الحصة فعلا ب 80 ج وانا كنت واحد من الحاضرين وفهمت كويس جدا والله الجيو راجل محترم بالرغم من الحصل مهاجمش الإعلام زي معملوا دة دليل علي أن الجيو قدوة لازم تقتضي بها حبيب قلبي يا جيوووووو ❤
المدرسين لما ياخدو 80 جنيه من الفرد الدنيا بتتقلب وازاي ياخد المبلغ دا والموضوع يطلع تريند لكن لما عمرو دياب ياخد 7.000 جنيه سعر تذكرة الحفله عادي جدا ولا اي حاجه وعاش يا هضبه
بأمانه يا جيو فى بدايه السنه انا كنت مش بحب اسمع حضرتك و النكت بس على مدار السنه اكتشفت انى كنت غلطان قوى وحقيقى حضرتك قدوه يهتدى بها ❤❤ وفى النهايه احب اشكر حضرتك #عافر #حلمك #يستاهل #عافر #فرحه #اهلك #تستاهل
بجد كمية حقد لا توصف هو كده أي حد ناجح الناس مبقتش بتحبه ولا بتتمناله الخير هتفضل مهما طال الكلام قدوتي ومدرسي الغالي اللي بستني دعواته وحاليا أكتر وقت محتاجه تدعولي فيه بجد محبطه جدا وفقدت الأمل يارب لا اله الا انت سبحانك اني كنت من الظالمين 🥺😭❤️🩹
حضرتك يا جيو مش محتاج توضح لينا احنا مصدقينك دايما وكفايه احترامك وتعبك وضميرك حرفيا أفضل المدرسين في العالم وربنا يجازيك كل خير. المدرس اللي عمره ما هيتنسي اخ لينا والله❤❤
انا ولية امر ابنى معاك من اول السنه وبنتى كانت معاك دقعة ٢٠٢٢ ومقفله جيولوجيا بفضل ربنا ثم فضلك عاوزة اقولك ربنا يسعدك ويكرمك ويزيدك من فضله علشان انت انسان تستحق كل الخير وبدعيلك فى كل لحظه وبتمنى من ربنا ان ابنى السنادى يحقق املى ويقفل جيولوجيا ذى اخته ويدخل طب اسنان ادعوله ولكم بالمثل
بفضل ربنا عز وجل اولاً ثم ثانياً بفضلك لازم تكتبى اولاً وثانياً لان ده ممكن يكون شرك وعارفه ان مش قصدك بس علشان تنتبهى وربنا يوفقها يارب والف مبروك ليها❤ وربنا يعينه ويوفقه ويقفل يارب ويطلع من الاوائل❤
وكانت النهارده صيامه وان شاء الله بكره صيامه وهدعيلي لكل طلاب الثانويه ان شاءالله ب الجبر والكرم من عند ربنا اللهم وفقنا اللهم عاملنا بكرمك وفضلك اللهم اجبر بخاطرنا اللهم فرح قلوبنا اللهم لا تبكي احد منا الا بدموع الفرح ادعو لجهاد ولكم ب المثل انو تجيب ٩٥%😭😭
الواحد فعلا اتاكد ان الناس عايزين يطلعو اي حاجة في الانسان الناجح حتى لو كانت كدب .حضرتك يا جيو مكنتش مجرد مدرس حضرتك هتفضل خير قدوة ومعلم واخ لينا وعمرنا ابدا ما هننسى وقفتك معانا طول السنة من دعم معنوي وعلمي حتى لو حضرتك بتبقى تعبان بتيجي على نفسك عشان متتاخرش علينا وده كان بيبقى واضح جدا في الحصص وهتفضل حضرتك من اكتر الناس اللي اثروا فيا فعلا واتمنى لحضرتك كل الخير في حياتك اللي جاية وكل سنة وحضرتك طيب ❤❤❤
بص يا جيو لما لقمان نصح ابنه في سورة لقمان قاله واصبر على ما اصابك الي هو انت علشان كويس وماشي صح وبما يرضي الله لازم هتصاب فاصبر وكمل انت راجل محترم وهتفضل محترم وانت فوق دماغنا ودماغ اي حاقد حاسد
يا جيو كمل للنهاية احنا اهم حاجه عندنا انك متتأثرش بكلامهم واكيد حقك ربنا هيجيبه «وما كان ربك ظلاما للعبيد » ❤❤ربنا يفرحك دايما يا جيو زي ما كنت سبب في فرحتنا والله بجد احنا بنحبك جدا يا احلا جيو في الدنيا ربنا يسعدك يا رب يرزقك الصحة ويحفظك لينا ولكل الناس الي بتحبك و ربنا يراضيك ويديك من كرمه اضعاف ما تتمنى ويجعل لك في كل خطوة خير وربنا يسدد خطاك ويبعد عنك كل سوء يارب ❤❤❤❤❤
احلا جيو بجد انا ببكي انا وبكتب من الفرحه ربنا يخليك لينا يا جيو انا مستنيه اليوم الي اجيب فيه مجموع عشان احضر الحفله واتصور معاك مستنيه اليوم الي عاوزه افرح فيه 😢❤
بالتوفيق ان شاء الله وشدي حيلك علشان يكون ليكي نصيب وتحضري حفله التكريم في اخر السنة 💙 ربنا ييسرلك امرك ويفرج همك ويسعد قلبك ويحقق حلمك ويوفقك فى اللى جاى من حياتك باذن الله ويرزقك الرشد والرشاد💙
بإختصار يا مستر اكبر دليل علي نجاح حضرتك هو اللي حصل ده ... و ده يخلي حضرتك تتبسط و تتيقن انك شخص حقيقي ناجح و قدوه لناس كتير وانا اولهم طالما العيون علي حضرتك و في حقد و ناس عايزه تأذيك لمجرد انها مش عارفه توصل لمكانك و نجاحاتك ❤ ربنا يسعدك ويفرحك و يكتبلك الخير في كل خطوه تخطوها ونجاح تحققه ويبعد عنك اي شر يارب ❤ منسيتش حضرتك والله في كل دعوه في صلاتي الفتره اللي فاتت واتمني تشوف الماسدج بتاعتي دي من طالبتك رنا اللي بإذن الله هتشرفك وترفع راسك السنادي ❤❤❤❤
يامساء الجمال ياجيو وحشتنا اوي ياجيو وكنا قلقانين عليك جدا ومستنيين تنزل اي حاجه تطمنا🥺 كلنا كنا بندافع عن حضرتك وحقيقي لقيت كمية أهالي بتدافع عن حضرتك كتير اوي وبيسكتوا اي حد يتكلم وابطال ماجد امام قاموا بالواجب بردو ومسكتناش ل اي حد اتكلم والله كنت ابقي متعصبه و بفتح كومنتات اي بوست بيتكلم ع حضرتك علشان اهزق صاحب البوست الاقي ناس كتير قامت بالواجب بس ده ميمنعش اني كنت بهزق بردو 😂 ربنا يحميك منهم ومن عينهم ويباركلك في صحتك ومالك ويرزقك الذرية الصالحة ويجعلك من أهل الجنة يارب وربنا يراضيك ويرضي عنك ويبعد عنك كل أذي ويارب يبقي معاك فلوس أكتر وأكتر وتبقي أغني من نجيب ساويرس علشان يتغاظوا اكتر 😂 في النهاية عاوزه اقول لحضرتك كلنا كنا قلقانين علي حضرتك جدا ومحدش يقدر يقول عليك نص كلمة او يأذيك علشان ربنا معاك واحنا معاك وفي ضهرك دايما ياجيو ميهمكش اي حد ولا اي حاجه🥺❤️❤️ بعد م خلصت الفيديو حسيتك زعلان اوي خليك زي الكوارتز ياجيو مبيتأثرش ب اي حاجه دي ناس حقودة😂❤️❤️
ييه يا جيو دى ماما اتحسبنت حسبنه ف اللى طلع على حضرتك كلام مقولكش لو طلعو من السنه دى عايشين يبقى امهم دعيلهم ف ليلة الاقدر على الحسبنه اللى اخدوها😂😂😂😂😂😂
كنت واثقة أن فيه حاجة غلط في الموضوع لما الإعلام قال أرقام غريبة وحضرتك طول السنة بتعملنا خصومات وبتراعينا وبتراعي أهالينا فكنت مستنية أسمع الموضوع من حضرتك وربنا يجيبلك حقك
من ابتعد عن الوسادة اقتربت منه السيادة ومن لزم الرقاد حُـرم المراد ومن اكثر النوم سبقه القوم ومن أغتر بالأمل ترك العمل " والقمة اساسها قُم " قوم حاول عافر عشان توصل 💪🤎
علي الرغم من ان الاعلام كلو طلع هاجم حضرتك الا ان انت معملتش كدة وقولت ان كلهم فوق راسك ودة ميدلش غير علي ان حضرتك من اصل نضيف ومحترم حضرتك ونعم الاخ والداعم قبل م كنت مدرس يجيو ❤❤
يا جيو يا جيو نورت الدنيا يا جيو كنت بدعيلك على فكره كنت افطر وادعى لحضرتك على طول ربنا يبارك فى حضرتك حضرتك قدوتنا طلاب الجيو بجد غير اى حد يا جيو ربنا يحفظك
راجل محترم بعد كل الكلام ده كله يطلع يرد بالهدوء و الاحترام و الادب، ابنك علمي رياضه و بيحبك يا جيو ولله، ربنا يكرمك و يزيدك و يبعد عن حضرتك و عن كل من علمنا حرفا اي شر و يرزقكم الصحة و السلام 🖤🖤🖤✨✨
والله يا جيو عايزه اقولك اني قومت صليت قيام ليل مخصوص علشان ادعي لحضرتك بجد مش مبالغه ان حضرتك احسن مدرس واخ في الدنيا بجد من كل قلبي ربنا يباركلك علي كل الي بتعملو معانا دا وحياتك تكون كلها فرحه وميحصلش معاك اي موقف او حاجه وحشه تاني ونسمع عنك ديما اخبار حلوه وبس وخلي الي يقول يقول احنا عارفين الحقيقه وعارفينك كويس اوي يا جيو انت بجد متعرفش حضرتك في نظرنا وبالنسبالنا ايه ❤
إنسان مجتهد وخلوق ويستاهل كل خير أنا كنت دفعة السنة اللي فاتت مع حضرتك والسنادي ف كلية طب وحقيقي منقدرش ننسي فضل حضرتك معانا وكلنا بنحبك من قلبنا ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️
انا حضرت فعلا محاضرة سته اكتوبر وكانت ب 80 جنيه والمستر راجع فيها الجيولوجيا كلها ووزع ملازم فيها تلخيص للجيولوجيا كلها غير انه ادى للاول ع الشامل ايفون وكان بيسال واللي يجاوب كان بيديله اير بودز وادى سمارت وتش ومجات وهدايا كتير اوي بجد وكانت حصه تحفه
والله العظيم الناس كلها كانت بتسال عليك وعايزه تطمن واحنا في المدرسه كل المدرسه كانت مقلوبه علي حضرتك كل الحب والتقدير ل مدرسي الفاضل ربنا يبعد عنك كل شر
يا أستاذ جيو والله حضرتك قدوة حسنة لمعلمين زي حضرتك بل قدوة لمعلمين أكبر من حضرتك أنا طالبة داخلة أولى ثانوي و عارفة حضرتك من تانية إعدادي و كنت حرفيا مش بفوت فيديو لحضرتك و حضرتك كنت حافز ليا في أوقات كتيرة بجد شكرا ❤
احنا جيشك واحنا في ضهرك يا جيو من غير متتطلع وتتكلم احنا جبنالك حقك وورينا كل حد طلع واتكلم كدب في حقك وده أقل شكر لحضرتك ولمجهودك ولدعمك لينا شكرا يا جيو ❤
وحشتني اوي اوي يا اغلي واعز وافضل استاذ مر علي مسيرتي التعليميه ربي يوفقك ويسعدك ويجبر بخاطرك وييُسر لك امرك ويعطيك العافيه ويفرحك ويجبر بخاطرك والله العظيم فرحتنا اوي اوي اوي كل سنه وانت طيب وبخير وينعاد علينا وعليك في عرفات السنه الجايه وربي يبعد عنك الناس الحاقدين يارب😭❤️❤️❤️❤️❤️❤️❤️❤️❤️❤️❤️❤️❤️❤️❤️
اللهم امين شكرا جدا يا حبايبي تسلموا وانتم تستاهلوا كل التعب بجد وباذن الله يا ابطال مكملين وبقوة لاخر المشوار💙 ربنا ييسرلك امرك ويفرج همك ويسعد قلبك ويحقق حلمك ويوفقك فى اللى جاى من حياتك باذن الله ويرزقك الرشد والرشاد💙
علي قد مانا عايزه السنة ديه تخلص علي قد مانا زعلانه إني مش هشوف حضرتك تاني بجد كنت خير مدرس وخير أخ ربنا يبارك في حضرتك ويوفقك في اللي جاي ويجزيك عنا كل خير
الجيو مش بس احسن مدرس ف مصر ولا علي الجمهورية لا ده علي مستوي العالم كله حرفيا هو الجيو بجد لما بيجي يشرح المنهج مش بيشرحها عشان هندخل بيها امتحان لاء بالعكس انا بحسه زي النقنقه لب كده 😅والله اكتر ماده خفيفه علي الواحد ممكن تكون صعبه بالنسبه لناس لكن مع الجيو الماده بتبقي حرفيا زي بودره العصير حطه ف كوبايه و اشرابها 😂بس كده والله من غير افوره والله ي جيو نا بدءت اعيط😭🤧 اصلا وانا بكتبلك الشات اصلا لاني مش عارف اوفيلك حقك حرفيا حضرتك بتخفف علينا همومنا بجد انا بحسك زي اخويا الكبير ❤والله و قدوه ليا و خط سيري و دربي ف حياتي انا دفعه 2023و دفعه 2024 انا قفلت مادتك ي جيو العيال كلها تطلع من امتحان الجيلوجيا بتصوت وانا طالع مجبور الخاطر بيها انا كنت بحل بدماغك والله ي جيو ادعيلي يجيو ادخل بشري و تاكد اني هجيلك ف يوم من ايام وخلي المسدج ده متثبت عندك ولما اجيلك هفكرك بيها 😊مش عارف اقول انا عاجز اني اديلك حقك ف الكلام بحسه قليل عليك والله ❤ربنا يبارلك يجيو يا رب و يبعد عنك الحاسدين و تاكد انك ناجح ❤و ربنا راضي عنك استمر ف نجاحك ي جيو بجد عايز المسدج ده يوصل للجيو اعملو لايك اي حاجه بس يوصلو الرساله دي 😢❤مح تحياتي د عاطف محمد عاطف ان شاء الله ❤
يا جيو سيبك منهم المهم ان الطلبه عرفه اصلك وانك اكتر استاذ محبوب ومحترم ودمك خفيف❤😂 لو حضرتك كنت عامل حفله غنائيه كانو سكتوا أو سرقت الوزراء للمعاونات بتاعه غزه أو فساد الحكام دول طبالين 😂😂❤ احلي جيو في الدنيا ❤❤❤
والله والله والله كمان مره عمرك ما هتقابل شخص بجدعنته وطيبته وخوفه وقلقه على ولاده وطلابه ... دا الي يتقال عليه انسان بجد .. يكفي انه ساب فيا بصمته انا وكتير من الطلبه.. يكفي بس اني لما كنت اشوفه طالع مركب محاليل ويشرح علشاني انا والطلبه كنت احس على دمي واقوم اذاكر .. انتوا بتعملوا كدا ليه ..؟؟ اتهام بالباطل وحاجات محصلتش اصلا تقولوها عليه والإعلام يتكلم ومحروقين اوي علشان ملك الدوله... هو استغل ملك الدوله في حاجه تفيدك انت والدوله في العلم عارفه ولا متعلمتش قبل كدا يبتاع توم كروز.. انت مالك انت ياخد اكتر منه ولا لأ انت مالك .. يكفي انه بيتعب ويشقى ويلاقي وربنا كارمه من الواسعه.. انت يتعمل اي علشان تاخد الملايين الي انت بتاخدها .. قاعد على كرسي تقول شوية كلام عبيط الراجل دا احنا عايشين بكلامه الي بيقوله مش بس في الثانويه احنا عايشين بيه في حياتنا كلها .. الساكت عن الحق شيطان أخرس والناطق بالباطل شيطان ناطق.. حطها حلقه في ودنك يا عم الشريف يلي خايف اوي على الدوله واملاك الدوله .. وهنفضل واقفين في ضهره مهما حصل .. بنحبك ياچيوو❤