تغطياتك جميل و رهيبه تذكر المميزات و الايجابيات وكانك تعرف مافي انفسنا من تساؤلات او ملاحظات 👍 بس ناقصك انك توضح مساحات او مسطحات البناء وليس فقط مساحه الارض . شكرا لك
والله العظيم اهم شي بالآخرة السعودية عاجبني بتصاميمهم عدا الذوق والأناقة هو الحشمة الداخلة بالتصميم الضرورية للعوائل المحافظة والمسلمة نفس الشي عدنا بكردستان ولكل قاعدة شواذ، الله يحييكم و يباركم و يوفقكم و تحيات عطرة من اخوانكم بكوردستان
الله يعطيك العافيه ياليت لو تشتري الجهاز اللي يمسك الجوال وانت تصور ويمنع الاهتزاز دامك في بداية مشوارك والله صدع راسي من كثر التحركات و الاهتزاز وفالك التوفيق
الله يعطيك العافية مجهود جميل وذوقك حلو في للاختيار لكن عندي ملاحظه بسيطة كرما قبل تبدا الشرح يا ليت تذكر مساحة الارض وابعادها الطول *العرض وكم مسطحات البناء عشان تكون الصورة واضحه للجميع
منظر المغاسل إذا كانت لاصقه فى الجدر ..... بتكون اسهل فى الإستخدام وأجمل فى الشكل ..... وتكون حاجر عند وضع الأغراض .... يعنى ما الفائده فى ترك مقدار ٢ سم .... واذا نزل الماء من الأطراف بيخرب الدهان ويكون مزعج فى شكله وصعب صيانته سواء بالدهان أو التنظيف .
ماشاء الله عليها وماشاء ع التصوير 👍١٠/١٠ اما السعر مايصلح وانتم تعرفون الان الشمال مايحتاج نوضح ،الا اذا نزلتوا الاسعار لان المساحة صغيرة جداًفهده تستحق ٥٠٠او قل ٦٠٠وشكراً (الرسول صلى الله عليه وسلم :تعوذ من البلاء والرباء (والغلاء)
ترا خمس مئة الف هذا سعر الأرض بروحها. الحين الأراضي في هذا الحي أسعارها الحين بين 2500 و3000 للمتر تقريبا فخمس مئة الف هذا المبلغ ما يكفي تشتري الأرض بروجها بدون عمار.
ولازلنا نبحث عن شقة تمليك في حي هاديء، سواء في شرق شمال الرياض او شمالها،او وسطها،يارب في يوم هالجمعة تيسرها لنا ويكون سعرها معقول ،ودعواتكم الله يرزق الجميع .
الله يرزقك يارب فيه تطبيق اسمه( عقار) نزله عندك وشوف في اسعارهم من مليون وتحت وفي كمان فوق المليون وفيه كلشي ونشالله بتلاقي الي بيعجبك والله يرزقك ويرزقني يارب
ابحث مع شركة الماجدية، عندهم شقق مساحتها اقل من 150 متر وقيمتها حدود ال600 الف حسب الموقع، لكن شقق عمستوى. ودور في تطبيق عقار بعد تحصل خيارات ارخص وازين
جميل لكن عندي ملاحظات اولا مادري ليش المقاولين يكثرون الفواصل الزجاجية اتوقع ارخص من بناء جدار وافياش واسرع احنا نحب الخصوصية مااحنا اوربين بعدين جونا حار اغلب السنه يعني التبريد لازم تبريد قوي واغلب السنه مايطفي طبعا استهلاك عالي للكهرباء بالنسبة لاابواب الحمامات ليش زجاج شفاف🤔 كيف لو احد دخل عندك بالغرفة كان ماركب باب ارخص !! والمطبخ بويه مع الطبخ والابخرة بيتجمع زيوت وتصير صعبه بالتنظيف بتتقشر ياليت المطورين يرحمونا من موضوع الزجاج الكثير اللي ماله داعي لان المشتري بيخسر اكثر في تقفيل او تركيب ستاير وحواجز وسواتر لااحد يزعل هذي وجهه نظر والكل بكيفه
التصاميم هذي احصلها بشمال الرياض مدري وش يحسون فيه من خارج البيت اشوف الي جالس بغرفة النوم ويقولك ركب ستارة طيب ليه تكبر الشباك من الأساس! يقولك علشان يدخل الضوء للغرفة! طيب هذي غرفة نوم والفيو الخارجي شارع 15 والا فيه شجرة وحده قدامي! الشيء المتعارف عليه عادي كبر شبابيك الدور الارضي وصغر الشبابيك الدور الاول والملحق لانها طبيعي 80٪ بتستخدم للنوم
نفسي ادخل مخ المصصم واعرف ليش حط باب غرفة النوم الماستر زجاج .. بالله كيف بعملها بالحمام والمدام قدامي تناظرني و فوق هذا كله السرير مقابل الحمام وايضاً باقي غرف النوم كلها باب زجاج ايييييييييييييييه ده
انت قلت ان الملحق الخارجي انه يكفي ، وانا مع رأيك هذا وبشده يا ناس الملحق الخارجي يكفي لإستقبال الضيوف عشان كذا انا اشوف ان المجلس الرجال مع دورة مياه تلغى ، ويكتفى بالملحق ودورة المياه ، خلاص هذا تصلح للضيوف تصلح لعزبي او قريب يقيم فيه والمجلس الداخلي ودورة المياه يجعل مكانها حديقة او يستخدم مكانها اي شئ اخر لو حتى يتوسع البيت ، والمقلط الداخلي يضل على ما هو عليه ، او المجلس الداخلي يكون هو نفسه المقلط مو معقول مساحة ٢٢٥ م اخصصها ملحق ومجلس ودورة مياه ومقلط ، يعني راح نسبة حوالي ٤٠٪ من الدور الأرضي فقط للضيافة والضيف ما يجي بالسنة اللي مره والا مرتين واذا قعد عندك يمكن لاتزيد عن ثلاث ساعات ويمشي غير منطقي تماما تضيق على نفسك من داخل والصالة ضيقه والمطبخ من تفصيل الدولاب بيصير أصغر ، وغرفة الخادمه أصغر من القبر ، ما يصير كذا حتى المطبخ تحسه مكتوم ، وهذا كله بسبب قسم الضيافة ١ و ٢ و٣ و٤ تخيلوا ٤ عناصر مخصصه للضيافة في الدور الأرضي جعلت البيت ضيق