تفاصيل خناقة أوروبا وأمريكا بسبب هزيمة الغرب أمام بوتن 

حلقات مقترحة
تفكيك الاتحاد الأوروبى
• فرنسا تغادر الاتحاد ال...
العركة ابتدت
• حرب روسيا على اوكرانيا
الصين باعت روسيا
• تخلى الصين عن روسيا وت...
إيران تنقذ روسيا
• ايران تنقذ روسيا من ال...
تركيا خدعت الكل
• كيف استغلت تركيا حرب ر...
مصر تنقذ اوروبا
• مصر تنقذ أوروبا من قبض...
نهاية الحرب
• ألمانيا تتدخل لإنهاء ح...
هزيمة بوتن
• فضيحة بوتن بعد ضرب قاع...
العقوبات طلعت فشنك
• حرب روسيا وأوكرانيا
أريد أن أذكر الذين سمحوا لأنفسهم بهذه التصريحات عن روسيا.. أن موسكو لديها أيضا مجموعة متنوعة من أسلحة الدمار الأكثر تقدما من تلك التى تمتلكها دول حلف الناتو.. وإذا تعرضت وحدة الأراضى الروسية لأى تهديد.. فإننا سنستخدمها بلا تردد فى الدفاع عن روسيا وشعبها..
ده كان تعليق الرئيس الروسي فلاديمير بوتن من كام يوم بعد ما أمريكا ودول حلف الناتو هددوا روسيا باستخدام السلاح النووى فى الحرب الدايرة هناك فى أوكرانيا..
طيب ايه علاقة الكلام ده بموضوعنا النهاردة؟.. هقولك.. اللى بيتابع من حضراتكم الصحف الغربية هيلاحظ ان كل الأخبار بتصاغ فى قالب واحد وهو ان روسيا بتخسر الحرب.. وهنا انت لوحدك بتسأل نفسك سؤال مهم؟.. هى ازاى روسيا بتخسر الحرب.. إذا كانت احتلت تلت أوكرانيا فى 6 شهور بس.. إزاى بتخسر الحرب.. إذا كانت الدول الأوروبية كلها مدورة الضرب فى بعض بسبب الغاز اللى روسيا قطعته عنهم ولحد النهاردة مش لاقينله بديل؟.. إزاى بتخسر الحرب إذا كان الروبل الروسي قيمته بعد الحرب أحسن مما كانت عليه قبل الحرب؟.. إزاى بتخسر الحرب إذا كانت أمريكا وفرنسا وبريطانيا وألمانيا وأوكرانيا وباقى دول الحلف الناتو مجتمعين.. لحد النهاردة مش عارفين ولا قادرين يحرروا الأراضى الأوكرانية اللى احتلتها روسيا؟.. إزاى بتخسر الحرب إذا كانت أمريكا بجلالة قدرها لحد النهاردة ورغم العقوبات الاقتصادية.. لسه مش قادرة تفصل كل البنوك الروسية عن نظام سويفت بشكل كامل زى ما هددت فى بداية الحرب؟..
إزاى روسيا بتخسر الحرب إذا كانت دول أوروبا هى اللى بتجبر شعوبها ميستحموش كتير علشان يوفروا الغاز اللى بيسخنوا بيه المايه؟.. إزاى بتخسر الحرب وأوكرانيا هى اللى بتقطع الكهرباء عن شعبها علشان توفر الطاقة بسبب ضرب الجيش الروسى لمنشآت الطاقة الأوكرانية؟.. وإذا كانت روسيا بتخسر الحرب إزاى سلاح الجو البريطانى هو اللى بيهرب من صواريخ سلاح الجو الروسى فوق البحر الاسود؟.. إذا كانت روسيا بتخسر الحرب فإزاى تركيا اللى هى عضو فى حلف الناتو.. تبيع حلف الناتو كله وتتحالف مع روسيا وتحول أراضيها لمركز تصدير الغاز الروسي.. إزاى بتخسر الحرب إذا كانت السعودية والإمارات باعو أمريكا علشان خاطرها..
كل دى أسئلة وغيرها كتير بتسألها نفسك بمجرد ما تسمع المسؤولين الأمريكيين والغربيين بشكل عام.. وهما بيتكلموا عن حرب روسيا واوكرانيا.. وهنا السؤال؟.. هو الوضع فى روسيا واوكرانيا وصل لحد فين؟.. وايه حقيقة اللى بيحصل هناك بالظبط.. أقولك ان الإجابة بسيطة وتقدر تعرفها بنفسك بدون حتى ما تحتاج منى أقولهالك..
وهى انك بمجرد ما تصحى الصبح تسأل نفسك سؤال واحد.. خريطة أوكرانيا النهاردة شكلها ايه؟.. هتكتشف ان الخريطة الأوكرانية اللى بوتن قص منها حته سنة 2014.. وأقصد هنا جزيرة القرم اللى ضمها لأراضيه.. وساعتها الرئيس الأمريكي أوباما وحلف الناتو هاصولهم شوية برده وهنعمل وهنسوى وان وحدة الأراضى الأوكرانية.. وفى الأخر محدش فتح بقه.. النهاردة بوتن قص حته جديدة من خريطة أوكرانيا.. لكن المرة دى حته أكبر شوية.. فبعد ما كان داخل علشان يضم دونيتسك ولوهانسك.. النهاردة ضم معاهم خيرسون وزابوريجيا.. وهنا خلينى أفكرك كمواطن عربى جميل بحرب أغلبنا اتفرج عليها لايف.. وهى حرب تحرير الكويت.. الرئيس العراقى صدام حسين لما فكر بس زى بوتن كده يغير خريطة العالم ويضم الكويت لأراضى العراق ويلغيها من ع الخريطة.. على رأى الرئيس مبارك لما قالك صدام عاوز يشيل الكويت من كتاب الجغرافيا ويضمها لكتاب التاريخ.. أمريكا لمت جيشها وطلعت تجرى علشان تنقذ الكويت.. ومش بس حررتها.. دى كملت بجيشها ودخلت العراق كلها.. فيما يعرف بغزو العراق.. طيب أنا بحكيلك التفصيلة دى ليه؟.. علشان أفكرك بإن أمريكا لو قادرة تضرب بوتن وتدخل روسيا كانت عملت كده.. لكنها حتى مش قادرة تساعد أوكرانيا تحرر أراضيها.. مش قادرة حتى تبعت لها أسلحة هجومية بدل الأسلحة الدفاعية اللى عماله تبعت فيها من أول الحرب ما ابتدت.. وسيبك من السلاح.. مش هكلمك عنه لأن كلنا عارفين ومتأكدين ان أوكرانيا متفرقش مع أمريكا ولا مع أوروبا كلها.. وده شرحناه فى حلقات سابقه..
من المصادر
bbc.in/3f2FYpd
bit.ly/3eTOOpm
bit.ly/3TRfohG
bit.ly/3eTTfAx
cnn.it/3eTTlrT
bit.ly/3CWcvFk
bit.ly/3gDFaaz
bit.ly/3SA8bBo
bit.ly/3sq7Qqs
bit.ly/3TSxaRl
bit.ly/3N3fqRq
bit.ly/3VPqVQl
bit.ly/3f0mOAm
bit.ly/3DqRbcv
bit.ly/3SvEYYp
bit.ly/3TNI7Uy
on.wsj.com/3sH...
#المواطن_سعيد #روسيا_أوكرانيا #بوتن