سلام ختي اول مرة ندخل لقناتك شرح الله يبارك شفت فيديوات خلاف وماقنعونيش انت تقسيمك منطقي كل حاجة فبلاصتها خاصة فكرة الصدقة ربي يجازيك ويباركلك في رزقك شكرا لي ولهتينا ليها وعطيتنا طريقة مبسطة نمشو عليها ❤️
ربي يكون في عونك.أختي الشمة والدخان يتنزفوا المصروف لازملهم مصروف خاص وفي وقتنا الحالي كلش راه غالي الله يبارك لك في شهريتك ولاتنسي دعاء الرزق وطلب الفرج عسى الله يهدي زوجك ويفتح عليكم أبواب الرزق إنشاء الله
ربي يحفظهالك إنشاء الله حبيبتي أسهل طريقة باش تسلمي 300الف هي الشحيحة ديري كل يوم 10 آلاف بلاماتحسي تلميهم في شهر واذا قدرتي أكثر راح تلقايهم زيادة أحسن
يعطيك الصحة اختي راح نجرب هذي الطريقة و لكن انا عندي مصروف اخر و هو مصروف الجامعة للزوج بنت و ولد و ولد يتكيف الدخان و مصوفو الاسبوعي زاد على مصروف اخته كيفاش اندير وين يدخل هذا المصروف؟
الله يكون بعونك اختي فيما يخص المصاريف الإضافية للجامعة وغيرها راح نحاول هذه الأيام إنشاء الله نعمل فيديو مخصص لهذه المصاريف وإنشاء الله راح تساعدكم الطريقة
@@user-ip5vm9mj1v ياختي انا نمدلو مصروفو كي مزالو يقرى و مزال صغير كي يكمل و يتخرج هذاك الوقت يسمى على ذراعتيه و اجيب مصروفو ولكن في هذا السن انا مسؤلو عليه
و نعم المسؤولية تعطيه زيادة على أخته باش يتكيف؟!ارواحي أختي ديري ورقة وستيلو وقعدي معاهم وتحاسبوا بصح دخان لا ،على الأقل صفي رقبتك امام الله وادا عطيتيه دراهم الدخان تاني اخته عطيها باش تتكيف 😊
كيفاش نقسم 10 ملايين مصروف في الشهر عائلة 6 أفراد و يل تكفيني شهر كامل مع العلم منخلصوش الكرية كل شهر المصروف يفوت 10 ملايين و منرفدوش كريدي كل شيء نشروه بدراهم كنا عايشين في بلجيكا و دخلنا للجزائر اذا ممكن تساعديني
السلام عليكم اختي والله العظيم غير ما نعرف كيفاش ندير الشهرية تاع 6ملاين والله العظيم منلحق نخبي راني حشمانة من روحي لحقت حكيت لامي قلتلها منلحقش نخبي بهدلتني قالتلي انتي ماشي مرا قلبي راهو طايب ،دوك دخلت يارب تكوني فال خير عليا إذا معليش نحكيلك فاش نصرفهم باش تعاونيني راني كارهة حتى الكريدي ماحبش يخطيني ارجوكي اختك في الله هادالشهر سمانة خلاصت الشهرية ،
اختي شكراا لك على الرد ،عندي الكريدي 2ملاين أو وآش نصرفو على الدار 2ملاين أو الباقي ليصونص أو الطبيب حنا كامل بريفي كلش دراهم والله العظيم غير منفسدو على الماكلة والله العظيم غير الشهرية نحس بيها تطير اختي من فضلك لطفا اريد الرد
@@hakimhammad9913 الاخت لازم الورقة والسائلة باش تعرفي كل دورة وين رآه يروح وتاني ديري في بالك راكي تخلصي 4ملاين نجي تاع الديون بجيهة وروحي قسمي آخرين هكدا ديري الاظرفة باش تحدي المصروف مثال ديري كل عشرة أيام 400الف فيها دجاجة وخضرة وخبز وحليب الخضرة اشري على حسب البرنامج تاع الاكل باش متفسدش في الفريشيدار مثال عندك بالجمعة اكلات تقليدية كسكس رشتة بركوكس السبت معجنات روز الاحد بقوليات الاثنين جواز بالخرشف بالقرنون بالجلبان الثلاثاء شوربات ليسوب وفي الليل ديما زيدي حاجة خفيفة بوراك سوفلي خبزة الكوشة ولا البطاطا بالبيض السلق الكرانتيكا كوكا محاجب كبدة مشرملة مرڨاز بيتزا المهم حاجة خفيفة مع الغداء الي تبقالك الاربعاء طواجن عندك طاجين الزيتون كباب شطيطحة غرنوڨ دوارة الخميس خليه للمقليات أو بقايا الاكل متتقيديش بشي ظرف قضيان الشهر وظرف بيت الخزين أو السطوك راح تستغناي على ظرف قضيان الشهر تشري كل شهر حاجة بالجملة مرة فاردو سكر مرة فاردو قهوة هكدا بشوية بشوية ينقصلك المصروف ظرف الفواتير ظرف الطوارى ظرف المناسبات السنوية فيه كبش العيد رمضان العطلة والسيارة للتصليح الدخول المدرسي ظرف الادخار ظرف الزوج للمصروف نتاعو فقط ومتنسايش الصدقة
