تحية لك من المغرب.. يا اسطى 👍 احنا ماعندناش توكتوك بالمغرب بس عندنا تري سيكل نص نقل بيغليفوهم ويركبو ليهم كراسي وبينقلو بيهم الناس بالبوادي والقرى والمناطق النائية.. تحية لمصر وشعب مصر 👍❤
الله ينور عليك باين عليك انك انسان محترم كنت عاوز اسالك لو عاوز اجيب توكتوك مستعمل تكون حالته كويسة وسعره حنين يعمل كام وتوكتوك سيتي اللي انت راكبه ده كويس ولا لا وايه الفرق بينه وبين الباجاج الهندي
سؤال من اخ لاخوه لو هجيب توكتوك ان شاء الله واشتغل انا بس عليه شغل ١٢ ساعه وممكن اكتر دخله كويس وياريت لو تقولي رقم مثلا متوسط قد ايه واعلي حاجه ايه اعملها في اليوم انا من اسكندريه اتمنالك التوفيق ربنا يرزقك
حبيبي والله شوف ي معلم أولا انا معرفش الأجرة والأسعار عندكم عامله ازاي ف اسكندريه بس انا هقول ع اللي ماشي هنا تمام لو انت ناوي تشتغل عليه لوحدك ال١٢ ساعة كاملين يبقى تقريبا صافي من ٢٠٠ ل ٣٠٠ ج ف اليوم برده بيبقى ع حسب الرزق والشغل ووقت المدارس غير وقت الاجازة برده فاهم ازاي انت بس اشتغل ربنا يرزقك أتمنى أكون عرفت أفيدك لو اشتراك ف القناة وشير يبقى شكرا ليك حبيبي 💙👊
الله يباركلك ممكن ترجع ع التاني لو وصلت لسرعته يعني لو السرعه هدت منك شوية ممكن ترجع ع التاني عادي بس احنا بناخد ترتيب الغيارات عشان نريح التروس بتاعتنا
الفسبا هي هي التوك توك مفيش فرق ف السواقة الفرق بيبقى ان الفسبا عجلتين والتوك توك ٣ بس كدا وحاضر برده هعملك اللي انت عايزه حاضر بس ارجع م السفر ان شاء الله
شوف ي ريس اكتر غيار هتمشي عليه ف حياتك هو التاني انت ممكن تهدي ع التالت وبعدان زي م انت تكمل عادي لو طريقك سالك والمكنه مكركرتش معاك انما لو بدأت تكركر انزل ع التاني ع طول تمام
هقولك ليه انت لما بتدوس دبرياج مع الفرامل بتقدر انك تتحكم اكتر ف المكنه بدون م تفصل منك او تبطل وبالتالي تكرر منك طيب هل ينفع تدوس فرامل والدبرياج زي م هو اها ينفع ليه لا بس متوصلش المكنه أنها تهدي خالص وانت بدون دبرياج عشان متفصلش بس كدا. سهلة أن شاء الله اتمنى اكون عرفت اجاوبك والمعلومة تكون وصلت ولو ف حاجه تاني انا تحت امرك
تمام شوف ي معلم بما ان العدادات مش شغالة وانت مش شايف الغيارات والسرعات قدامك يبقى انت هتتعلم بالسمع يعني ايه.؟ يعني هتعتمد ع ودنك ف الموضوع ده انت هتطلع بالتوك توك عادي وتمشي بس لما تسمع تسمع صوت التوك توك بيعلى يبقى انت لازم تنقل ع غيار أعلى لانه انت ف الحالة دي بتبقا ماشي ع غيار صغير وسرعة عالية يبقى لازم تنقل طيب اعرف ازاي ان انا ع الغيار المظبوط للسرعة بتاعتي ان صوت المكنة ميبقاش عالي ولا واطي يبقى معتدل معايا لانه لو واطي هنا هيبقى العكس يبقا انت ماشي ع غيار عالي وسرعة بطيئة يبقى لازم ترجع الغيار اللي تحت حته اخيرة بس ف حته التمويرة اللي هي أن المكنة مش واخدة غيار خالص تعرفها ان ف شرطة كدا م بين الغيار الأول والتاني لازم تبقى عند النقطة الموجودة ع الجدول عندك وانا كنت بنتها ف الفيديو اتمنى اكون عرفت افيدك شكرا ليك يعني انت
حبيبي ف الحلقة التانيه ع طول كل الكلام فيها عن الرجوع للخلف بس ازاي تسوق توك توك الحلقة الثانية ولو عندك سؤال تحت امرك ارجو تكون استفدت ومتبخلش عليا بالاشتراك والشير وشكرا ليك 👊
تمام أولا أنا بحييك انه انت بتدور وعايز تتعلم حاجه انت تقدر تتعلم سواقة التوك توك مفيش مشكله بس كنوع م انواع الهوايه يعني مش شغل ليه ي عم مش شغل؟ اقلك انا الناس برا ف الشارع والسواقين هيستقلوا بيك ومتقولش اوعا دا انا وانا مفيش الكلام ده ف الشارع ف انت اتعلمها ومتشتغلش وكمان عشان موضوع الحكومة دا انت لسا مطلعتش بطاقة وقانونا تقدر تطلع رخصه رخصة من سن ١٨ سنه ف انت اصبر دلوقتي ع موضوع الشغل مش السواقة واشغل نفسك بحاجه تاني لحد م ربنا يكرمك وتكبر شويه وابقى اشتغل ساعتها براحتك شكرا ليك انك بتدور وانك سألت 👊
والله موضوع الخوف او الارتباك ده طبيعي جدا لأن ده حاجة جديدة عليكي وكمان خوف انك تخبطي حد او حاجه بس هقول لحضرتك ع حاجة عشان تكسري حاجز الخوف ده لازم تقنعي نفسك الأول انه انتي تقدري واللي عمل كدا مش أحسن ولا اشجع منك ثانيا تخيلي نفسك ف أي لعبة عربيات او جاتا اي حاجه يعني واتعاملي مع التوك توك كأنه لعبة هتلاقي الرهبة عندك راحت وعايز اقولك حاجه م دام انتي خايفة كدا يبقى هتتعلمي صح وتنجحي متقلقش م حاجه كل حاجة بتيجي مع التعود اتمنى اكون عرفت افيدك شكرا ليكي
التكاتك اللي انت بتقول عليها دي قليلة بس خد بالك كل اللي فيها ان الأول ورا وبعديه التاني والتالت والرابع كمان ومكانه المارشدين يعني هنا المارشدين اولاني تمام ولا الدنيا متلخبطة شويه
تمام ف نوعين من التكاتك واحد زي الفيديوهات اللي معايا والترتيب ف الغيارات بيكون اول تموير تاني. تالت. رابع حلو وده اللي معايا النوع التاني مرشدين تموير. اول تاني. تالت. رابع تمام كدا بس النوع ده قليل شوية ف الشارع يعني بس مش هتفرق نفس نظام السواقة برده بدل الأول مرشدين غير كدا مفيش حاجه وحجمه كمان بيبقى أصغر م اللي معايا ف الفيديو وموتوره متغير حاجه بسيطة بس هى مكنه كويسه بصراحة وهندي كمان وف منها صيني ف اللي موجود معاك يشتغل ربنا يسهلك اتمنى اكون عرفت افيدك متبخلش عليا بالاشتراك والشير شكرا ليك
هتلاقي جراب الغيارات الأبيض فيه صاموله كبيره حركها ف اتجاه وجرب تمور مكانش جرب ف الاتجاه التاني لحد م تظبط مكانش هتفك الجزء اللي قدام اللي بتحكي فيه الفلوس وتبين ماسورة الغيارات من قدام هتلاقي العيله معلقه أو مكسورة اعملها وهتظبط أن شاء الله
لانه انا مش دايس بكامل قوتي ع الفرامل طب ليه يعني لانه انا لو دوست جامد ع الفرامل مرة واحدة المكنة هتقف مرة واحدة زي الزغطة كدا ممكن يكون ف حد ورايا ممكن اي حاجه. ف انا محتاجها تكون بتعدي بس عشان كمان متبطلش مني بس ف حالات الخطر يغني لو واحد جه قدامي ع غفلة مثلا فجأة لازم ادوس مرة واحده عشان مخبطوش اتمنى اكون عرفت افيدك شكرا ليك
شوف ي معلم اتخيل نفسك ف لعبة أي لعبة زي جاتا مثلا ولا اي حاجه وانك انت بتلعب وراكب المكنة بتاعتك وماشي وان الموضوع سهل وعادي يعني ما الناس ماشية اهي بس عشان تجرب موضوع الحودان ده شوف حته فاضية كبيره ووقف واحد صاحبك ف النص واقعد لف حولاية بالمكنة بحيث انك متخبطوش واقعد روح وتعالا كذا مرا علية الكلام الصح بقا انه انت معاك حاجه اسمها مرايات قبل م تلف اي ملف اي م كان انت هتبص فيهم الأول لو تمام والدنيا فاضية معاك هتلف وانت مطمن لو لا هتستنى لما تروق وتمشي بعدها قلبك بيقوى لما بتعملها كذا مرة وتمشي ايدك عليها شكرا ليك