توكيل خاص ادارة سيارة في حالة رغبة مالك السيارة في ان ينهي الوكيل اجراءات التراخيص والتجديد او استخراج شهادات البيانات والمخالفات وقيادة هذه السيارة فقط
من فضل حضرتك انا اشتريت سيارة ملاكي للعمل عليها بخدمة اوبر بتوكيل بيع للنفس وللغير وكانت بتصريح ثلاث شهور ومدفوعة الضريبية حتى 28/9/2021 وبعد انتهاء التصريح ذهبت للمرور لاستلام الرخصة رفض موظف المرور تسليمي الرخصة لان التوكيل غير مدون فيها التجديد والترخيص وقمت بالاتصال بالبائع وحضر معي الى المرور ليتسلم الرخصة بنفسه وبعد عمل جميع الإجراءات رفض موظف المرور تسليمه الرخصة هو ايضاً وقال له انت اخذت شهادة بيانات لهذه السيارة موجه الى الشهر العقاري وانه لابد من عمل نقل ملكية للمشترى مع العلم إنني قمت بتغير ماتور السيارة وفى انتظار الافراج الجمركي لإثباته في الرخصة عند نقل الملكية كما أن الحالة المادية لا تسمح بمصروفات نقل الملكية في الوقت الحالى وانا في حاجة ماسه للعمل بالسيارة الان فهل يجوز للبائع عمل توكيل اخر لي بالتجديد والترخيص أم لا وهل يوجد حل قانونى أخر عند حضرتك ،،، جعله الله في ميزان حساناتك واسف على الاطالة .
السلام عليكم انا عامل توكيل إدارة وإجراءات المرور لسيارة ملاكي باسمي عليها حظر بيع ازاي استرد السيارة بالقانون بدون إلغاء للتوكيل عشان معييش رقم التوكيل
انا عارض عربيتي للبيع، و لاني باسافر كتير، فانا عامل توكيل بالبيع للنفس و الغير لاخويا، علشان لو ظهر مشتري و انا مسافر يبقى اخويا يقدر يبيع العربية .. فهل التوكيل ده معناه ان العربية اصبحت مش ملكي. بمغنى هل اقدر انا ابيعها عادي لما ابقى موجود كأني معملتش التوكيل ده لاخويا ، و لا التوكيل ده بيظهر للمرور على السيستم بتاعهم؟
اولا لا يظهر للمرور علي السيستم حتي الآن يونيو 2021 لكن التوكيل معناه انك بعت واخدت ثمن السيارة ولا يجوز إلغاؤه إلا بحضور الطرفين . والوكيل هو من يستطيع البيع لأنها مسؤولية
الفيديو ده بيوضح أن المستندات المطلوبة بطاقة الرقم القومي الموكلة وبيانات السيارة رقم السيارة والشاسية والموتور بشرط تكون الرخصة باسم البائع مش توكيلات
السلام عليكم، السيارة ورثة تحت حيازتي. هل يلزم توكيل من الورثه عند البيع؟ علما بان الورثه كلهم غير قصر. واذا لزم التوكيل، خل يمكن عمل توكيل من المنزل حيث ان والدتي سيده مسنه. شكراً مقدماً
ممكن طلب انتقال والتوكيل يتعمل في البيت رسم الانتقال ثلاثون جنيه ولو طلبت عربية التوثيق رسومها الف جنيه والورثة يعملوا توكيل بصفتهم ورثة بموجب اعلام وراثة
والدي اتوفي و العربية باسمه و اهل والدي عملنا أعلام الوراثة و اتنزلوا و العربية حاليا محتاجة تحديث للرخصة و انا لسا والدة ينفع اعمل توكيل علشان زوجي يروح يرخص العربيةً و ايه المطلوب تاني علشان مياخدش بطاقتي في اي مشوار تاني و لا ياخذني معاه انا و البيبي ؟ و ينفع اعمل التوكيل اصلا و لا دا معناه ان العربية كدا باسمه ؟
السلام عليكم استاذنا الفاضل انا اشتريت سياره من مرور بنها بتوكيل وكانت تحمل نمر ملاكي وكانت فيهارخصه ساريه 7شهور وانتهت الرخصه وطلبت من المالك الأصلي يجددلي الرخصه وفعلا جددلي سنه والمرور أخذ النمر القديمه وعلق عليها نمر جديده وأصبحت النمر مختلفه عن التوكيل ولم الاحظ الموضوع والآن الرخصه انتهت وأود أن انقل السياره باسمي بعقد مسجل ماذا افعل
لو سمحت انا كنت بعت عربيتى قسط لشخص . وكنا عملنا عقد ابتدائى ممضى ومبصوم بينا لحد ما يخلص ثمنها وبعدها اعملو توكيل بيع وشراء . حاليا الرخصه اتسحبت منه وهو طلب بنى اعملو توكيل ادارة عشان ملفش معاه كتير بحكم شغلى . انا عايز اعمل توكيل ادارة انه يتعامل مع المرور بفقط بدون الجديد والترخيص ينفع..؟
بعد اذن حضرتك انا زوجى اشترى عربية بعقد بيع ابتدائي و توكيل و لم يتم تجديد الرخصة الى الان و الرخصة اصبحت غير سارية وزوجى الان مسافر ..هل ممكن يعملى توكيل بادارة السيارة وانا اقدر اجدد الترخيص و انقل الملكية باسمه.. شكرا لحضرتك
السلام عليكم بعد اذنك اخويا معاة عربية باسمة والعربية عليها أقساط. اخويا التاني هو اللي مستفيد بالعربية وهو اللي بيدفع اقساطها سؤالي اخويا اللي مستفيد بالعربية عايز من أخوة توكيل إدارة واخويا اللي باسمة العربية خايف يعملة توكيل إدارة. لاميدفعش القسط والبنك يقاضية هل في ضرر علي اخويا اللي باسمة
من فضل حضرتك انا اشتريت سيارة ملاكي للعمل عليها بخدمة اوبر بتوكيل بيع للنفس وللغير وكانت بتصريح ثلاث شهور ومدفوعة الضريبية حتى 28/9/2021 وبعد انتهاء التصريح ذهبت للمرور لاستلام الرخصة رفض موظف المرور تسليمي الرخصة لان التوكيل غير مدون فيها التجديد والترخيص وقمت بالاتصال بالبائع وحضر معي الى المرور ليتسلم الرخصة بنفسه وبعد عمل جميع الإجراءات رفض موظف المرور تسليمه الرخصة هو ايضاً وقال له انت اخذت شهادة بيانات لهذه السيارة موجه الى الشهر العقاري وانه لابد من عمل نقل ملكية للمشترى مع العلم إنني قمت بتغير ماتور السيارة وفى انتظار الافراج الجمركي لإثباته في الرخصة عند نقل الملكية كما أن الحالة المادية لا تسمح بمصروفات نقل الملكية في الوقت الحالى وانا في حاجة ماسه للعمل بالسيارة الان فهل يجوز للبائع عمل توكيل اخر لي بالتجديد والترخيص أم لا وهل يوجد حل قانونى أخر عند حضرتك ،،، جعله الله في ميزان حساناتك واسف على الاطالة .
البائع يعملك توكيل اخر بإدارة السيارة بالتجديد والترخيص ومطلوب البائع وبطاقته سارية وننقل بيانات السيارة من التصريح المهم رقم السيارة والموتور والشاسيه الموضوع محلول مفيش مشكلة تحت امرك