السيارة حلوة خاصة الستة سلندر بنزين ٩٥ افضل اداء لها التانكي على حسب الإستخدام بس غالبا يمشي ٥٠٠- ٥٥٠ كيلو متر سعته ٨٠ لتر و تعبي غالبا ٧٠-٧٢ لتر تقريبا و لك الحساب حاليا تقريبا ١٤٠-١٥٠ ريال و احسبها حسب استهلاكك طبعا قارنها بسيارة من فئتها لا تقارنها بسيدان و انتقاد راحة السيارة مبنية على هايلوكس خشن
تحيه لصاحب القناه عالشرح والتصوير الرائع .. اما السياره فكنت متحمس لها ويوم ركبتها كرهتها وذميتها طبعا اول مانزل الشكل الجديد حتى الامان فيها سيء جدا جدا
السيارة ما تحتاج تجربة المتانة واضحة والقوة قوية بس لا يركبها واحد غشيم بيقلب فيها شرحك ما راح يفيد بهالطريقة لازم تطاعس تورينا نظام التعليق نشوف قوة الدفلك لا تعلقت نشوف كل هذا ما عملته تقريرك كله عن الشكل . بالتوفيق لك. بس عن تجربة تراه ازين سيارة تزبنك في النفود إذا كنت راعي بر السيارة ممتازة بس تبي واحد يحوف الطارة ما يركبها واحد كان راكب سيارة ياااي وحاط واقي شمس لا تبي تهلكه بهالنفود لفة الطارة في النفود و وزنية دعسة البنزين و معرفة نوعية التربة اللي ياطاها الجيب بعدالله تساعدك هل هي جلد الا هيار والا طين والا رباضات لان النفود يجيك فيه الوان ما يفرقها غير اللي خبرة وعايش مثلنا بالبران فإذا بغيت تشري هالسيارة وتدور وتبي البر وعلومه لازم تشوف احد اخوياك اللي يعرف البر والله الله بتانكي الما وجراكل الما لا صرت بتدخل للنفود زبن روحك يمكن تدخل وتلقى ناس مقطوعين تكسب فيهم أجر وأهم شي لا تنسى العدة وتشيك على الكفرات والاسبير و عيار الهوى اللي أنت تعرف قراءته و البانزين لازم فل وان حصل تملى جيك 30 لتر معزول تشتريه من امزون ممتاز للبنزين لا ريحة ولا شي كبس زبن روحك قبل تدخل مكان ما تعرفه أو أول مره تجيه اذا ما كان معك اخويا ومعهم سيارة العزبة واذا كان بتقعد يومين خذ اللي يكفيك لعشر أيام ما تدري وش يصير بهاليومين مطر شعيب يسيل ناس محتاجين مقطوعين وأي أحد يطلع مكشات بعيد بسيارة واحده غلطان اقل من سيارتين و5أشخاص غلطان النفود مثل البحر اللي ما يعرف خوافيه وطرق الخروج منه يغرق هذا ولاتنسى القارمن او الماجلان باختصار اللي يجيك مطفي النور ويقول تراه رمل الرمل دفن كم لحية أطلق مني ومنك الحامي الله ولكن مع الأخذ بالأسباب ولاتنسى العفريته ومعه لوح خشب تحطه تحته او جنط اكسنت لرفع الكفر لا انسلخ من التطعيس وانت وسط النفود و تاخذ واير وحبال متينة و الله يحفظ الجميع وللمره الأخيرة احذر تطلع مع عائلتك للبر في مكان بعيد بدون سيارة ثانية الا ان كان قريب من البلد اللي تسكنه وحولك شبكة جوال انتبهو النفود يوحش ولا تبعدون عن الزفلت واجد اذا صار معكم انسان كبير بالسن يعاني مشاكل بالقلب او السكر او الضغط ولا فيكم أحد يعرف للإسعافات الأولية و يعرف للأبر حقات السكر ولازم شنطة اسعافات أولية ومضادات حيوية من شان لا انقرص احد لا قدر الله أو شي لا تحسبوني موسوس لا من كثر ما شفت وتوهقت تعلمت ولا أبي لأحد يجرب . لإن البر بحر و غرابيله واجد. و اختم بحديث الرسول صل الله عليه وسلم . عن السفر كما يقول ( الراكب شيطان والراكبان شيطانان والثلاثة ركب ) فلا تسافر ولا تكشت بعيد الا معك اخوياك اللي كفو . والله يوفق الجميع .
ما شاء اللّٰه تبارك اللّٰه داخلي جملي هو إلي يجذبني بس العتب على الإرباقات المفروض فل إيرباق أمامي وجانبي، ٣ إيرباق وبدون شاحن لاسلكي وعلى سعره الغالي ١٦٤.٤٥٠ ألف
شكرا ويعطيك العافية عزيزي.. على ٣ وسائد هوائية حرااام هذا السعر فيها.. ياخي زيد من سعر السيارة بس اهم شيء الأمان للركاب. المفروض هيئه المواصفات والمقاييس ما تقبل بهذا الشكل. لكن ف النهايه الله نسأل الله السلامه للركاب والله يحفظهم..
فرق التوفير بسيط الاربعة يمشيك 10.2 والستة سلندر يمشيك 9.6 لكل لتر فخذ الستة وانت مغمض وتقدر تتاكد من كلامي وتروح للوكالة لان الاربعة تصير مكروفة طول الوقت فتصرف اكثر لكن لو تبي التوفير صدق خذ ديزل ...
الفل الكامل 6 سلندر اعلى فئة.. ماهي المميزات التي لا توجد الا فيها.... سؤال حيرني... احد يجاوبني تعبت ابحث... وابحث عن خاصية اي تراك وتركيب خزان اضافي لو 200 لتر
بالعكس يا شباب افضل تصميم شفته للوجهية لسيارات الـ4×4 ليش لو تلاحظون ان الصدام جاي بشكل انسيابي يعني لا يمكن يحك أبداً أو يدقر في النفود جميل جداً وميزته مرفوع بالنسبة للدعامات تركبها أنت بـ 500 ريال ولكن أن اشوف مالها داعي اللي عبته على السيارة ان ما فيها منافذ شحن وافياش للي بيركب ثلاجة او لمبات ولا فيها مكان تركيب بطارية اضافية ولا فيها ماطور هوى . ولكن 99%وحش الموتر ولا عليه كلام اذا فكرت اذا جاب الله بنت الحلال شريته بإذن لله .
مواصفات الفورشنر في بلد المصنع فل كامل تركشن trac وارباقات جانبيه وخطاف خلفي ونظام سحب المقطوره جميع الانظمه مكتمله مثل اللكزس مواصفات الخليجي vx3 زباااااله سعر مبالغ انظمه سلامه صفر 3ارباق امامي واللي بالخلف بستين حريقه وبدون تركشن ولا انظمه السلامه الرئيسيه للمعلوميه vsc فقط يفصل الدواسه في حال الانعطاف الجائر لكن trac التركشن وهو اهم شيء غير موجود فيه ابدا ولهذا السبب سريع الانقلاب تحياتي للي يأخذ الفل من تيلند مباشره:-)
اعلى فئه ولا يوجد به فتحة سقف ولا تبريد وتسخين مراتب ولا ثلاجه ولا ايرباقات مثل الاوادم ولا نظام ترفيه ولا شاشات مع الأسف الكوري والامريكي لديهم مواصفات كثيره افضل عتبي على شركة عملاقه مثل شركة تويوتا تتجاهل هالامور يعني المنافسين لهذي السياره كثيرين مثل هونداي سنتافي وتوسان وكيا سبورتاج وفورد اكسبلورر وفورد ايدج وشفروليه ترافيس ومتسوبيشي باجيرو ونيسان جميعهم المنافسه شرسه بينهم والكل ينافس بقوة لتقديم افضل المواصفات للعميل ناهيك عن ذلك الاداء المكنيكي القوي تويوتا هي الاجدر والاولى منهم جميعاً كوني من عشاق سيارات تويوتا ولكن للاسف في كل مره تويوتا تخذل العملاء والراغبين في اقتناء سياراتها