الحمد الله انا عايلة اكبيرة ماانفوتش زوز املاين لاكن امحتم علينا واشياء كثيرة مستغنيا عليها وواندير بيت الخزين ديما انقص بشوية باه مانحصلش لا ندين الحمد الله مستورين
اللهم رب السماوات السبع، ورب العرش العظيم، اقض عنا الدين وأغننا من الفقر. يا الله، يا رب، يا حي يا قيوم، يا ذا الجلال والإكرام، أسألك باسمك العظيم الأعظم أن ترزقنا رزقًا واسعًا حلالًا طيبًا، مباركًا فيه برحمتك يا أرحم الراحمين. كما تحب وترضى يا رب العالمين.
جمعة مباركة،بارك الله فيك اخت ام ندى جزاك الله كل خير،الله المستعان اختي ،اسرتي 6افراد ،منهم 4مرضى امراض مزمنة والاطفال يقراو كامل ربي يقدرنا و الشهرية 3ملاين ،جربت التقسيم شحال من مرة وما نجحتش ،نجرب هذي الطريقة باذن الله
نتمني يا ام ندي تسمعيني انا من متتبعاتك في كل شي المشكل تاعي ديما نلقي صعوبة في الصوت لوكان تسجلي بصوت مرتفع شوية راني نعاني ديما مع الصوت المنخفظ للفيديو وخاصة كي نكون في الكوزينة نخدم نحب نسمعلك ومع الحس نتعب وربي يباركلك في القناة
بدای من الیوم تسجلی اشحال یربح كل یوم حتی تعرفی عد هر كم هو راتبه . خذی لو استطعت ثلاث ملایین والباقی خبیه وطبقی افكارام ندی فیتقسیم المیزانیه ولا تعتمدی علی طریقه كلیوم وبركته. حطی حصالتین الولی لسهراكتوبر والثانیه للعام ولماتصل حصاله اكتوبر لثلاثه ملایین ضعی ما یاتی فی حصاله العام واصرفی فی اكتوبر فقط الثلاثه ملایین او اقل وحضری لنوفمبر وهكذا .البنا الذی بنی لنا بیتنا كان یعمل هكذا حتی .یعطی زوجته مصروف الشهر وخبی الباقی حتی اشتری قطعه ارض وبنی بیتا له ولاولاده وهو فیتقاعد مریح جداالیوم مع حج وعمره هو وزوجته وابنا واحفاد الله یبارك. كلشی فی التنظیم
من فضلك ام ندى استسمحك ان تثبتي تعليقي حتى تساعدني الاخوات في استطلاع حول مصاريف النقل في عائلاتهن مع ذكر الدخل حتى نحدد متوسط ميزانية النقل في العائلة الجزائرية ما دامت الحكومة لا تقدم اي احصاء. وابدا بنفسي في اول رد على هذا التعليق وشكراجزيلا مسبقا
اربعة اشخاص :متقاعدان وطالبان جامعيان 6000 دج ودخل 60000 دج اي عشر الميزانية وهي مصاريف السيارة من غاز وبنزين وزيت وتصليخات وهو كثير على رايي ولكن لم نجد غيرها من حل خاصة زمن الكورونا وابني يستعمل السيارة حاليا في تطبيق هيتش لكي يبح مصروفه للسنة الدراسية ويشتري حاسوبا جيدا يحتاجه لدراسته في الهندسة المدنية. بالتوفيق للجميع
مصاریف النقل حوالی عشر المیزانیه. وقد زادت اكثر من الضعفایام الحجر الاولولكنهاعادت الی العشر وربما ستنزل قلیلا بعد اتفاق احدالافرادمع زمیل یمر علیه صباحا ویعیده مسا مقابل 2000 دج شهریا وكان یصرف 3000 دج او اكثر قلیلا فی الشهر . السیاره للوالد وبقیه الافراد ودخل 80000 دج للزوجین
اختي أم مدى بارك الله فيك نتمنى تهدري على سهرية الغازية المسؤولة على الدار لاي ظرف من الظروف سواء الي تكون يتيمة او والدها مريض والله يااختي ماعرفت كيفاش نتصرف
جمعة مباركة. اختى ندى زوجي يخلص 4ملاين وحنا خمسة شعال نقدر نخبي كل شهر. وحبيت ديرينا موضوع. كيفاش نعرف داري متيولة وما هي اهم الاشياء في البيت باش ما يروحوش دارهمنا في الهوا ارجوكي راني نستنى احبك في الله
اعتمدي قاعدة 200 الى 250 الف دج للاكل شهريا لكل فرد (حتى اللمجة محسوبة) ثم وزعيها بين لحوم ومعجنات وزيت واحبان وخضر وفواكه والتزمي بجدول حتى لا تضيع ذرة واحدة مما اشتريت . دارك تكوم متولة الى كان فيها ما يكفيك من اثاث وفراش والات كهرومنزلية واواني .لست بحاجة لكل الالات الكهرومنزلية. ثلاجة وربما مجمد صغير وغسالة ملابس وكويزينيار وطابونة وتلفاز وميكسور وباتور (30 سنة زواج هدا ما عندي ونطيب كل مااريد ) الستائر نوع واحد او اثنين على الاكثر. الفراش 3 او اربع دراوات لكل شخص كوات سميكة واخرى رقيقة لكل شخص. كوفرولي لكل فراش. فراش كامل او اثنين للضيف حسب ما تعرفينه عمن ياتي للمبيت عندك .شورتين للصالون المغربي على الاكثر واحدة لسائر الايام واخرى للاعياد والمناسبات زرابي لكل غرفة حسب المقاس ...اواني قهوة وشاي للضيوف من فناجين وكؤوس وتيرموس وصينيات ... لا تكثري ولا تخزني الاواني . لا تخجلي ولا تكلفي نفسك فوق طاقتها حتى تحرمي ابناءك من الاولويات. اللي يجي لعندك ياكل ويشرب ويضحك ولا داع لتغيير الاثاث والاواني كل عام حتى يحس انك "قمت بيه" وانك راقية ومتقدمة. اهتمي بتربية وتعليم اولادك وخططي لمشاريع مستقبلية لكم جميعا بعيدا عن التفاهات والله ولي التوفيق
طريقتك تقول انك تصرفين مليون على كل شخص تقريبا كل شهر. لانك توفرين منه ما شاء الله. هذا تقسيم مثالي ومريح ان لم تكن هناك مصاريف كراء ترهق الميزانية وان كان عدد الافراد ثلاثة .وربما نقيس على ذلك في الحالات المماثلة اي مليون لكل فرد .شكرا على صراحتك الكبيرة في كل الامور .بالنسبة للنت انا وزوجي نستعمل الثابت بدفع سنوي ولكن ابناءئ يحتاجونه على هواتفهم وخصيا لا اتحدث على الهاتف الا نادرا .
@@atiqaked838 يا ويلي شكون راه يدير الكتاتن ضرك على روحي الحمد لله الكفاف و العفاف و زيدون رانا في بلاد الخير اذا ما لحقتيش كاين المعاونات ليكوش الحليب كل ضروريات الاطفال حتن الالعاب و الملابس اذا مزلتو تغسلو الشلالق مزلتو مستعمرين
لا يا بنتي .لست مستعمرة ولا متخلفة ولا جاهلة . انا ربما اكبر من والدتك وعملت في التعليم حتى التقاعد مند سنوات ربيت اولادي بحفاظات القماش وغسلتها كما غسلت مؤخرات ابنائي حتى تعلموا غسلها و كنت اغسل ولا زلت الحمام وكل اوساخ البيت بيدي . كنت ادرس 150 تلميد براتب 350 دج يوميا وسعر الحفاظات وقتها كان ب 200 دج لعشرة حفاظات فكان هذا باهظا جدا بالنسبة لي فلم اشتريها. مع ان زوجي يعمل. كان لدي مشروع شراء قطعة ارض وبناء بيت وتعليم ابنائي وارسالهم الى الخارج والخروج في عطل وشراء الحواسيب والهواتف الدكية وكل ما نحتاجه من ضروريات اليوم . ففكري جيدا مصروفك اليومي مع شهرية 3 ملايين هو 1000 دج لكل مصاريف البيت من كهرباء وماء وغاز ونقل ولباس واكل وهاتف ومنظفات و....البؤس ليس في حفاظات القماش لان النساء الراقيات في العالم عدن اليها حفاظا على البيئةلان فيها البلاستك الذي يلوث البيئة لانه لا يتحلل الا بعد 100 سنة . واؤكد انني احترم زوجي الذي يخرج القمامة وايضا عامل النظافة فلا اضعها لهم في قمامتي.اكرمكم واعزكم الله
@@bayam9897 اسمحيلي و تحياتي و احترماتي لك و لكن انا داءما أضع اللوم على الدولة لي خلات الناس عايشة الضغط عادت تفكر فالاكل و الشرب بحكم انا مغتربة يعني هنا الناس لي ماواصلاش و يعني لي عندهم الاطفال الدولة تخلص للطفل 180€ من الولادة حتى سن 18 سنة و زايد المعونات اقصد بها الجمعيات يمدو كلشي و كل الناس كانت تعمل الكتان لأننا لم نكن نعرف حقوقنا و الدولة كم غنية اما الان لا ناس توعات و بان الظلم و الحقوق مهدورة الاقتصاد باين فاش بعدما تاكل مليح و ترقد مليح تخمم دير اقتصاد و لكن الناس حايرة في قوت يومها بكري كان تاكلي العجاءن بلاش و ديري التويل ضركا العجاءن و ولات بسومتها ان عندما اتكلم اتكلم بالمعطيات الحالية و اسمحيلي اذا تكلمت بانفعال فالميساج السابق لانو غايضني الحال على الناس لما تبعدي على الوطن تحسي أكثر من لي عايشين فيه
أنا أم ربي يبارك لي 7أولاد 6يدرسوا والصغير بالكوش والشهرية 3ملاين و800الف مع العام هذا دروس خصوصية لانهم عندي 2في البيام وحدة الخامسة و2متوسط وأولي إبتدائي وتحضيري كيفاش نقسم الشهرية مع العلم عندي 6ملاين دين وبباهم توفئ رحمه الله بكورونا العام الماضي وبارك الله فيك
ان شاء الله يرزقك توام اللي راكي تحوسي على الذرية ..وان شاء الله يرزقك زوج صالح يخاف ربي فيك اللي راكي تحوسي على الحلال ...وان شاء الله يرزقك نجاح على نجاح اللي راهي تقرى ولا خدامة ...دخلي ضربي طلة عندي وكيما فرحتيني بأبوني ربي يفرحك دنيا واخرة ان شاء الله😘🥰
اايوم مثلا الخضر جابلي كيلو بصلة كيلو ونص طماطم كيلو فلفل حلو كيلو ونص بطاطا 3روس صغاااار سلاطة ياختي 120الف وينو حق الجاج وينو الديسار وينو حق الظيف والله ماعرفت نسير طوووول
السلام عليكم ورحمة الله تعالى وبركاته انا معتمدة زوج ملاين ولكن هاذ الشهر نروح نقضي لازم نزيد على الاقل 500الف لانو كلشي طلع فوق الحق ومدايرة بيت لخزين وين نشري القضيان الشهري نحي منو لبيت لخزين وربي يرزقنا وزيد جات فاتورة الكهرباء 500الف ربي يجيب الخير والدراسة وهكذا حسبي الله ونعم الوكيل فيهم شتقنا حتى طرف دجاج اليوم جاوني ضياف شريت زوج لكويس 45الف درت بيهم الغداء
السلام عليكم أختي في الله شكرا جزيلا لك على كل ما تقدميه لنا من فوائد.فياريت لو تعلميني كيف اقسم دخل أربعة ملايين مع العلم عندي ثلاث اطفال صغار الأكبر اربع سنوات والاصغر عام ونصف ويرضع من العلب وانا حامل الآن .ارجو الرد ❤❤❤❤❤
الله يعطيك الصحة والله اختي ندى انا ثلاث ملاين ميزانية الاكل والشرب وايضا حاجياتي الخاصة منها وايضا الى رحت نبارك لكاش مناسبة وصدقيني منجحتش اليوم جاوني ضياف ملقيتش خمسين الف في جيبي كرهت معرفتش كفاش ندير ،راح نحط استقالتي من مصروف،