السلام عليكم يوجد مكعبات في المعالف نسبة بسيطه. تبدء بها ثم تكمل على البونيكام. العلف الأساسي بونيكام والمكعبات تكميلية. لأن الأغنام تحتاج فيتامينات ومعادن ما هو فقط بروتين الموجود في البونكام..
الونيكام من اسوأ الاعلاف الي زرعتها يعبي البطن للحلال بس مالاحظت اي تحسن بحالتها من ناحية التسمين والحليب. ويموت منه كثير اول ماتزرعه يعجبك شكله وسرعة نموه. البلوبانك افضل منه بكثير عن تجربه اكثر من ٢٠ سنه اعلف البلوبانك الحلال عليه عدل ويسمن اهم شي تعلفه اخضر وحاول تزرع مع البلوبانك الثيل والبعض يسميه نجيل جرب البلوبانك مع الثيل (النجيله _النجم ) وراح تشوف نتائج تسعدك والله اني علفتها البلوبانك مع الثيل ...وسمنت شحم لدرجة خفت انها ما تضارع ولا تمسك من الفحل وبالفعل بعض الضان عيت تضرع اضطريت اعزلها لجل تهزل شوي. هذي تجربتي من شمال غرب السعوديه بزراعة الثيل والبلوبانك على ابار صالحه لشرب وزراعتي بالمدافع الرشاشه التركيه. احببت ان اطرحها ليستفيد منها غيري ....البونيكام تجربتي معه سيئه بالرغم من ان مزرعتي تربتها زراعيه والماء فيها حلو تشرب منه. علف يعبي البطن قيمه غذائيه للحلال مالاحظت اي شي على الحلال ورجعت للبلوبانك والثيل ...وعلى العموم حنا كذا كل ما نزلو نوع علف طرنا معه بضجه لكن الفاهم الي جرب تجربتي مع البلوبانك والثيل ناجحه لاكثر من ٢٠ سنه. وشكرا.
السلام عليكم ورحمة الله بارك الله لك يبو صالح سوال كم مساحة الارض الي زارعه بونيكام ؟ وهل تعطي الغنم حبوب وكل كم تعطيها؟ انا معي تقريبا ٥٠٠ راس غنم وتو اسس مزرعه والله يوفق الجميع
كل يوم تكفيها شتلة كبيرة طول متر ونصف وطبعا مع نصف كيلو الشعير يوميا وكل اقل من الشهر تحصد من البونيكام مرة يعني الراس يكفيه 40 شتلة في السنة تقص وترجع تنمو عندك 100 راس لازم يكون عندك على الاقل 4000 شتلة بونيكام
@@محمدالشريف-م2ل الله يوفقنا ويوفقك اعتقد لازم تحط ل 500 راس على الاقل 20000 شتلة (عشرين الف شتلة ) كل راس يكفيه 40 شتلة في السنة ولازم نصف كيلو شعير يوميا
