انا من الشمال ومن خلال عملي صار 11 سنه اتجول في جميع محافظات العراق اهل البصره اهل كرم وطيب هذا ما ينرادله نقاش ولكن اكو استغلال بالاسعار بكل شي واغلى محافظه بالعراق هيه البصره والله يساعد الفقير
نعم وانا اؤيدك تماما. البصرة أغلى محافظة بالعراق، أغلى من بغداد واربيل، في كل شئ. اسعار المواد الغذائية، اجور النقل، السلع والخدمات، والايجارات والعقارات.
لا اكو محرك صغير حيل يسمو ذبانه يستخدم بالمناشير البانزين وشغلات اخرى هذا الي ينحط للبايسكل هذا المحرك چبير يملخه للبايسكل ومايتسيطر عليه لأن البايسكل وزنه اخف وتايراته رفاع
مجتبى السلام عليكم عاشت ايدك على النصائح اني اعرفك انت انسان ذكي الله يوفقك ليش ما تشتغل بتحوير دراجات شحن تخلي للدراجة دينمو DC حتى تشحن نفسها بدون ماتحتاج كهرباء للشحن ولو تحط بالك يم الدراجة تكدر تسويها وكيلك الله بعد محد يشتري دراجات البانزين فكر بيها والله يوفقك ويحفظك
حبي مجتبى بعد روحي خوية سوي سيارات شحن صغيرة وبيع وانعل ابو الحكومة السيارات الشحن تستخدم داخل المدينة فقط . اشو انت جاي تحور ستوتات وحديد عندك ترا السيارات الشحن الصينية مابيها حظ تخوف يجيبون حديد شخاطه اقل الملم ويلحموهن يسوولك هيكل تضحك عليه والله عبالك سيارة مال جهال وجاي يبيعون بالآلاف يحملون بحاويات ويدزوهن لجميع انحاء العالم چا شبينا احنا ترا عدنا خير من الله عقول وعدنا كلشي وكلشي نگدر نسوي بس هي المشكلة بالبطاريات غالية
احسنت أستاذ اقترح أن تحور دراجات هواءية إلى كهرباءية يعني تركب لها ماطور 24 فولت مثلا وتستعين الطريقة من اليوتيوب اكتب طريقة تحويل الدراجة الهواءية إلى كهرباءية
واكو ايضا ينباع ماطور ١٢ فولت او ٢٤ فولت وهم تحط بطاريات ودائرة شحن . بالمناسبة هذه الدائرة مو بس شحن بطاريات هذي تحددلك صرف البطاريات بطريقة متساوية وتحافظ على البطاريات وماتخليها تستهلك الشحن بسرعه
نصيحة اخواني الي حاب يبدل بطاريات وبسعر مناسب واصلي ومضمون يتوجه الى سوق الصدرية يوجد لديهم كافة انواع البطاريات كما ذكر الاخ 23 امبير يوجد 30 امبير وسعر البطارية 45 الف وضمان شهرين / تنبية هناك العديد من الانواع منهم 20 امبير وهو بالون الاخضر منهم مغشوش ومنهم اصلي ولكن الافضل عليك ان تركز على 30 امبير وهو غني عن التعريف ويطلق عليها الاسم ام الولد بالون الاحمر تحياتي لكم جميعاً
