السلام عليكم ورحمه الله وبركاته أخي لباس عليك كلشي مزيان إن شاء الله تكون بخير و في أمان الله بغيت أخي نشري من عندك الى كان عندك موجود الفلوس ديالو نيت ديال الدجاج الفرنسي و لكن كنقلب غير على الديك
السلام عليكم اخي مهدي بغيت ناخد 10 دجاجات و 2 ديوك من الدجاج الفرنسي شحال يتقامو عليا وشحال ثمن العتوكة وشحال ثمن الديك الله يسهل عليك اخي ونجيك من عين الحاسدين
نصيحة لوجه الله .. ماتبقاش تسميه سلالة مبدئيا .. هدا دجاج ساسو من انتاج شركة فرنسية سميتها هيندريكس جينيتيك .. الفرارج في ضرف تلاتة اشهر يوصلو لجوج كيلو ونصف .. والدجاجة بعد بلوغها العام الاول ون عمرها تصل لاكثر من 250 بيضة فالعام فالتربية المفتوحة ( تربيها غير فالخلا وتوصل لهاد العدد ).. طبعا الدجاج لي عندك ما غاديش يوصل لهاد النتيجة واخا هو نفس الدجاج لي كنهضرو عليه ... علاش ؟؟ لانه الى بغيتي هاد النتيجة خاصك تشري الفلوس من عند الشركة لي مصايباه والموقع ديالها راه معروف وفيه شرح لهادشي .. اذن ا الشريف راه الى فقستي البيض غادي تحصل على الحيل التاني من هاد التهجين وغادي تنقص المواصفات .. وانا نعطيك زبدة لكلام .. قدما زدتي فقستي الاجيال القادمة غادي تبدى تلاحض التالي : اللون كيبدا يبهات ..وكيبدا يتبدل ويبدا يبان عندك الوان دخيلة على الريش . الرجلين لي غلاض فالاصل غيبداو يرقاقو ومرة مرة يبان لون رجلين اصفر او ابيض .. البيض غادي ينقص .. الفروج ما يوصلش 2.5كيلو فتلات اشهر .. واستهلك بلاما تهلك
اودي سلالة كاسبينها كتر من 4 سنوات وخرجنا منها اكتر من 8 اجيال بعنا منها لبيض ف سوق والفروج على اساس بلدي وربينها لقينا المناعة ديالها ممتازة .هاد الكلام لي قلتي لا يسمن ولا يغني من جوع حيت الحمد لله خدامة ليا 1000 ف مئة فتسويق ومربح من جميع نواحي وهدا هو المبتغى الحمد لله