كان من رأيي أن تلصق البوردة في الوجه الاخر من الشاحن لأنك لصقته علي بيانات الشاحن جهدك الطيب مشكور وياريت تستغل حايز علبة البطاريه الطرش الموجودة في السخان لتبيت الحجر الليثيوم بداخلها يا راجل يا طيب تشكر
اعتقد خطأ يا مهندس محمد عبدالتواب انك تركب بوردة شحن البطارية وتلصقها مباشرة على الشاحن لانها تطلع حرارة والشاحن بيطلع حرارة ممكن تحط بينهم شريحة المنيوم كمشتت للحرارة تحياتي لك وانت شخص مفيد جدا وخبرة ماشاء الله
مش للدرجه اللي حضرتك متخيلها ... لكن كلامك صحيح في حالة شحن اكثر من بطاريه توازي .... حيث يتم سحب ال 1 امبير من ال TP4056 كاملة .. و ساعتها لابد من شريحة الومنيوم كما تفضلت للتبريد. لكن في حال شحن بطاريه واحده فقط لا يتعدي التيار في اغلب الحالات 350 مللي امبير.
حمدلله على السلامة مهندس Mohammad Abdeltawab وحشتنا فديوهاتك كثير عوزين شرح دائرة السخان اللى حضرتك اتكلمت عنها فى الفديو ونسيت الدائرة فى المكتب وشكرا على الفديو الرائع دة
انت محترم جدا وشرح بسيط وأخلاقك تجبر الجميع على محبتك احبك في الله بس كان نفسي تتكلم شويه عن أسعار الأدوات اللي بتستخدمها ولو بسعر تقريبي التيسير أشكرك بشده
الله .. الله ... الله عليك دائما متألق ومحترم ..جزاك الله عنا كل خير ..وبفكرك بطلبى الخاص بدائرة الحماية مرة بالريليه ومرة بالترانزستر مع شرح مزايا كل طريقة فى الاستخدام ...مع عظيم شكرى واحترامى
بصراحة أفضل قناة متخصصة فى المجال ده وحضرتك حببتنى فى الالكترونيات والصيانة . اتمنى لو جت فرصة تشوفلنا طريقة لتشغيل موتور الهارديسك خارج الهارد وكيفية توصيل الاربع مداخل بتوعه وبياخد كام فولت وكتر ألف خيرك على مجهودك وإتقانك فى الشرح وصناعة المحتوى
تسلم الله ينور يا هندسة انا بصراحه حاطه بطارية نوكيا عادية 3.7 وتفضل معاى ثلاث شهور وكل ما تخلص اشحنها على الدسك توب او فى موبايل نوكيا الفكرة دى بقالى سنتين عملها
الله ينور عليك يا هندسة، شرح رائع بصراحة خلتني احب الكهرباء ههههه ممكن ترشحلنا محل كويس نشتري منه قطع الغيار في باب اللوق، ولو تعرف حد قريب من الشيخ زايد يبقى جزاك الله خير
تحياتي و دعائي لأخي محمد على عملك أسأل الله لك و لوالديك و المسلمين الفردوس الأعلى ياريت تتكرم علينا بدائرة فصل الشحن عن بطارية 12v و تزيدنا في مجال الإلكترونيات للهواة و نص المحترفين 🌹
نورت الدنيا كلها يا بشمهندس مستني حضرتك من زمان ربنا يذيدك علم - عاوز اعمل عندي ريلاي علي الغساله الاتوماتك يفتح الماتور ويقفه مع حنفيه الغساله (السونايت)
الله ينور عليك'''' لكن ملحوظه هامه جدا اغلب الاحيان المكتوب علي الشاحن غير مضبوط. ولو كان اصلي وعن تجربه''' الفكره جميله انا منفذها من فتره طويله ببطاريات موبيل قديمه''' لكن لازم يكون بطاريتين واحده علي السخان وواحده علي الشاحن'''
الحمدلله علي السلامه يابشمهندس والله وحشتنا ،،،، عندي سؤال انخفاض فلت البطريه الثيم اقل من الازم بياثرعلي عمر البطاريه ،،،،،في دائره شحن 4056فيه حمايه من انخفاض فلت البطاريه بتفصل البطاريه لو الفلت وصل ل٣ ممكن نستعملها ولا رئي حضرتك ايه
في السخان تحديدا عند فولت 2 لن يعمل السخان .. و بالتالي لن يقل الفولت عن 2 و تأثير هذا علي البطاريه بسيط جدا جدا… علميا فعلا يؤثر لكن تأثيره بسيط جدا… و الغولت الذي لايجب الانخفاض عنه هو 2.65 …
الله ينور عليك ويزيدك من فضله ويعافيك اخي الكريم طبعا مجهودك كبير جدا وشرحك ممتاز بالطريقة دي ممكن اوصل الشاحن دائما وكل ما فولت البطارية يقل الدائرة تفتح وتشحن البطارية ؟ ولا هيكون فيه مشكلة ؟
بشمهندس محمد اشكر حضرتك جدا على المجهود الرائع الى حضرتك بتعمله بدون مقابل جزاك الله عنا خيرا جميعا سؤال بعد اذن حضرتك يا هندسه ليه احتاج دايرة الشحن طلامه فى شاحن موبايل جاهز و اظن بداخله دائره تشحن البطاريه ؟ و شكرا جدا لحضرتك
أولا دائرة الشحن بتفصل الشحن عن البطاريه عند اتمام الشحن وتوضح عمليه الشحن ثانيا الشواحن ليست جميعها تصلح لشحن البطاريه فى شواحن مكتوب عليها 5v وبتخرج 9.5 او 8 لذلك ينصح باستخدام الدائرة
الله ينور عليك حاجة جميلة جدا وشرح رائع. سؤال بس من فضلك الشاحن المستخدم هو شاحن أصلي زي ماحضرتك شرحت وبيخرج 5 ڤولت ليه مش موصله مباشر على البطارية واستخدمت دائرة الشحن .
اشكرك لخوفك علي و لكن لا يوجد اي خطوره من حراره او غيره علي البطاريات ... لا تقلق سيدي ... البطاريات دائما في اسفل نقطه للسخان و بالتالي هي ابعد ما يكون عن الحراره.
استاذي الفاضل والأهم من ذلك كله هو أن البطارية هي أمان كامل وليست موصولة بالكهرباء مباشرة والتي احدثت بالفعل ماس كهربائي لقريبي مع ان السخان والشاحن جديد تماما
الله ينور عليك يا باشمهندس ويطول في عمرك يارب عندي سوال هو لازم اشيل السوكت بتاع دائره الحشن سوال تاني معلش هطول علي حاضرتك ينفع نفس الدائره دي اشحن علي بطاريه Energizer 1.5 قابله اللحش
مش لازم تشيل السوكيت طبعا… انت و مزاجك… لكن طالما هاتبقي ثابته في الادابتر يبقي استخدم السوكيت في حاجه تانيه… اما بالنسبة للبطاريات التي يعاد شحنها الاينيرجيزر هي في الحقيقه بطاريات من نوع النيكل ميتال هايدريد و دي فولتها 1.2 و ليس 1.5 فولت… وهذه الدائرة لا تصلح اطلاقا لشحنها…