السلام عليكم ورحمة الله وبركاته أختي، جزاك الله خيرا الجزاء، و سهل الله لكي طريق النجاح و الفلاح 🙏 نصائحكي عملت بها وكانت جداً في غاية روعة و احبها الأطفال مع العلم ان الأطفال غير الناطقين بالعربية مرةً أخرى جزاك الله خيرا الجزاء.
وعليكم السلام ورحمة الله وبركاته 🌹 اللهم لك الحمد و الفضل 🌹 شكراً بجد لحضرتك على كلامك الجميل فرحت قلبي❤️ ربنا يسعدك و يبارك فيك و يجزيك خير الجزاء على تعبك و مجهودك معاهم 😍
وممكن تعمليلنا فيديو عن انترفيو المديرة الأسئلة بالانجلش ممكن تقوليلنا كل الأسئلة باجابتها بالانجليزي بس بسرعة الفيديو بالله عليكي هوه والباور بوينت عشان عايزة أقدم
السلام عليكم ورحمة الله وبركاته أختي، جزاك الله خيرا على كل شيء. عندي سؤال، ماذا يجب علي أن احضر في اليوم الأول في الدخول المدرسي. يعني نصائح.. من فضلك. و شكرآ جزيلاً.
وعليكم السلام ورحمة الله وبركاته 🌹 جزانا الله وإياك شكراً 🌸 أول يوم و أحيانا أول أسبوع بيكون فيه الآتي : - وضع قواعد للفصل زي ( الإجابة برفع اليد - الإذن قبل الخروج من الفصل - طرق الباب قبل الدخول ،، وغيرها كتير) و ممكن تقوليها في شكل قصة أو تمثيلية لهم. - البدأ بنشاط يجذب الأطفال أو الطلاب عشان يحبوكي. - لو المنهج فيه إنك تشرحي درس من أول يوم يبقى تخليه خفيف و فيه نشيد و له حركات تمثليه مع الأطفال. - خلي دائماً دخولك للفصل مميز و جذاب لهم زي مثلا تدخلي بعروسة لعبة أو ماسك لشخصية و تحكي حكايتها أو نشيد وكده ، بجد بيحبوها جدااا و بيفرحوا بيها .
ممكن تعملي لنا ديمو لدرس أولى أو تانية ابتدائى (موضوع) مش حروف وتقسيم السبورة يكون ازاى ؟ وازاى نوظف الأساليب فى الدرس زى مثلا المفرد والجمع وهكذا طريقة الشرح بالتفصيل على السبورة والباور بوينت والأنشطة اللى ممكن نستخدمها
شكراً 🌹 معليش في النهاية هي خبرة بنكتسبها و بنعرف منها نقاط قوتنا💪🏻 و نقاط ضعفنا 🙃و ربنا ياارب يرزقك رزقا حلالا طيبا مباركاً وفيرا من حيث لا تدري و لا تحتسبي ❤️
الله يوفقك ويعطيك الصحة ويجزيك ربنا خير انا لي شهر واحد بالتدريس وتعبت جدا حتى الاقي صفحة حتى اتعلم منها كيفية التعامل والاعطاء توجد عندي معلومات ولكن افتقد الخبرة لاني جديدة وكنت ح اترك المدرسة ولكن بفضلك اتشجعت اكفي مع طلابي شكرا من كل قلبي والله يزيدك من فضلو وعلمو اروع مدرسة حضرتك
شكراً على كلامك الجميل 🌹 أسعدك الله أضعاف ما أسعدتي قلبي ❤️ ومعليش مهنة التدريس فعلا من أصعب المهن محتاجة صبر و طولة بال على حاجات كتيييرة ربنا يعينك و يقويك يااارب 😍
@@missarwa لأ بجد اللهم بارك عظمه 😘😘😘جمعتي فيه كم معلومات قعدت على ڤيديوهات كتييير مكنتش بفهم حاجه لحد ماشفت قناتك ربنا يبارك لك عايزه أستشيرك في حاجه ياميس أنا حاليا بشتغل في مدرسه دوليه بس مرتباتها ضعيفه مرتبي 3500 مكانها بعيد عن بيتي ساعه ونص الصبح وساعه ونص رجوع بعد الظهر وقدامي حاليا شغل في مدرسه خاصه أزهري مش دوليه ومرتبها 2000 جنيه بس هوفر فلوس مواصلات ووقت لو مكاني حضرتك تعملي إيه تختاري تكوني في أيهم الدوليه ولا الأزهريه الخاصه لغات
@@shahendahikal9401 تسلمي يارب كلك ذوق ❤️ وبالنسبة لسؤالك المدرسة الدولية خبرتها أعلى خبرة في المدارس و لما بتروحي تشتغلي في أي مدرسة تانية بتتقبلي على طول لمجرد إنك اشتغلتي في انترناشيونال+ لو عرفتي تعملي لنفسك اسم والولاد حبوكي هيطلب منك دروس برايفت وماشاء الله بتكون فلوسها كويسة جداا وهتعوضك مرتبك ويمكن أصلا تستغني عن المدرسة خالص. وفي النهاية ما تنسيش تفكري كويس وتستخيري
@@shimaakhalid1219 وعليكم السلام ورحمة الله وبركاته، أهلا بك 🌸 ربنا يااارب يكتبلك التوفيق والقبول. حقك تتوتري وتخافي الشخص لما يكون تحت العدسة بيحس فعلا بقلق وحطي في بالك ان اللي بتشرحي قدامهم سواء مدير أو مدرس لو وقف يشرح هيحس بنفس الخوف. عليك إنك استعيني بالله، ثم حضري نفسك وأدواتك كويس، تخيلي اللي قدامك طلاب وبتشرحي. وربنا يوفقك ❤️
عندي تحضير الحرف الياء احبه بيدا الدرس في انشدوه بحرف الياء هل هذا صحيح والله ممكن تعطيني أسئلة حلوه تخصص حرف الياء الله يسعدكم جميعا سعدوني يوم الاثنين عندي اختبار ديمو 🥲🥲🥲🥲
تقدري كمان تبدأي بفكرة "السينما" تقوللهم مين يحب يروح السينما؟ طيب انا جبتلكم السينما لحد عندكم يلا نقفل نور الفصل ونستمتع بعرض فيديو قصير عن مثلا شجرة اليوسفي أو عن اليمامة. و بعدها اسأليهم ايه الفاكهة اللي كانت في الفيديو؟ لونها؟ ازاي بتتزرع؟ وبعدها تقولي درسنا النهاردة عن حرف فاكهة اليوسفي وهو حرف الياء.
أهلا بك 🌹 التحضير بتقدميه للمدرسة قبل ما تبدأي الديمو و زمان مكنش بيطلب لكن دلوقتي بيطلبوه و لما بتعمليه بياخدوا انطباع إنك حد محترف و فاهم شغله كويس أوي .
أنا عندي ديمو عربي ومش عارفه أشرح أزاي بشتغل ف حضانه عاديه مش مدرسه الحصه بتبدأ بقرأ الحروف وبعدين أبدأ أشرح الحرف طريقة كتابته وصوت الحرف وبراجع الحرف ألي قبله ونبدأ نكتب ف الكراسات بس أنا شفت ف المنهج الجديد حجات مختلفه بياخدوا مثلا الحرف بالحركات الأربعه عن طريق حدوتة الفصول الأربعه وبياخدو مواضع الحرف وكلمات أمثله عليه مش عارفه أشرح بالطريقه دي ولا طريقتي العاديه ف الحضانه
@@لؤلؤه-ك3س كويس جدااا يبقى تختاري أسهل حرف بتعرفي تشرحيه كويس مثلا حرف الباء أبالحركات و ركزي على اسمه صوته كتابته و كلمات عليه واشرحيه بقصة و نشاط و خلي الطفل يطلع يكتبه على السبورة .
أهلاً بك 🌹 لسببين : أنه الحروف و الأرقام أسهل في الشرح بالنسبة لك ك معلمة و خصوصاً لو حد متخرج جديد أو بدون خبرة. و السبب الثاني : أنها مفيهاش قواعد أو صعوبة بحيث أنه ممكن حد يوقعك و يسألك سؤال فيها ممكن تكوني مش عارفة إجابته. ومن باب الإحتياط برده خلي عندك فكرة عن الدروس دي و طريقة شرحها عشان لو حصل و اطلبت منك. وبالتوفيق 🌸
@@nayrachan7006 بصي حضرتك مرحلة الكي جي التركيز فيها بيكون على تعليم الطفل أساسيات القراءة و الكتابة من حروف و قواعد بسيطة لكن المواضيع العامة زي فصول السنة و حيوانات الغابةو الزراعة و غيرها بتكون بجانب الدرس وفيه مدارس بتعملها مادة لوحدها و مدرسة اللغة العربية أو الإنجليزية بيدروسها بجانب تدريسهم للعربي أو الانجليزي .
@@Myfoodiesart1 نصيحتي لك انزلي حضانة اتدربي فيها وخدي خبرة في التعامل مع الأطفال وثقة في الشرح وتدريس المادة. في البداية هتكوني خايفة و قلقانة لكن بعد كده هتتعودي وتحسي نفسك بتفهمي الأطفال أكتر وتعرفي تتصرفي في المواقف المختلفة وبعدها قدمي في مدارس.
@@Myfoodiesart1 انزلي من نفسك بلاش تستني التدريب العملي بتاع الكلية لأنه للأسف أحيانا بيكون ضعيف ومختلف عن الواقع الفعلي تماما و مش هتاخدي خبرة زي ما تنزلي في مكان و تمارسي المهنة.