عليه يرجع يدلق لها وهاد النوع شفته في راجل ختي 🥴
ماشي لازم هادي ماشي قاعدة عامة كاين راجل بلعكس لازم تكوني قيسقيس كتشكريه دايمن يحس بلي راهو مدتير مزية كبيرة مليح وحدة تكون متوسطة في كلش وتقيمي روحك بزاف ولا درتي حاجة ديريها لروحك بالدرجة الأولى
القصة الثانية مولاتها مهيش تع أمانة نتي متزوجة علاه تعيطي لراجل حتى وكان راقي اسيدي نيتك ترقي تمديه لراجلك يعيطو مش تعيطيلو نتي وتهدري معاه ربي يهديك مبقاتش حرمة مهم مبقيتيش تعملي نفس الغلطة تقدر تدير لك مشاكل بسكو نمرو تاعك عند الراجل
اختي خلي كل شيء للمكتوب ما تسبقيش الاحداث ما تقتليش روحك بالتخمام. لا اظنه انه يخرب داره و يتم ولاده على جال وحدة مطلقة.... و علاه غير احنا لازم نديرو مجهود باش نرضوهم(ماشي من جهة ربي) و نخمو غير فيهم. اسمحولي يروحو يقودو الحياة ما تتوقفش عند راجل. نخافو فيهم ربي فقط و نديرو الحاجة لي مقتنعين بها احنا فقط و هو كيما بغى يدير يدير. نفسي ثم نفسي الى أن ينقطع نفسي
انا الحمد لله ما عنديش مشكل مع زوجي بصح النهار الاول قلت له. ماشي شرط او بسيف تبغيني بصح شرط و شرط و بسيف تحترمني انا ما تخافش منك نخاف فيك ربي. كان يجي يقولي قالولي عاقلة. قلت له ما يعرفونيش مانيش عاقلة.
شوفي ختي الراجل لي ما يبغيش لمرا دير واش دير يطلقها يطلقها انا راجلي داني عن حب كان يبكي عليا و اليوم بعد 20 سنة زواج راه متمني يتزوج عليا مع العلم شفت المرار مع دارهم و اش نقول حسبي الله ونعم الوكيل
أنا نقول لصاحبة القصة التانية قولي لزوجك على كل حاجة وخليه هو الي يدي بنتك تقرا به تخاف منو وما تزيدش ادور بيك وانت اقراي المعوذات آية الكرسي والفاتحة فالماء ورقي دارك به ما نقدرش تاذيك أن شاء الله
اختي شي لقلتيه كااامل نصيحه من ذهب هي المغزى من كلامك لازم تكون تفهمو مليييح الاخت وتكون زوجه تقيه طائعة وووو وبينها وبين زوجها تكون....وهك تشدو ليها وميقدرش يتخلى عليها
🌸 إياكم والظن 🌸 عن أبي هريرة رضي الله عنه أن رسول الله صلى الله عليه وسلم قال: (إياكم والظن، فإن الظن أكذب الحديث، ولا تحسسوا، ولا تجسسوا، ولا تنافسوا، ولا تحاسدوا، ولا تباغضوا، ولا تدابروا، وكونوا عباد الله إخوانا) رواه البخاري ومسلم.
خوتاتي نصيحة متقلبوش في تليفونات رجالكم وارمو حمالكم على الله إذا حب يوريلك حاجة جيك حتى عندك علاش تحبو تسمطو حياتكم وتنبشو عيشو مع رجالكم بالفشوش ودلال وخلي الغيب لله وقولي لا حول ولا قوة إلا بالله العلي العظيم
انا صراحة ندي بنتي قبل متحل باب المدرسة بخمس دقائق فقط نستنا بعيد وبعيدة علي جميع النساء ندخل بنتي ونرجع لا نحكي لانهدر لا قالي. لا قلتلك نزيد غير ذنوب علي نفسي
لالا اختي حاولي تعرفي واش بيه واش يحب وتاني النقاش مهم حاولي تسايسيه وكوني ذكية ومع المعاملة الجيدة راح يتبدل اتاكدي والله انا زوجي كتوم وتزوجنا عن حب كبير بصح هو خلقو ربي هاكذا بصح انا فرفوشة ههههه نضل ندور عليه مرة نضحكه مرة نخرجلو بعفايس يحير مني هههه حتى ولا واحد اخر والله المرأة ذكية خرجي شطارتك وانا وحدة نموت لوكان منحسش باهتمامه والحمد لله عندي ستة وعشرين سنة معاه وفوتنا الحلوة و المرة و مازال يعشق فيا وأنا نعشق فيه تقولي عرسان جدد ههه نتمنى لك السعادة اختي 😍🥰
القصة للولى. .ايه كلامك صحيح يا مريم اختي ....انا شخصيا صراتلي هكدا عاقلة وساكتة ومتهلية ومحمرة وجهو في غيابو وحضورو.....جا ليوم اللي قال راح نتزوج هههه علاش وش خصك معا يا يقولك مهنيتني نجيب اخرى....خرجت من جلدي وريتلو الوجه الاخر......الان راه ماشي كي الخط المستقيم....ايه العاقلة بزاااف ما تعجبش الراجل......ايه ايه ياحراير.
رقي فالما وكل يوم كي جي خارجة رشي عند باب دارك وولادك كليوم قراي عليهم القران حصنيهم بالقران ودعاء وكل حاجة مقربة الى الله وهي كل مرة كي تدي ولادك قلها راجلي راه ملهيه واقف يقارعلي ولا قلها سلفي ولا خويا مهيم متقربكش
رأيي ارمي هاذا العتروس و قيمي روحك .هاذا الي ما عندو حنان على ولادو مستحيل ما عندوش قلب ولا ضمير .رأيي خلاص هاذا اللي بناها على الخداع . و انت في عز شبابك ديري مستقبلك هاذا ما فيهش الخير
حبيبتي اتجهي ااي الله فوضي امرك له وما تحطوش بالي الطلاق نهاية العالم بالعكس راجل كيما هذا وش تستناي منو نفضل نعيش مع وليداتي مهنية خير من نعيش حياة معمرة بالهم. وربي يهدي خلق الله ويفرج عليك اختي
انا ليا يا اختي لاتضيع عمرك وصغرك معاه بما انك قادرا تصرفي على اولادك بعدي عليه وعيشي حياتك مع ليستاهلك ويحبك فانت صغير واي واحد يتمناك باالتوفيق إن شاءلله
والحمد الله مشاكل عادية قري لولاد خدمة الدار الخدمة برا الماكلة مدو وحدهم مشكل حتا نزيد نسمع حكايات تع باب المدرسة كي نسمع حكايات مريومة نحس بالناس كيفاه راها تعاني لازمك تكوني فايقة وحادقة في هدي الدنيا
القصة الثانية كارثة....سجليها يا ختي بالهاتف... واحكي لزوجك ..... وامي ربي يطول في عمرها نقوللها بالاك نروحو للمدرسة وتوقفوا ديك الوقفة راني ما نحبهاش فيها ا خراب البيوت.......كاينة مطلقة ماتخافش الله دارت بجارنا ك يوصل ولادو مرة تمشي جارتنا مع بنتها قالتلها يا ماما هاذي تهدر مع بابا وهو الحق يتهرب منها.. ناضت عركة عند الباب عند ربي خبرها.......اما الرقاة حدث ولا حرج راح المحرم في جرة المجرم ....ربي روحك وحدك واغلقوا يا نساء بيبانكم وافامكم الدعوة تخطلت.....
القصة الأولى حبيبتي أرجعي لدارك و أفرضي رأيك و شخصيتك حقك و حق أولادك خلينا من نصائح تاع دلليه و ألعبي و أضحكي معاه لأن كيما كامل نعرفوا كاين رجال لوكان تشعلي صباعتيك بالنار ما يتصلحش لكن لازم تكوني غولة في وسط لغوال حبيبتي و اللعب و الضحك هادوا زيادة يعني حيلة ديريها برك لكن حقك و حق أولادك ردي بالك تسمحي فيه ايلا ما تصلحش مرريلوا حياتوا كيما مررلك حياتك المهم ربي يفرج
بارك الله فيك على النصائح..و لكن أرجوك عبارة( راني في أحوال ربي )لا يجب أن تقال للتعبير على الغبينة و الهم و المشاكل أرجو تكوني فهمتني..و ربي يجازيك الخير و يحفظك
بنات و الله ماني جاية نشكي عليكم لكن بابا عنده شهر ملي مات الله يرحمه ملي مرض رجعت مش اكتيف في قناتي لهاد ساعة حبيت تدعموني باش نعاود نولي ليها و نتونس بيها موت واحد عزيز عليك مش ساهل أبدأ 😢 حبيبتي الله يخليك ثبتيلي تعليقي عاونيني يا لوكان يدخلوا يترحموا على بابا Kirhem rebbi a vava inou nchallah ighsanik di ljanath l3amriw 😢🤲🏼
مولات القصة الأولى ديري روحك معلبالكش بحكاية زوجك و غيري من نفسك بلاك زوجك يبطل الزواج عليك و مولات القصة الثانية ديري سبة بمعلمة أنها ليست كفؤ في التعليم و غيري مدرسة ابنتك في أقرب وقت على الأقل تتهناي منها و ترتاحي على بنتك
انا اولادي يقراو في زوج بباهم لي يديهم ويجبهم واحد يقرا في المدرسة الخاصة والكبير يقرا عادي انا نروح نسقسي المعلمات عليهم ونجي نروح منهدر مع فلانة منهدر مع فلتانة مشاكل لي في راسي بزاف
عندك الحق يا مريومة القصة الاولي البسي لباس اللي يبين انوثتك هذا راهو حلالك وخاصةفي الليلكي تكوني مع زوجك عيشي معاه اللحظة ونساي اي مشكل بيناتكم عيشيه السعادة وتوكلي على الله
شوفي اختي الرجال تقريبا gاع كيف كيف و نتي راكي باغية تعيشي حياتك خايفة الا كنتي تقدري على روحك انت و ولادك قيسيه قبل ما يقيسك بسك هذا ماراهش متزوج معاك بالنية هذا راه داخل بالحيلة و حنا خايفين من كلمة الطلاق حتى انا راني فيها ماشي حنا الأوائل لي راح نطلقو و رايك أهم
سامحيني حتى الجياحة تلعب دور وش راقي هذا بركو مأمنتو مدخليش اي وحدة لدارك مش اي وحدة تحلي معاها موضوع وشبيكم يانساء كبرو عقولكم شوي نورمالمون من حكايات الناس نتاع الامان الزايد نديو درس علاه لازم تعاودي الدرس وحدك باه تستراحي
اول حاجة اديرها تحكي لزوجها على كل شيء، و راني متأكدة بلي رايحة تخلى عليها كحكات مع الراجل في تليفون، منكذبش عليك صاحبتك هاذي معجيتنيش حكايتها فيها اللوش، يظهرلي محكاتلكش كلش
صحيح يا مريومة نصيحتك ممتازة القصة الأولى وهاذا هو الطريق الصحيح نتمنى تأخذ بنصيحتك أما القصة الثانية هاذه المرأة يكون ورائها عصابة أشرار ترد بالها منها وتحكي لزوجها وإن أمكن تبلغ عليها الأمن هاذه تكون ورائها إنا وماتفرحش على الأقل يحطوها هي وهاذا الرجل النصاب تحت المراقبة بدون مايشعروا لكي تتهنا منهم ويتهنا المجتمع من شرهم
للاسف الشديد كاين بعض الذكور و ما نقولوش الرجال يحبو النساء العاهرات لانهم يمارسو معاهم صوالح حرام الزوجة ما تقبلش بها لذلك مهما حاولت الزوجة تتبدل ما يقبلش بها النصيحة نتاعك تصلح اذا كان الزوج صالح و الزوجة مقصرة اما مع المنحرفين متصلحش لكان هو خامج رايح يطلقها و يجيب خامجة كما هو و في الحالة هاذي نقول لصاحبة القصة لباعك بالبصل بيعو بقشورو و ما تبكيش ابدا على ليمايستهلش مازلتي صغيرة و الدنيا مازالها بخير كما كاين الخاين كاين المليح و توكلي على الله
ما بقات لا نية لا ثيقة لا صداقة لا أمان ألي تحطيها صاحبتك توليلك عقرب حنش يتلهوثلك على الرقبة أنا لاعاد ندير الثقة في وحدة ما عدا اختي بنت أمي وبابا جامي نمد سري لوحدة وكلام اختي مريومة صحيح وعندها الحق في واش قالت كامل
اذا كان كلامك صحيح و ما يزوجش بنت الفاميلا ما يلومش روحو علاه اولادو يخرجو ضايعين لان الخامجة متقدرش تربي الاولاد علاه تهدرو على الزواج على انه علاقة جسد فقط الزواج الهدف الاول منه هو تكوين اسرة صالحة
القصة الثانية، وانتي كيفاش تروحي تهدري مع راجل في التيليفون وانتي مرت راجل ولو كان زعمة راقي كنتي تجوزيلو راجلك مباشرتا ، داومي علی سورة البقرة واذكار الصباح والمساء.
بنات و الله ماني جاية نشكي عليكم لكن بابا عنده شهر ملي مات الله يرحمه ملي مرض رجعت مش اكتيف في قناتي لهاد ساعة حبيت تدعموني باش نعاود نولي ليها و نتونس بيها موت واحد عزيز عليك مش ساهل أبدأ 😢 حبيبتي الله يخليك ثبتيلي تعليقي عاونيني يا لوكان يدخلوا يترحموا على بابا Kirhem rebbi a vava inou nchallah ighsanik di ljanath l3amriw 😢🤲🏼
