ميمي نطلب منك جدول تنضيف انا امراة مقتصدة نحب نوفر و نقتاصد بصح مورالي ديما هابط من الكركبة 😢 كي يروحو بناتي يقراو منوليش نرقد راجلي يحب ياكل نهار كامل واقفا في الكوزينة من فطور للقهوة للعشا و عندي بيبي يحبي نجري معاه الي يلقاها يحطها في فمو نرتب من تتخلط من نخاف يزدمو عليا الضياف هههه المواكل كل صبع بصنعة بالاقتصاد و الحلوة نتا ع الضيف في المجمد و الدنيا مروبلا😂😂 كما فرحتينا في جدول الوجبات و التقسيمات درينا جدول تنضيف ربي يعمر حجرك الي كما انا تضرب جام😅
ميمي حبيبتي ثبتيلي تعليقي👈👈 معكم أستاذة أم محمد للتعليم الابتدائي مع فترة التقويمات والاختبارات حبيت نساعد الأمهات بتقديم دروس ملخصات تقويمات اختبارات مقترحة بقوة لكل سنوات الابتدائي جعلت تلاميذتي يتحصلون على علامات ممتازة أرحب بكل الأمهات والتلاميذ وبتوفيق للجميع ان شاء الله ❤.❤❤
ميمي ختي و الله نصيحة لوجه الله وإن شاء الله ماتزعفيش مني لكن هادي تاع الشهرية لازم تبات هادا تطير وبدع والتطير حرام ختي ميمي الصدقة صحيح تزيد فالبركة و الله نصيحة بصفاء نية
هي النية تاع ناس بكري بصح عندها تفسير بالنسبة ليا انا شفتها بلي الانسان كي يحكم الدراهم مايروحش يجري يصرفهم كي تثقلي روحك و تتأناي تخممي مليح كاين أمور تكوني متحمسة باش تشريهم اليوم و مايكونوش مهمين على الارجح غدوة منداك تبدلي رايك و ماتشريهمش و هكا راح تنقصي المصاريف 😂😂😂هذا رأيي.
سلام عليكم حبيبتي مشتركة جديدة معاكم نتمنى تشوفي تعليقي تعيشي عاونيني في تقسيم شهرية 3 ملاين بالفواتير عندي تريسيتي مليون و عايلة من 5 افراد فيها بيبي صغير و دين 4ملاين و بغيت نبدا بيت لخزين من الصفر من فضلك اختي نصحيني و ربي يحفظك ويسعدك ويوفقك يارب 😊🥰👍👍👍👍👍👍👍
حبيت نقول للاخوات جربو و ماتفشلوش انا من 8 اشهر مجرباتو مع عاءلة ب 5 اشخاص مع اختلافات صغيرة عندي المواد الغذاءية مليون فيها 200 للخزين و عندي لحوم 500 و الخضر 600 بيض 100 كوسميتيك 200 مواد التنظيف 200 تبقى 400 كل اسبوع ب 100 و على حسب الاسعار نقص من حاجة و نزيد في حاجة كيما هذا الشهر مواد التنظيف ما شريتش عندي زدتها للحوم شريت الجاج كي راه رخيس و كونجليتو
والملابس وليكور وطبيب والفواتير كيفاش راك دايرا خاصة الملابس أنا عندي اربع اطفال كل شهر نشري هذا صيف هذا شتا عيد صغير عيد كبير دخول مدرسي يا ريت تفيدينا
@@jabarbrahmi8213 صراحة خارج ميزانية 3 ملاين انا هذا 3 ملاين من راتبي و الباقي نوفرو انا راتب الزوج بين المراءة و المصاريف الي ذكرتيها رغم اني نشري الملابس قيس قيس مانتبعش الماركة و اي كور ولادي معتمدين على أنفسهم صراحة و اليوتيوب حتى العام الجاي على خاطر رح يكونو في سنوات نهاءية و الفواتير على الزوج و بكل صراحة انا عاونت روحي بليكور و الزوج ثاني كيفي مش معتمد على الراتب برك كيما قتلك راني كراسة ولازم دار ربي يسرلي و يسر لك يا رب
يعطيك الصحة ميمي العزيزة طولي قد ما تقدري كون نصيب الفيديو ما يكملش نصايح ما شاء الله راني ديت بزاف افكار راك نطبقهم ربي يعمر حجرك عاجلا غير اجلا ❤❤❤❤❤❤
حبيبتي البارح دخلت سيبيرات شريت بارا فرماج صغيرة 500غ وباكي تاع خبز توتيلا و200دج فرماج وكاشير وزوج بايط يارووت سلكت 1000 دج كيف يقتصد صاحب أسرة. ستة أفراد الله يكون في العون