تستاهل ابوني والله نحب نشوف عملك المتقن ربي يبارك وربي يجازيك على عملك المتقن وعلى نصائحك الذهبية في العمل انا ديت فكرة من عندك وعملت بيها في طريقة بناء جدار بلياجور
بارك الله فيك على القناة والفائدة التي تقدمها للناس . واسمح لي بسؤال: الحديد لي بالعرض في السلوم palier أليس من المفروض أن يكون في الوسط بشكل متقابل.. يعني الحديد لي طالع على طول السلوم هو لي يكون من التحت ويرفد الحديد لي متقابل بالعرض. وبارك الله فيك
مشكور الأخ عبد سلام على نيتك و شي لي تقدمه لكن فيما يخص ليسكالي راه عالم وحدو كون متكونش محترف فيه ما تخرجوش سير لينورم أولا مش دائما نقسمو الإرتفاع على 2 لأنو شكل الدرج هو لي يتحكم في العمل ثانيا اخي حساب تع 16 و 17 سم مهوش عشوائي و مهوش بالقسمة تع الإرتفاع لأنو حنا في الهندسة نحسبو الدرج بقانون اسمو قانون (بلوندال ) اكتب في ڨوڨل او سقسي اي مهندس يحكيلك عليها لأنو هذيك الطريقة تعك عشوائية لأنو حطب فيه 17 سم ايا ناس تحسب بيها و هو هندسيا عندو قانون حسابي راني انجينيور و علابالي وش كاين احيانا درج يطيح كونطر مارش 14 او 15 سم و كود بناء المصري يطيحلك حت 10 سم كونطر مارش ثاني حاجة نوهك عليها كاين خطأ تقني في ليمارش لأنو يا الأخ عبد سلام كي تدير ليمارش تع طلعة يجو مقابلين تع الفولي زواج لي يطلع للدالة يوقع ديكالاج نهار تركب رخام كيفاش راح نفهمهالك ، لي كونطر مارش 9 اوائل حت للطابلة كي تركب عليهم رخام رح ينقصو على اقل 3 سم و لي كونطر مارش 9 ثانين لي يبداو من طابلة حت دالة رح يدولك من جيهة عكسية 3 سم و رياضيا (-3-3=-6) صفي كي تكمل فينيسيو تع رخام تعك تلقا ليمارش 9 لولا مديكاليين على 9 ليمارش ثانين لي يطلعو للدالة و كي توقف الفوق يبانلك ديكالاج لذلك طراساج تعك خاطىء و توجور ليمارش تع فولي دوزيام لي يطلع من طابلة للدالة توجور يجو متقدمين على تحتا ب على الاقل 5سم و في اخير نشالله تكون فهمتني و ربي يحفظك على كل مجهوداتك و ربي يوفقك على حساب نيتك الأخ
تنويه أيضا فيما يخص التسليح الثانوي لي تع الشبكة العلوية في الحصيرة ( الفولي) التسليح ثانوي هذاك تع 1،1 متر او مش عارف شحال داير فيهم مهم هذاك التسليح يجي تحت التسليح الرئيسي يعني يجي تحت ليبار فيلونت بمعنى ااخر شفت شبكة تحتانية ؟ يجو طوال من تحت و فوقهم صغار و الشبكة العلوية هي مجرد الشبكة السفلى و مقلوبة رأس على عقب و كي تقلبها تكون طويل من فوق و صغير وسط الحصيرة من تحت لأنو الشبكة العلوية دورها حماية الحصيرة من الإجهادات ( ليفور طرونشو) و ثم يكون من فوق وليس من تحت و نشالله تأخذ التنويهات بعين الإعتبار و تعم الفائدة
@@user-pr4bh4rw7y نعم الأخ هذاك فيما يخص روفاتمو تع الأرضية و من افضل استشارة صاحب المشروع عن نوعية الأرضية لي رح يخدم بيها و اذا فيه شوفاج سونطرال ووو و هكذا لأخذ قياس صحيح و اذا كان هنالك دفتر شروط تشوف وش كاين في روفاتمو و تعرف شحال تزيد هكذا بش ما يخسرلوش الدرج و ثان ما نعلوش بزاف بش ما تجيناش لاشارپ بزاف بنسبة لتحت الأرضية سواء سيرميك أو غيرها و هذي الأمور تقنية البسيطة هي لي تفصل الفرق بين عمل احترافي متقن و بين عمل عشوائي و ربي يكون فالعون بإذن الله