السلام عليكم ورحمه الله وبركاته ،الغاليات ديالي كيف احوالكم❤❤؟؟؟ سمحولي كنغبى عليكم مرة مرة،ولكن هادشي اللي عطى الله 🤗🤗 هذا هو رقم الواتساب،اللي بغات تتواصل معي مرحبا❤:0034631869453
اللهُمَّ سخر لفلسطين ملائكة السماء وجنود الأرض ومن عليها وأفتح لهم أبواب توفيقك ، ويسر أمرهم وقوي عزيمتهم ، ومد صبرهم ... اللهُمَّ أكرمهم وأحفظهم واجعل لهم من كل ضيقٍ مخرجاً اللهُمَّ ، أنصرهم على من عاداهم وأفتح لهم فتحًا مُبينًا، اللهُمَّ احفظ فلسطين وأهل فلسطين يامن لا تضيع عندك الودائع ..اللهُمَّ آمين."!🇵🇸#اللهم_نستودعك_اخوتنا_في_غزة يارب ياكريم ياحي يا قيوم ندعوك باسمك الأعظم ان تحفظ شعبها و ارضها وجوها وبحرها🤲🤲#اللهم_نستودعك_اخوتنا_في_غزة يارب العالمين🇵🇸🇵🇸🇵🇸🇵🇸🇵🇸🇵🇸🇵🇸🇵🇸🇵🇸
سلام ختي اول مرة نشوف القناة ديالك بالتوفيق انشاء الله، غير عندي واحد الملاحظة ماشي كولشي اسبانيا بحال بحال حنا فجزر الكناري كولشي غالي و خاصة الخضر و الفواكه لأنهم كيستوردهم من اسبانيا الفوق
اهلا وسهلا بيك حبيبتي،شوفي بشوية عليك ومع الوقت غتعرفي تتحكمي في المصاريف ديالك أول حاجة خصك تعرفي فين كيمشيوا لك الفلوس(السقاطة،الخبز،الحلوة،الماكلة برا...) تعملي جدول وجبات على حسب شنو كيعجبكم في الدار،هذا الجدول غيخليك تعرفي شنو غتحتاجي وتكتبي القائمة زيادة على مواد التنظيف والنظافة اللي تسألوا ومحتاجة تشريهم. هادشي كامل كيخليك منين تخرجي تتصخري تجيبي فقط داكشي اللي انت فعلا محتاجاه،وكتجي للظار كتلقاي عندك كلشي متوفر؛وحتى فاش كتموضي في الصباح كتكون افكارك منظمة كتعرفي شنو غتوجدي صاف ماكتبقايش تفكري انك خصك تخرجي باش تشري أو تتصخري ...... هادشي كامل هو اللي كيخليك توفري وتتحكمي في المشتريات،وممنوع تتصخري بالطارخيطا
سلام حبيبتي اول مرة نشوف قناتك إشتركت ..نتمنى نستفاد منك كنت ديما نقلب على وحدة عايشة في اسبانيا دير تقسيم الميزانية.. سبحان الله خرجتيلي....كرهنا التبذير و الفساد و الشهرية تكمل في اسبوعين انا عندي ولدين 5سنوات و عامين .راجلي خدام يتخلص مزيان انا مخدماش شكرا حبيبتي.انا من الجزائر. ..قوليلي وين تسكني اناtarragona
اهلا وسهلا بيك اختي حنان💐💐مرحبا بيك يا غالية🌹🌹🌹 ربي يحفظ لك وليداتك ويبارك لك فيهم،اذا بغيتي نعمل لك التقسيم خليلي شحال عندك في المصروف وشنو بغيتي تعملي بيهم الاكل فقط أو السفر والاعياد واللباس.... انا ساكنة بعيدة عليك شوية في Mataró, Barcelona ومرحبا بيك مرة أخرى نورتيني
مساء الخير للجميع لاختي فاطمة الزهراء ربي يحفظك على الوقت اللي خصصتيه لي و المجهود اللي عطيتيه الله يجعله في ميزان حسناتك ، الاخوات اللي قالوا متقدشي حابة نشرحلكم ، انه الغاز خارج من هاد الثمن حيت عندي كولشي ديال ضوء ، ثاني حاجة هاد ثمن مخصص فقط للاكل فقط لا غير . شكرااا ليك اختي فاطمه الزهراء انا بديت معاك الاظرفة ولكن مكنتش مقسما مزيان ، انا غادي نجرب هاد التقسيم اللي عطيتيني و نتمنى يكفيني حيت انا ماشي غرضي نوفر انا غرضي يكفيني و نعرف راسي من رجلي . تحياتي ليك و اي نتيجة غادي نرجع نخبرك في التعليقات ❤❤❤❤❤❤❤❤❤❤❤ مشكورة حبيبتي عسى الله يحفظلك اطفالك و بيتك ويشترك .
اهلا وسهلا اختي ابتسام،وفيك بارك الرحمن💐💐 نتمنى يفيدك التقسيم،وكيف شفتي حتى انا ماركزتش ليك على التوفير حيثداكشي اللي فهمت من التعليق،ان الاغراض ديالك هو تقسيمها كاملة على الاكل،غير هو نصيحة ديك 10 أورو بداية بيها السطوك،حيث غينفعك بزاف وغيريحك☺️☺️غيبقى يجي العيد ولا رمضان ماغتزيريش وغتلقاي التقدية موجودة،غيبقاوا اشياء بسيطة،وحتى إذا كانت شي زيادة في المصروف على حسب المناسبة رآه غتوفريها لراسك،او تشري بيها شيحاجة ناقصاك أو الكماليات ✅✅✅⭐
رآه اختي أنا كنت كنخسر 1000 وأكثر ووالله ما كانت كتقد،وماكتبقالي لا صخرة لا واللو،عرفتي علاش،حيث كنت عايشة في العشوائية مامنظمة حتى حاجة،وكنت كل نهار نخلي 30 أورو وأكثر في ميركادونا واللي شفتها نقول هذه نحتاجها وهذه وهذه ... ولكن عيييت لقيت راسي ماكنوفروا والو كندوروا في بلاصتنا وجمعت راسي ونظمت المسائل ديالي واللهم لك الحمد،450 أورو الالي كنصرف فيها التوفير والتحديات والسطوك 💐🎀 اليوم غينزل الفيديو ديال التقسيم ديالي وشوفيه
اش نقولك يالحبيبة حنا راه 350 اورو لي تقدكم انتما فالشهر راني كانصرفها فنصف شهر من كثر الغلاء والفساد الضريبي عندنا فالسويد نخلصو الضريبة من المرتبات ومن المشتريات ومن الخبزة عليها ثمن ضريبي الفلوس كانشدوها وكاتجيب الدورة ترجع لهم
اهلا وسهلا بيك حبيبتي فاطمة الزهراء ، اودي غير خلي داك الجمل راكد رآه كاملين كنخلصوا الضرائب على كلشي كيف قلتي خير خبزة وكتجبر راسك مخلص عليها،راه أوربا مافيها حتى شيحاجة فابور،والله مايسمحوا لك في الريال ،راك كتشوفي فاش كتعنلي الضريبة كل سنة كيفاش كتلقايهم كيتحاسبوا معك،غير هو هنا المعيشة كيفما كان الحال رخيصة على السويد وعلى باقي الدول،الحمد لله من هذه الناحية،كتلقاي راسك كتخدمي وضربي تمارة على كرشك والكراء والماء والضوء والمصاريف فقط ،ماكتوفري حتى وزة،ماشي بحال في الدول اللي مكتكونش فيهم الضرائب كثيرة أو الواحد مكيخلصش تماما هذاك رآه غناه الله
اختي راه التقسيم في إسبانيا و راه طلبت من فاطمة تقسملي المبلغ المذكور باش نتحدا راسي ونكمل بيه الشهر ، اما حتى احنا عنا الغلاء و نهار كناخد الكارطة مكنضربش الحساب للخلاص و هنا كاين الخلل اختي خص تعمل مبلغ محدد وتشوف واش غادي تنجح
