السلام ابنتي لباس عليك،والله يحفظك ويعطيك الصحة والقوة ،انا امرأة سبعين سنة دائما كندعي معاك استااافدن منك بزاف انا بنتي متزوجة كانت غير كتخبط في المصروف,وانا نقول ليها تبعي مريمة وغاتنجي ،وهذ الشي لكان،الله كثر من امثالك،! امك التي تحبك في الله!
نعست البارح على هاد الفيديو ماكملتووش عاد كملتو دابا أكيييييد حبيبتي كيعجبنا هاد النوع د الفيديوهات طووب غدا ان شاءالله خاصني ضرووووري نخرج نتقدى من بعد رمضاان هههههه كلشي سالا وبالاخص الفرامج مع الشهيوات
تبارك الله عليك الشميسة ديالنا غير واحد الملاحظة اختي بالنسبة لتيد الماكينة غير حاولي تفاداي abc بحم التجربة كيبهت الحوايج وكيخليهم مغبرين من الاحسن صابون لكيد وشكرا
السلام عليكم اختي مريم تنصحك تاخدي فلوتا لكيد وفي نفس الوقت معطر فيه الريحة واعرة وتيخرج الحوايج كاين فيه ديال 3 لتر وكاين حتى ديال 5لتر وديال 5 لترغير 73درهم.
تبارك الله عليك اختي مريم بالنسبه للتيف ا بي سي ما بقاتش تجيبه بهم لانه ولا كايتبحنا في شركه مغربيه غادي تلقاي عند بزاف ديال اللي كايبيعوا المواد التنظيف والتيد وذاك الشيء ما بقاتش غاتجيبو بهم حيت واحد من مواد التنظيف جابوا ابيسي ما بقاتش بيم غادي تجيبه
اهلا مريمة..بصحتك التقدية تاكلوها بالصحة و الراحة ان شاء الله..بالنسبة للفرماج هولونديز راه تزاد مؤخرا تاني..و abc راه خديتو الشهر لي فات من عند لهري ب 105 دراهم فيه 9 كيلو و شفتو حتى عند الناس لي كيبيعو السلعة ديال الشمال فالرباط..بالنسبة للقشرة ديري dercos الاخضر راه دقة ببطلة..الله يطرح البركة ياربي..انا غادا نفوت الويكاند كتكون الدنيا عامرة حتى الاثنين و نتقدا ان شاء الله..الله يحفظك يا أحلى مريمة❤
السلام عليكم ما شاء الله شكرا أختي على الإفادة بغيت نقول ليك أتاي جربي من مرجان أتاي "المرجان" شعرة مذاقو زوين و لونو صافي وبغيت نقول ليك كنتقدا من مرجان و صراحة وليت كنرد البال ل TVA كنلقا زائدة عليا 100 وبعد مرات أكثر كنقول داكشي للي كيحيدوه من برومو زايدينو ف tva هي ما هي أو لا أشنو رأىيكم.
السلام عليكم ورحمة الله وبركاته تبارك الله عليك اختي مريمة افكارك رائعة ونصائحك قيمة وفكرة الظرف ديال السفر سأطبقها بإذن الله اسأل الله عز وجل أن يوفقني دعيو معايا هههه
حنا فالدار عندنا مشكل ف تسيير هههه الوليد كيشري و الوليدة كتشري و راجل اختي كيشري ههه و مكنتقضاوش للشهر ولا سيمانة كل ساعة كنتقضاو و كيطلعو مصاريف كتار مكينش تنظيم هه
بالنسبة ليا احسن جافيل هو كلوريل غزاااال دايرة قرعة ديال التسياق وديال المطبخ بجوج كانزيد فيهم الماء وكايبقا قوي اللهم بارك وراه مرة مرة كايدير 15 درهم فاسواق السلام .....
بصحتك و تبارك الله عليك حادݣة، أنا وخا متبعة النصائح ديالك لقيت راسي باقة كنخرج على الميزانية و لكن ماشي بحال كيف كنت ههه وليت كنركز على الضروريات ( اللي بالنسبة ليا ضروريات). بالنسبة لمسحوق الماكينة أنا كنشري الجيل ديال پروپريو ب 50 درهم كيدي ليا شهر و نص و لكن أنا كنكترو هههه مزال ما حفظت ليه العبار ( فاللول كان كيدي ليا غير شهر) بالنسبة للزيت قاليا خويا حيت خدام فالهري بلي نقص بشي 4 دراهم و إلى مزال ما لقيتيه فالسوق راه غير حيتاش باقين كيخرجو السلعة القديمة. المهم المسمن بالخلطة اللي درتي داك النهار طلع غزال صراحة النشا حسن من الخميرة د الحلوة، شكرا بزاف ❤️
بلاستيك الازبال في الهري كدير 18درهم فيها 40كيس كتبقى احسن ديما كناخدها كتدي لي مدة و abcحتى هو خديتو من الهري ب103دراهم 9كيلو وحتى شمبوان HS في الهري كناخد. ب 26درهم بزاف الحاجات كنت كناخدهم من مرجان رجعت كنتقداهم من الهري و مرجان لا كانت البرومو كناخدها
Allah ysahl 3lik khti o ifar7k bi wlidatk khti jarbt lmlwi o nfso drto ta bi l9am7 ja wa3r khti wllh l3adim khti makan kisda9 liya allah yfar7k ya rabi
ختي انا ممتبعة جديدة عندك حياة من ارفود مشاء الله عليك عجبتني والله بغيت نقولك انا عندي 700 درهم فشهر تقدية ولكن مكتكفنيش يا الله سهر نص و حنا 4 بينا كيف ندير
اختي مريمة بالصحة التقدية دخل عليك بالخير والبركة بالنسبة تيدabc اغلبية كيحطوه في عيد الاضحى انا بالنسبة ليا كاين تيد غزال مفعول ديالو بحال اريال والريحة كتبقا في الملابس كاناخدو من عند الحانوت هو ديال شركة ميو ولكن سميتو زين ديال اوتوماتيك والخنشة ديالو 10كيلو دايرة 150درهم ولكن احسن من abcبزاف
الله ابارك ليك في تقدية ورزقك اختي مريامة كنتافق معاك على المنتوجات لي ناقصة شويا في بيم على مرجان وعندي واحد التساؤل شكون اقتصادي واش سكر القالب او سكر مقرط ؟
