ثقافة الشعب الفلبيني 

السلام عليكم، انا لمن دخلت الفلبين السنة اللي فاتت موظف الجوازات سألني مرتين متى هاترجع او تخرج من الفلبين ولكن السؤالين كانت مختلفة عن بعض حسيت انو يبغى يتأكد هاغير جوابي واديلو تاريخ مختلف لو كنت كداب ولو صادق هاديلو نفس التاريخ ولكن طبعاً اديتو نفس التاريخ وانا اصلا حاجز وكل شي ولكني ماطلب مني تيكت العودة عشان يتأكد اكتفى بالسؤال وجوابي عليه واعتقد كمان سألني في اية فندق هاتنزل وجاوبتو اديتو اسم الفندق والمنطقة اللي فيها الفندق وعلى طول بعدها ختملي الجواز ومشاني بدون مايشوف تيكت وحجز او يطلب يشوف اي تأكيد لحجز الفندق مع اني كنت طابع كل حجوزات الفنادق والتكت وحجز القدوم والعودة كمان يعني كنت مجهز نفسي لاي طلب ولكن ماطلب مني الا الجواز فقط وكم سؤال ، اما موضو التمديد خليني اديك قصة التمديد بالتفصيل قبل لاتخلص مدة جلوسي في الفلبين باسبوعين كنت في سيبو وقلت خليني امدد اونلاين ونجرب الاونلاين الجديد وكنت شفت فيديو من وحدة فلبينية هنا عاليوتيوب عن طريقة التمديد خطوة بخطوة واتبعت الخطوات ولكن اكتشفت بعد ماعملت حساب وصفحة على موقع الجوازات لقيت في نوعين للتمديد والفضل بعد الله ليكم وتعليمكم لينا عرفت اختار اية وحدة لان التانية طلعت تخص الصينيين المهم بعد ماخترت التمديد كان النظام يقلي error: check information طبعاً اتضايقت لاني متأكد من المعلومات كلها صحيحة ولكن لمن تطلع رسالة الايرور كان فيه رقم تليفون للتواصل وايميل فا انا قلت اكلمهم اسرع وردت عليا وحدة يالطييييييييييييييف مش طايقة نفسها اقسم بالله كأنها مدام عفاف اللي في الافلام المصرية ٣ مرات تسكتني عشان تتكلم رافضة تسمعني وقاعدة تقلي كلام عام انا مو فحاجتو كأنها بتسمع من ورقة قدامها ولمن خلصت قفلت طبعاً عديت من ١ الى ١٠ واخدت نفس عميق لانها فعلاً رفعت ضغطي ولكن ( ياغريب كن اديب ) ولا علقت ولا رديت عليها نهائياً ولمن خلصت قلتلها شكراً وقفلت الخط وبعدها قمت اخدت الايميل اللي كان بيطلع في مسج الايرور اخدتو وعملت سكرين شوت لصفحة بياناتي الشخصية وصورة جوازي وسكرين شوت لصفحة تقديم الطلب وسكرين شوت لنسج الايرور وحطيتهم في الايميل ورسلتو بعد ثواني حرفياً او دقيقة وحدة بالكتير جاني الرد وقالي الراجل في الايميل افتح صفحة البيانات الشخصية وحط الاسم الول + اسم الاب في خانة الاسم الاول فقط واسم العائلة اكتبو في خانة اسم العائلة وخانة الاسم الثاني سيبها فاضية تماماً واعمل ابديت بعدين قدم طلب التمديد تاني وهايقبل معاك وصدق الباشا عملت زي ماقال بالضبط وعلى طول انقبل الطلب واترسل وجاني ايميل بقبول الطلب للدراسة والرد في خلال ٣ ايام عمل ولكن بعد ٢٨ دقيقة فقط جاني قبول التمديد وملف PDF فيه تصريح التمديد VISA WAIVER ( EXTENSION ) والتمديد كان تقريباً شهر ٢٨ او ٢٩ يوم زيادة كانت تجربة جداً جميلة ومريحة عملتها وانا باشرب قهوة من الايباد في ماكتان عالبحر