{تعاشب شاي}(804) الديكتاتور الزاهي حواس 

في بلادنا العربية .. الحكام العرب بيعرفوا في كل حاجة .. تلاقيهم بيفهموا في السياسة وفي الاقتصاد وبيفتوا في الدين .. وفلاسفة بيوصفوا الدوا والعيان يدولوا حقنة والمسكين يدولوا لقمة .. خبراء دستوريين وظباط عسكريين وفنانيين بوهيميين .. ما شاء الله سيفيهاتهم تؤهلهم انهم يحاضروا في هارفارد مش يحكموا شعوب من بلاد العالم التالت .. دا ربنا يكون في عونهم انهم مستحملين شعوب زينا ..
وعشان كده .. حكامنا اهتموا انهم يعيشونا أحسن عيشة .. بس احنا اللي مبيطمرش فينا .. دول بيعلمونا أحسن علام وبيعالجونا أحسن علاج وبيثقفونا أحسن ثقافة..
ايه هو مش باين علينا الثقافة؟
لا أكيد باين .. ده احنا لو أخدنا 3 دول عربية كأمثلة زي العراق وسوريا وليبيا .. هنلاقي ان الطغاة اللي حكموا أو لسه بيحكموا البلاد دي كانوا بيسقوا شعوبهم ثقافة بالمعلقة .. متاحف انما اييييه .. وخطب عن التاريخ الوطني واحتفاليات وقصور ثقافة وميزانيات للبحث في التراث ومناهج تعليمية بتحكي عن الأمجاد والتاريخ .. أيوة بقى .. ايه الديكتاتورية الحلوة دي اقسم بالله ..
طيب لو هنتكلم شويتين جد بقى .. الـ 3 دول في حُكم صدام حسين وبشار الأسد ومعمّر القذافي كانوا أمثلة حية لحكام حكموا شعوب ليها تاريخ وحضارة وورثوا تركة كبيرة من الأثار والثقافة الممتدة لغاية النهاردة ..
ورغم ارتكابهم لمذابح في حق شعوبهم ورغم طغيانهم واستبدادهم وأخطاءهم السياسية الفجة اللي كلفت شعوبهم كتير أوي .. بتلاقيهم رغم كل ده كان ليهم اهتمام عجيب بالتراث .. سر مش مفهوم بإنك تكون طاغية ومستبد وايديك غرقانة بدم شعبك .. ومع ذلك مهتم أوي بالمتاحف والآثار والأنشطة الثقافية .. الحقيقة دي كانت وما زالت مفارقة عجيبة ومش مفهومة بالمرة ..
هل في علاقة بين انك تبقى ديكتاتور لا تُطاق ودموي وحُكمك كله فساد واستبداد .. وبين انك تكون مهتم بالثقافة والتاريخ والآثار؟
هنحاول نستنتج إجابة من العراق وسوريا وليبيا .. وأكيد كمان من مصر!
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
-الأسد وصدام والقذافي.. كيف استخدموا آثار بلادهم لتحقيق أهداف سياسية؟
bit.ly/3EIlKZk
-خالد الأسعد: السلطات السورية "عثرت على جثمان" عالم الآثار البارز الذي قطع تنظيم الدولة رأسه قبل سنوات
bbc.in/3dHVIcJ
-Archaeology Turns Political to Benefit a Trio of Middle East Strongmen
How three Arab dictators shaped national identity and their own personality cults around their country’s cultural heritage
bit.ly/3Gso3jM