انا من المشتركات الأوائل عند ميمي استفدت بزاف من نصائحها ❤رديت دين كبير كان عندي وتهنيت والحمد لله ثم درت التقسيمات ونجحت وكل مرة نبدل تقسيم على حساب الموسم ودرت تحديات واول تحدي بديت بيه هو اني نخرج في اخر الشهر بدون ديون بعد ما كنت ندير كريدي في الحانوت وقضيت نهائيا على العشوائية وقدرت نوفر من المصروف الاسبوعي باش ندير شحيحة ولي ما نستغناش عليها ابدا وعمرت داري بالعقل ومازال ❤ ندير كرطونة رمضان و حتى كرطونة الدخول المدرسي يعني نشري كامل العام الادوات المدرسية ونخبيها لما يلحق العام الجديد ما نصرفش بزاف نشري مثلا المازر والاحذية وبعض الامور ❤اخواتي تبعو النصائح وطبقوها ورايحين تجنو الثمار ولو بعد حين المهم الصبر والارادة وما تعاندوش الناس السلبيين 🎉قطرة قطرة يحمل الواد 🎉 والراجل ساقية والمرا جابية 😊اختي ميمي ربي يجازيك 😊 وكل الشكر قليل في حقك ❤
والله يا ميمي مكانش كيما بيت لخزين سلاك لمحايين وأنا ياميمي راني مخطوبة بابا أعطالي مصروف الدار أنا الي نصرف كي كان هو ليصرف مكانش شهر الي مايسلفش فيه كي وليت أنا الي نصرف درت بيت لخزين ومن المصروف ندير تحديات و الحمد لله بابا ولا مايسلفش و راني دوكة مخطوبة وفي ماي هدا عرسي إن شاء الله والحنة نتاعي إن شاء الله برعاية بيت لخزين مانشري والو وهدا كامل بفضل الله وبفضلك ميمي ❤❤
سلام يا الفحلة 😊بيت الخزين هوا الحل لكلي المشاكل اليومية او مشاكل الكرش 😊شكراا على هذا الفديو و على النصائح ❤والله غير عندي شهرين ماوفت حت دورو لاني عندي اوليدي عندو الباك راني انعاون فيه ادير السويعة اي لكوغ 😊نسلني مخل فيا حت حاجة معليش غير ينجح و إفرحني ❤ادعيلو اختي انتي امراة قلبك طاهر ادعيلو ربي افرحك ❤ فوزية من البليدة ❤
ربي يفرج علينا ان شاءالله ويرزقنا من حيث لانحتسب والله عندى عملية تاع بنتى درتلها وحدة ومازالو زوج منين نقول هذي المرة تسلك و نديرلها نلقا الشهرية راحت في نهارها😭😭
استغفر الله و لا حول ولا قوة إلا بالله ❤ اللهم صلي وسلم و بارك على سيدنا محمد عليه افضل الصلاة و السلام ❤❤نحبك بزاف ما شاء الله وفقك الله حبيبتي ميمي 🎉❤❤❤
صدقيني ميمي انا بيت الخزين تاعي دايراته فالخزانة مع قش بنتي تحديت الضيق وتحديت كل حاجة تمتعني اني منديروش مع العلم اني كارية ستوديو برك انا وزوجي وبنتي والله مامبا مكانش بلاصة وين نحط صلاية ونصلي رغم هذا شي تحديت الضيق ودرته راه ينفع بزاف بزااف