تفاصيل الكورس و ازاى أنضم؟👇 مساء الهنا❤️ اولا، شكرا إنك إهتميتى تسجلى و تبقى جزء من مجتمع نفسنا نعمله❤️ شكرا على حرصك على البيبى...و عطائك اللى مش بيخلص....❤️ ١. إحنا هنبدأ يوم الإثنين ٢٠ مارس بإذن الله ٢. الكورس إسبوعى...و هيمتد لمدة ٣ شهور...يعنى ١٢ جلسة ٣. الجلسة او المحاضرة....زى ما تحبوا تسموها...انا بحب أسميها "قعدة أمهات"❤️ ....هتبقى عبارة عن بث مباشر ....مدته حوالى ساعة و نص....بيتكرر مره كل إسبوع...كل يوم إثنين ١٤. اول ٤٥ دقيقة شرح ....و الباقى تواصل و اسئلة منكم...تكون تخص الموضوع...بحيث نستوعبه كويس.... ١٥. هيكون فيه فرصة لاسئلة بره موضوع الشرح...و استفسار يخصك انتى....هننظم ده حسب سياق كل جلسة....و اوقات هنفرغ يوم كامل للاسئلة...حسب ما انتوا تطلبوا ١٦. طيب هنتقابل يوم الإثنين الساعة كام؟ اكتر من ٩٠% منكم وقت التسجيل طلبوا إن البث يبقى مسائى البث هيكون كل إثنين الساعة ١٠ مساءا لغاية بس ما رمضان يخلص....و بعد رمضان الميعاد هيبقى بدرى شوية....و هنبلغكم وقتها ١٧. بعد البث، هيتم حفظ الفيديو و هيفضل على القناة متاح لكل ام...و كمان هينزل كبودكاست علشان الامهات اللى بتحب تسمع و هى بتشتغل او سايقه و مش عاوزه تتكلف انترنت كتير..هيكون بودكاست على قناة يوتيوب إن شاء الله ١٨. كل اسبوع هيبقى فيه poll ...يعنى تصويت....انتوا هتختاروا الموضوع القادم... ١٩. الكورس فيه ٤ محاور...و شهريا لازم هنغطى موضوع من كل محور أ. تغذية الأم و الطفل ب. الضغوط النفسية و الطبطبة❤️ ج. العناية بالبيبى (النوم، التسنين، التطعيمات،النظافة، الصحة العامة) د. مواضيع تربوية و تنمية مهارات محاور الكورس مهتمة اكتر بالسنة الاولى من عمر الطفل ٢٠. مع الوقت عندى امل نبقى مجموعة إخوات...مش مجرد ناس بتحضر كورس....تدعموا بعض...ولادكم يقابلوا بعض❤️ ٢١. الكورس مجانى...انا مش عايزة منكم غير إن الولاد يتأسسوا صح و إنتوا تبقى مرتاحين❤️ طب البث هيكون ازاى؟ المحاضرة اونلاين ازاى؟ بمنتى الامانه بقى هكلمكم😊 انا ماكنتش متوقعة العدد ده🙈 انا إفتكرت اننا هنبقى عشرين تلاتين....فهتبقى محاضرة على زوم مثلا الحقيقة ان اللى قدموا حتى الآن ٣٠٠٠...هى حاجه تفرح جدا جداااا....بس مسئولية كبيره....علشان اقدر اتواصل معاكم و اوصل محتوى الكورس بهدوء و سلاسة❤️ مش عاوزه اخليه بث مباشر عادى على السوشيال ميديا....علشان اسئلتكم ما تتوهش فى وسط الاسئلة...و نتجنب اى تشتيت عن المحتوى الأساسى فإحنا هنتجمع على قناة يوتيوب بنظام الإنتساب...و يبقى عندنا بث مباشر لوحدنا...مركزين فى موضوعاتنا إحنا... و طبعا هكمل باقى الاسبوع مع الامهات اللى بره الكورس فى ال live العادى خالص❤️ عمرى ما هسيبهم❤️ طيب يعنى إيه إنتساب لقناة يوتيوب؟ و هنعملها ازاى؟ -الإنتساب هى حاجه شبه الإشتراك فى القناة...بس بتبقى محددة لمجوعة معينة - بتدينا فرصة نعمل بث مباشر خاص بينا....انتوا بس اللى تسألوا....اتواصل معاكم بمنشورات او فيديوهات خاصة توصلكم انتوا بس...يبقى فيه اولوية للرد على إستفساراتكم فى وسط اعداد التعليقات الكبيييييرة اوى... اللى على فكرة نفسى و الله اجاوبها واحده واحده...بس الوقت ربنا يعلم... - طب الإنتساب بيتكلف كام؟ هل غالى؟ لا خالص....هم ١٥ جنيه فى الشهر.... انا اختارت اقل فئة ممكنة من يوتيوب بحيث المحاضرة تقف عليكى ب ٣ جنيه و نص 😅 و اسفه و الله انك هتدفعيهم...انا لو عليا ربنا يعلم...انتوا عندى أغلى من محاضراتى و شغلى...و مش عايزه اتقل على حد ماديا خالص فى الظروف دى بس دى الطريقة العملية اللى هقدر اجمع فيها الأعداد و اخلى الموضوع منظم و ما تخافوش هخليكم تسألوا❤️😅 ...حتى لو طولنا عن ال ٣ شهور😊 و حسب العدد اللى جاى هحاول اظبطها مجموعات...حسب ما وقتى بره الشغل و البيت يسمح طب انتسب ازاى علشان تبدأى الكورس؟ 1. هتدخلى على الرابط ده...و تدوسى على "إنتساب" أو "join" ru-vid.com/show-UCu3Dm4megJlUi5EDvRhYO3Ajoin محتاجين نعمل الخطوة دى قبل يوم الإثنين لو أمكن ✅️ هنبدأ يوم الإثنين اللى جاى إن شاء الله جلسه تعريفية....و دى كمان هتتذاع بث مباشر على فيسبوك لكل امهات الصفحة بحيث يعرفوا عن الكورس و من بعدها احنا مكملين الكورس على قناة يوتيوب بنظام الإنتساب لوحدنا بقى بحيث نركز ✅️ هيكون فيه جروب واتساب...للأمهات اللى وافقت على ده وقت التسجيل.... ✅️ اى معلومة او خبر عاوزاه يوصل لك...هيتبعت بالإيميل و عن طريق واتساب...و هينزل بوست خاص للمنتسبين حاولى تلحقى و تبدأى من الأول❤️ قبل ما العدد يقفل تعالوا نتطمن على الولاد...و نعمل اللى نقدر عليه معاهم على قد طاقتنا... و فى كل الأحوال إنتى أم جميلة😘
لو سمحتى يا دكتوره انا بنتى عندها ٦شهور وبرضعها طبيعى وصناعى لان الطبيعى من الشهر الرابع خف خالص وبنتى بدأت تعوف البن الصناعى اعمل اى علشان ازود البن الطبيعى عندى
بعد اذن حضرتك سؤال مهم جدا بالنسبالي. بنتي سنتين ونص لما بتعمل بيبي في البوتي بمسحلها بمنديل بس مش بشطفها عشان الجو كان برد وبدات احس فيه ريحة في المنطقة دي مش ريحة كريهة ولا فيه افرازات ولا هرش بس خايفة اكون كدة غلط ؟