فيديو لغير الفنيين عن نصب السبلت الجديد او شد السبلت بكل التفاصيل يحتوي على طرق سهلة لنصب مكيف الهواء للقطعة الداخلية والقطعة الخارجية للسبلت مع فتح غاز السبلت بكل سهولة
سالت خبير سبالت گال عند نصب السبالت خصوصا القطعة الداخلية ميحتاج تعوج ايدج او تنزل حامل السبلت او الشيالة وتميله شوية لليمين او اليسار باعتبار المي تنزل براحته ومينقط گال اصلا الشركة مصممة هالمجرى بشكل مائل وحاسبينله حساب ومن اتركبوه بهالطريقة شكله يطلع نشاز لان الي يشوفه يكلك السبلت مو عدله وي السگف والشي الاهم ربلات القطعة الخارجية الي يمتص الاهتزاز كثير من الي يشدون السبالت يكولون يمعود شنو هاي مايحتاج العكس هو الصحيح مع مرورالزمن تسمع صوت واهتزاز جسم السبلت مع البراغي ويفضل لو تكعدوه على قواعد خاصة بلاستيكية مثل قاعدات الكاونتر بس نوعية اصلية او على طابوق عدل واهم شي الربلات اللاستيكية ومتكون الراديتر وجهه عالشمس والارتب والاجمل لو تكعدوه على حمالة حسب المكان والحاجة والفتحة والزرف الي تزرفوه لازم ينضرب بلاور هوا يكون افضل وبعد الانتهاء يغلق بقطعة كيس بعدين سيليكون حتى مايدخل اي حشىرات للبيت من الفتحة و لاتنسون تشدون حماية سبلت نوعية زينة مكان البراغي يكون خزفي يتحمل درجات الحرارة مو بلاستيكي لان يموع واكبر غلط منتشر بالعراق والوطن العربي اكو 95 %من الناس عبالهم كلما تنزل درجة السبلت من الريموت كونترول الى 18 او 16 ينطيك درجة هواء ابرد 😁😅😂 وهالشي غلط السبلت مصمم من الشركة ينطيك درجة برودة ثابتة بس الفكرة وين كلما تنزل الدرجة لاوطأ شي مثلا 18 او 16 السبلت يظل شغال ومايفصل لحد مايوصل درجة حرارة او برودة الغرفة الى 16 يلا تفصل السبلت وترتاح شوية ودائما شوفوا الي يعاني من عطلات السبلت اغلبهم مخلي الدرجة على 16 او 18 او 20 ومايسدون باب الغرفة او الشباك مفتوح شوية او السبلت موضوع بالهول وبقية البيبان مفتوحة وهالشي يخلي السبلت شغال دوم ومايسوي اوتوماتيك والكومبريسر يصيرنار وتتعب الفكرة نفس فكرة الثلاجة والمجمدة اكو ناس مخلين درجة الثلاجة او المجمدة على اعلى درجة ودرجات المجمدة والثلاجة يكون عكس السبالت كلما رفعت الدرجة الى 3 او 4 او 5 او الى فوووول الثلاجة مالتك يضل شغال وتتعب لحد مايوصل درجة بردوة الثلاجة الداخلية للمستوى الي ظبتتهه 😅 يعني راح اتحس ثلاجتك او مجمدتك مايسوي اوتوماتيك ويظل شغال الا بعد فترات طويلة وانت عبالك مسوي شي زين وتحس ثلاجتك باردة 😅
شكراً أستاذ على هذا الشرح الوافي لنصب السبلت ولكن ملاحظه صغيره حسب معلوماتي المتواضعة لاداعي لتسليط القطعة الداخلية لأن الشركة المصنعة أخذت ذلك بالحسبان مع تحياتي لك
اعتقد يجب ان يسلط السبلت بدرجة خفيفة جدا باتجاه انبوب التصريف واذا نصب بشكل مستقيم حسب قولك ان الشركة راعت ذلك فاعتقد خطأ لانه بهذه الحالة يجب ان تكون فتحة واحدة للتصريف مسلطة من قبل الشركة داخل السبلت حتى لو نصب بشكل عدل او مستقيم .ولانه يوجود فتحتين معناه ينصب حسب المكان ومايريد الزبون وينصب بشكل مائل عاليمين او اليسار لانه توجد فتحتين تصريف
بارك الله بيك شرح واضح وجميل مفيد كلش هواي بس ملاحظه صغير يعني اذ اخلي درجت حرارة السبلت ٢٠ مايبرد مثل ١٦ الو نفس البروده عند وصول درجت حرارة الغرفه ١٦ يفصل وبلعكس درجت البروده واحده وقوت دفع نفس الشئ جزاك الله خير
