أسأل الله العظيم رب العرش العظيم ان يشفيك ويشفي جميع المسلمين شفاء لا يغادر سقما وربي يوفقك في مشروعك وتوصلي لأعلى المراتب.وربي وكيلهم ويأخذ فيهم الحق.
أنا صراتلي نفس المشكلة لكن مرض آخر بصح راجلي وقف معايا راجل بمعني الكلمة ربي يحفظه ولحد الان أنا ندايق بصح هو يقول لي لوكان صرالي وانا مرضت ماترفدينيش قول لا نرفدك ولا يقول ملا اسكتي خليني نرفدك ودايمن ندعيله ربي ماتبدلش بلعكس ولا يحبني اكثر من قبل مع العلم ان مرضي شوي صعيب متعلق بلمستشفي يومياً نهار بنهار نها لي نروح المستشفي هو يقوم بدار والاولاد ونهار لي نقعد فيه فدار أنا نقوم بداىي واولادي و عايشين وحامدين ربي سبحانو ودايمن يقولي الحمد لله لي عشتي وربي طول فى عمرك ونشوفك قدامي تم عرفت بلي حبني وادني عن حب والله هو سندي ربي يخليه ويحفظه ويرزقه الفردوس الاعلى من الجنة
سلام عليكم خواتاتي دعو لخويا بشفاء عنده مرض سل وراه فلحبس ورنا خيفين عليه راه غي ينقص ويكحال مفاقولهش حتى نتفخ من جيهت قلبه كي داوه لسبيطار قلعو منه 5لتر ماء ورنا خيفين عليه ياخوتاتي لي فاتت على هذا مرض تخبرني رنا في غبينة ودعوله ربي يطلق سراحه ويشافيه
ربي يشفيك ان شاء الله ما تفقديش الامل بربي سبحانه اللي خلق ما يضيع ربي كيما ابتلاك يشفيك كيما ابتلاك يشفيك الله يقويك قوي ايمانك بربي سبحانه حبيبتي ربي يشفيك ويدعي لك على ظهر الغيب ان شاء الله ربي يشفيك ويكون معك ان شاء الله❤ حبيبتي ربي يشفيك ويدعي لك على ظهر الغيب ان شاء الله ربي يشفيك ويكون معك ان شاء الله ويقويك❤❤❤❤❤
سنة هجرية سعيدة ان شاء الله تذخل علينا بالصحة والهنا والفرحة 😊 ختي ربي يشافيك ويعافيك ويعوضك بخير اناتانيك من ذوي الاحتياجات الخاصه والحمد الله عايشة في دار والديا الله يرحمهم مع خاوتي الحمد لله اما الزواج نسياتوا بسك المراة تتقبل الراجل بعيوبوا بكلشي واما هو مع اسف ماشي راجل مع احتراماتي لفئة قليلة ،بصح ياختي لعزيزة كيفاش تخليلوا قشك لتعبتي عليه والله مايستهلوا ومايربح عليه وحسبي الله ونعم الوكيل فيه وان شاء الله ربي يرزقنا بالخير 🤲
السلام يا اختي انا صرالي كيما انت تزوجت زواج تقليدي مع واحد عسكري وعشنا حياة بسيطة وحلوة وبعد مدة تثاقلت في المشي كي درت التحاليل وليارام قالولي عندك التهاب في المخ اجهضت مرتين بعد الاجهاض تبدل علي قتلو انا مريضة نصبرو لربي وداويني كان ما تقدرش نتفارقو بالتراضي قالي اقسم بالله ما نفرط فيك لو كان تتقص رجليك كامل المهم نعيشو بالقدر ودخلت مستشفى الاعصاب في عنابة وذهبت للمرقيين كنت نمشي متثاقلة قالولو هذا المرض ما تبراش منو تبدل علي 180 درجة حتى الماء للشرب ما جابش هولي ما يهدر معايا ما يدخل للدار وانا كنت مع ابوه وامه وزوجة ابوه واخوه والاخوات المتزوجات يجو ضياف عايشين بالقدر ما والله شاهد من بعد محبش يكمل يداويني قلي ما نداويك ما نوكلك ما نشربك مانهدر معك ودبر راسك قررت نروح لاهلي جابلي سيارة وبعثني مع ولد خوه قتلو نروح نرقي ونرجع قلي نعم انا روحك وهو بعثلي مساج خلاص المكتوب بيناتنا ورفع قضية وطلقني انا عشت ازمة البيبي وازمة التهميش تاعو وازمة الخطا الطبي زادت حالتي واصبحت في الكرسي والسؤال لحيرني ومانسيتوش مدة13سنة نستناك مانطلقش واعطيني الديلي لترتاحي فيه قتلو ربي قادر على كل شي ودرت ثقة في الله واستعنت بالله وفوضت امري له وبعدت عن الدواء وحصلت المعجزة وشفاني ربي وتركت الكرسي وراني عايشة مع امي واخي وزوجته وعابدة لله ولا استطيع ان اعطيه حق الشكر قد معجزته سبحان الله القدر لعوب تزوجت ومرضت وكي تطلقت تحسنت حالتي المهم الصلاة القران الصدقة الدعاء خاصة في السجود وجوف الليل والاهم الثقة بالله تكون المعجزات وهو تزوج وانجب وما غاضنيش الطلاق غاضتني الحقرة تاعو وخليت امرو لله الله شاهد على كل كلمة ادعولي بالشفاء لان مرض الالتهاب في المخ صعيب ونتمنى يرزقني ربي عمرة كل قارء رسالتي قل امين امين امين وسامحوني على الاطالة
ربيربي يشفيك ويعافيك والله نصيحتي ارقي وامسدي رجليك بازيت زيتون لمرقي ورشيهم بالماء المرقي لقران يصنع لمعجزات اتسببي لعل الله يحدث امرااا ارقي نوصييييك اتصدقي كل يوم حويجة حتى بسيطة والايام بيناتنا والله قادر ربي
عندها الحق يماك خليلوا كلش الجيعان ربي كبير كلش يوليلك اضعاف مضاعفة و صدقيني و الله تخرج هاذاك المخلوق طول ولا قصر و انت يا ختي اكثري من للاستغفار و و سورة البقرة اي عبادة المهم تقربي من ربي و خلي ايمانك قوي ربي على كل شيء قدير "كل شيء " ان شاء الله تولي بصحتك و تجي تبشرينا المهم ادعي و خاااصة الاستغفار "وما كان ليعذبهم و هم يستغفرون "
يا اختي ادعي ربي وصلي وقومي الليل واقراي دائما القران وخلي ثقتك بالله تكون كبيرة صدقيني ايجي النهار ربي ايفرج عليك وتقوفي على رجليك هاذا ابتلاء من عند الله يشوفك اذا تصبري ربي يشفيك ان شاء الله بصح يااختي رجاءا رجعي كامل اغراضك متسمحي في والو حتى في بوشون تع القرعة تع الماء والو وصدقيهم كاش واحد فقير خليها تكون صدقة جارية بيها يشفافيك ربي ان شاء الله
صاحبة القصة صلي ودعي ربي يشفيك وقشك لي شرتيه بدراهمك وتعبك، روحي جيبيه وبيعيه ورحي للخارج وداوي كي ڨالك راجلك شحال غادي تڨوعدي في الكرسي عرفت بلي اناني وطماع على كل ربي يشفيك❤
سامحيني هذا مش راجل وبان على حقيقته اناني وطماع ..لوكان صراتله هو …انت توقفي معاه ولو يكون في الفراش…انت ربي يشفيك ماتقنطيش من رحمة ربي ..أن الله على كل شيء قدير …
اللهم ارزقني بزوج صالح تقي نقي هني عاشقاً لله ورسوله ناجح في حياته، أكون قرة عينه وقلبه ويكون قرة عيني وقلبي، اللهم ياجامع الناس ليوم لاريب فيه، اجمع بيني وبين زوج غني بدينه وأخلاقه وماله، فيسعدني ويفرح قلبي، يا من أمره بين الكاف والنون وإذا أراد شيئاً قال له كن فيكون ارزقني بزوج صالح وذرية صالحة تقر بهم العيون.❤😢 5:35
