انا الحق ولدوا قريباتي بالعملية ما يكبسوش خاطر مخطر عالعملية وماكي تعرفي العملية تتلم كان بعد ستة شهور من داخل تخاف تتحل اما تعمل سبور بعد في الماء خير
حمد لله على سلامة صابرين و بنوتة. ننصحك بكاس حليب دافي و فيه مغرفة بسيسة و برشا سوائل . انا ولدت مرتين بالعملية .نصحتني طبيبتي بالحليب و بسيسة . و ايامات لولة يبدى الحليب مش برشا عادي و كل ما البيبي يرضع كل ما حليب زيد مشاء الله
ماشاءالله عليك يا موني ربي يبارك في صحتك ويفضلك ليهم. عندي ملاحظة وطبعا كل واحد حر انا ولدت طبيعي وسيزاريان بصراحة ما تقولش بالكبسان والحمدلله يارب سيزاريان ماننصحش صراحة.....وربي يحفظها
منية اختي مبروك على ينيتك قامت هي و بنيتها سالمة غانمة وصايتي لصابرين تحاول تتحرك قد ما تقدر ما تخليش التعب يغلبها تحاول تدور في الدار قد ما تقدر تشرب سوائل بش ما يجيهاش القبض راهو اخطر حاجة في césarienne
انا والدة سيزاريان لازم الجمعتين لولانين تاكل كان السوائل والبرودو على القبض راو ماكلة العجين تعمل القبض والقبض يقلق فالجرح ولازم الراحة راو العملية تحب الاستحفاظ الغرز موش ساهلين
عسلامة يا صابرين حمدالله على خلاص الوحل والبنوتة تتربا في عزكم وباش ننصحك بالماكلة الزعرا والخضرة والسلايط كثر منها نيا ولا مفورة ومشتقاة الحليب والعضم راني مجربة ءاثنان عملية قيصربة وكل السبناخ في عوض حرابش الحديد رآهم يعملو الضبض وموش باهي القبض للعملية الماكلة الزعرة تبري الجرح من داخل ومن برا وداوم عليها بلاش حكة الطماطم المعجونة ونتي دليلك ملك والنصيحة لله بنيتي مدام عايدة من المروج❤
الولادة بالعملية الفترة الأولى ماتاكلش الخبز برشا و العجين عموما باش كرشها متيبسش تاكل برودو باللحم و الخضرة و السلاطة و لحم مشوي ويكون طايب بالباااهي و اعمللها البسيسة الفاكية و تشرب البسباس و الحلبة باش يدر الحليب
Tata ena welda césarienne martin w ma thotch ceinture w ma tekbsech rod belk Ama nsi7a dafilha chouy zit zitouna w hers 3oud 9ronfel w tsob fi rasha w tekbes bfoulard 5ater nefes w rasha ma7loul kima y9oulou nés Bekri ena fi nfesi Loul ma mchichtch bnsi7t omi waleli hwe fi rasi a9al haja youj3ni w nchallah min 9asmha bnaytha
اللهم صل وسلم وبارك على سيدنا محمد وعلى آله وصحبه أجمعين 🙏🙏🙏 ربي اشدلك في صحتك و فضلك صابرين و مريومة و مايان ما شاء الله توا و لاو عندك ثلاثة بنيات ربي افضلهملك و فرحك ب طه انشاء افراحكم دايمة متواصلة 🌹🌹بوسا كبيرة لصابرين و بنيتها تتربى في عزكم. ❤❤❤❤❤❤❤❤
الف مبرووووووك على صابرين للمرأة الثانية نهني لكم ان شاء الله تقوم با السلام ❤❤❤❤❤ اختي موني حبيت نتكلم معاك فا البريفي في موضوع خاص ادا كان ممكن ؟ تحياتي لكل العائلة صغيرا و كبيرا
