السلام عليكم أخي تبارك الله وماشاء الله على الخدمة دالطراسن وعلى طريقة الشرح المفيد والمبسط الله يرحم بك الوالدين.خويا يلا كان ممكن دير لينا تطبيق دالخدمة دالدبانة سواء اللي كتجي فجناب الطراسن والظفيرة او اللي كتجي فجناب السفيفة أو اللي كتجي فجناب الراندة كيفية البداية اديالها وطريقة الخدمة الله يرحم بك الوالدين واسمح لي على هاد الطلب .جمعة مباركة بالخير والتيسير والله يرحم من رباك
عفاك دير لنا دروس من البداية يعني دير طريفات الثوب ونطبقوا فيهم ونرسلوا لك في الانستغرام وفاش نكملوا الدروس نعملوا تطبيق جلابة صغيرة وقفطان صغير وفي الاخير نطبقوا في الكبير وهكا يبان الاستفادة وتنشر تطبيقاتنا، شكرا هذا مجرد اقتراح الا ممكن
دروس للمبتدئين ولا أروع ولكن كونت كنتمنى الفيديو الاول تشرحلينا فيا طريقة دلبريم وأنواعه حيت من تما كيبدا الشغل وتركز لينا على الطريقة ديال الترتاق مي كنساليو اي جزء في الجلابة معا طريقة التعامل معا كل نوع د التوب وعملينا درس على الفتحة دالجلابة كيفاش نديرو ليها بالتفصيل الممل حيت مالقيت حتاشي فيديو فيوتوب كيتطرق لهاد الموضوع لمعلمية كيصورو راسوم كيخيطو وصافي اما الفينسيون ماكيوريوهاش اتمنى تاخد هاد المساج بعين الاعتبار حيت الشرح ديالك في الفيديوات فيها فائدة بزاف وشكرا على المجهودات لي كتبدلهوم معانا باش تورينا واحد الحاجة نحن في امس الحاجة ليها والله يرحم والديك وجزاك الله كل خير
شكرا لك على هاد المجهود والشرح بغيت انسولك على السورجي ماشي ضروري في الخياطة اليد عجباني خياطة انشاء الله نتعلمو معاك والله اجازيك الخير ويدوم عليك الصحة الجواب على السفيفة اعتقد اقولها لمرمى وشكرا
الصنعة اليدوية كيف ما كان التمن رخيصة الله يعونك اخي يعطيك ضوء عينيك المشكل دابا تلقى الخياط يخدم التكشيطة رقيقة ويدير العقاد بحالا الكرموس عقدا الناموسة ما بقاوش
تبارك الله عليك خدمة متقونة وزوينة غير واحد الملاحظة كمبتدئة عفاك متزربش باش اتفهم الدرس مزيان وعندي سؤال عفاك شحال اقدني ديال السفيفة على طول القفطان وشكرا
