ابدا ما اتفق معك في انه يخرب انا استخدمه لي ثلاث سنوات وقبله واحد ٥ سنوات من افضل السيارات واقلها اعطال لاتاخذ لي واحد راعيه داهكه وتقول كثيره خراباته تراعيه وتهتم والله مايتعبك ابدا لاكن اغلب راعين الكوابرس في كل لفه شممه الدعسه والمطابات مايحسب لها حساب طبيعي يخرب وكل شوي يصلحه تهتم في زيوته بشكل عام مكينه قير دفرنس زيت دركسون وزيت فرامل والله يمشيك سنين واول ماتخرب عليك قطعه من عضلات السياره غيرها وركب اصلي مشكلة الناس دايم يركبوا تجاري ويقولك خرب طبيعي يخرب قطعه مو اصليه ماراح تتحمل وسلامتك
هو قوي ماشاء الله ولا اشوف ال٤ نمر عيب له فوق ٦ سنين معاي مكينه وقير بلد ماشاء الله ومشيته مشي مو طبيعي اخذته ماشي ١٦٠ والحين ماشي فوق ٤٠٠ واموره ميه ميه وللعلم تراني شاقه الدعستين في كبده كل شوي بس اني محافظ على تغير زيوته اول باول قير ومكينه ودفرنس
عندي الستة v6 الكلاسيك ماشي ٧٠٠ الف ماشاء الله تبارك الله والى الان خيره يعطي💪 بس عندي سؤال الحين عادي لو اشعل زر الPWR ثم اتسارع من الصفر من اني احط القير على النمرة1 الي تحت الD وابدل لين اوصل النمرة ال3 واذا قفلت النمرة احطه على الD على طول ولا يخرب القير هذي الحركة ولا يطيح العزم اذا رجعته للD بعد ما مشيته على الثلاث نمر؟ وشكرا على وقتك
اذا ضغطت زر الباور راح يعطيك اقصى عزم للسيارة إذا كنت داعس ألدعسه على الاخير ما يحتاج تبدل من واحد إلى اثنين وثلاثة بعد فترة راح ينعدم عليك القير لأنك تمشي النمرة فوق طاقتها وراح تلاحظ بعد ما تسوي هالحركه راح تشم ريحة في السيارة ريحة الكلتش
التسارع هذا يعتبر كويس جدا على سياره واقفه لها سنتين وصحيح كلامك اسلاك الكويلات والبواجي كان يبي لها تغير وغيرتها والحين ماشاء الله من افضل مايكون وغيرت صفاية البنزين وسويت تنضيف بخاخات وثلاجه فرق معي كثيررررر