جات دالتي نحكي حكايتي،عجوزتي سميتها...🤔ما دارت فيا،اسمعوني وعطوني رايكم🥺(حكاية فلانة بلسان دداح) 

يا طاطا داداح انا عشت نفس القصة واكثر ومشكل ماهوش وليدهم الوحيد عندهم بصح شربولي المرار و مزالني عايشا معاهم عندي عشر سنين زواج الله يفرج عليا و على كل مغبونة يارب

يارب فرجك والله نقول تحكي عليا تزوجت بوحيد امه وعشت نفس المعانات ،مبصح ياطاطا داداح حبيت نسمع نصيحتك كيفاش نتعاملو مع هاذ العجوز العوده؟؟؟؟؟؟ يلا لبنات ديرو لايك باش داداح تعطيلنا نصايح ونستفادو كامل 👍👍👍👍👍👍👍

مم فضلك داداح كثرينا من الحكايات. طريقتك اللي تحكي بيها راااائعة

ادعو لاخي باه ربي يفك اسره ويطلق سراحو عاجلا غير اجلا يا المومنين

حكايتك تشبه لحكايتي مع العلم عندها ولاد وحدوخرين على حساب تجربتي21سنة زواج الدعاء والصبر يغير القدر الله فوق كل شيء لاتيأس

طفيت الضو او حطيت التيليفون عند راسي وقعد نسمع الحكاية والله رووووعة كتريلنا من هذا النوع تاع لحكايات يعطيك الصحة.نعرف وحدة عايشة نفس القصة.

اللي يحبها الله تعيش وحدها حتى يبقى العز والاحترام ولكن الولد الوحيد محال يترك امو وحدها صبر جميل و الله المستعان اكثري الصلاة و الدعاء

يعطيك الصحة اختي دادح استمتعت بالقصة كنت حسبا روحي نسمع قصص الف ليله وليله صوتك حنين ربي يخليك ويفرج على كلمن ضاقت به الدنيا

راني حاسة بيك والله الام المسيطرة لي تحب ولدها غير ليها pas obligatoirement le fils unique تعيي بزاف وكي تهدري الناس كامل تلومك و يقولو يماه و طاعة الوالدين مع انو ربي عطى كل واحد حقو ربي يهدينا

سلام عليكم الصبر الصبر ثم الصبر في هذه الحياة الخاسرة الوحيدة هي انت هذه هي الحياة لازم يكون فيه واحد يخسرلك حياتك الا ماشي عجوزة اخت زوجك وإلا ماشي اختى زوجة اخوه ولا ماشي هم يكون الزوج وهذه هي المشكلة الكبيرة كوني يا اختي ذكية وحافظي علي بيتك وعجوزة يجي نهار وتموت وزوجك يتزوج وقت ما حب وانتي بعدها تبكي الدم وتندمين يوم لا ينفع الندم اصبري وكوني ذكية ولا تنسحبي من أول معركة فالحياة حرب و الاشرار في كل مكان وزمان نصيحة من محاربة مرت من نفس الطريق تحياتي لكم

هذه القصص كلها عشناها و صبرنا و درنا النية في دارنا و خرجنا كي الشعرة من العجين الحمد لله

تعلمنا من سورة يوسف ان السجين سيخرج وان المريض سيشفى والغاءب سيعود والحزبن سيفرح فمع الله لا يخيب رجاء والله المستعان ربي افرحكم دنيا واخره فرحوني بالاشتراك ديالكم ❤☺️😍🤗

والله غير مرضنا من هذو المعاملات نتاع العجايز كل حاجة وليدي وطاعة الوالدين وين راه حق الزوجة والله غير بزاف يدخلو بين اللحم والضفر

والله يا طاطا ماهي حكاية ابن وحيد برك نفس الحكاية تتعاود بالرغم انو ليس الابن الوحيد 😢

نصيحة لكل بنت ماتخسروش دراهمكم في العرس والجهاز الغالي لي ما تلبسوهش ،لمي دراهمك مع دراهمو وكري دار وعمريها وتعيشي مرتاحة وهانية البال ،حتى لوكان ترقدي جيعانة تكوني هانية ومرتاحة تنوضي الوقت لي تحبي وترقدي الوقت لي تحبي ،تلبسي وش تحبي وتاكلي وش تحبي ،خاطر المعيشة مع الاهل صعيبة ويكونو ويكونو المشاكل ،فما تضيعوش دراهمكم في الفشخرة نتاع العراس ومبعد شه زواج يبداو المشاكل .كيما يقولو ناس زمان الهنا هو الغنا.وشكرا على القصة خالتي دداح تعلمنا منك بزاف حوايج والله راكي وحدة من الاهل.😊

قصة فيها عبرة وياما كاين حكايات ربي يفرج على كل مغبونة كانت ضحية اهل زوجها لي ما خلاوهاش تعيش حياة مع زوجها و انا وحدة منهم ما عسنا نقول إلا حسبنا الله ونعم الوكيل

حسبنا الله و نعم الوكيل في العجايز انا سوفريت معاها وما نحبهاش خلاص ننصح كل وحدة تشرط دارها وحدها قبل الزواج وتتكلخلكمش بالهدرة والحب

سلام عليكم كثرينا من هاد لحكايات باش نديو منهم عبرة ويعطيك الصحة 🥰

فكرتينا في أيام زمان كي جدتي الله يرحمها كانت تحكينا بقرة اليتامى يا حسراه في كل دار هذا الهم لأن النفوس متغيرة والناس معادن وذبذباتهم مختلفة مكاش لي دخلت للبحر وما تشمختش المهم الصبر والعبر ؛ الله يرحم عجوزتي كانت واعرة لكنها حنينة وتعلمت منها بزاف حوايج طياب و نقاء وتربية الأطفال الله يرحمها ويوسع عليها ويجعلها من أهل الجنة عندها 4 أشهر من وفاتها.

ماشي غير لي عندها واحد حتي كي يكونو عندها 12 عندها واحد مخير أتصوري صهد يجيك تاني من خياتو ياختي ربي يفرج عليك والله غير راني حاسه بيك ماتمرضيش روحك صحتك هيا صح 😌

نفس حكايتي وطفرت ورني 11سنة وانا في هذا المشكل والفرق انو زوج متفاهم مع اهل نتاعه ربي يفرج علي كل مهموم

استفدت من هاد الحكاية كوني ام لإبن وحيد.انشاء الله نكون عجوزة عاقلة هههههه

أرجعي لدارك وبدلي معاملتك معاها وماتحاوليش ترضيها.. رضي زوجك برك.. أخدمي شغلك وكي تعياي حبسي أعطي لنفسك الراحة.. وإذا ماعجبهاش الحال تكمل هي.. حبيت نقولك أتجاهليها وعيشي حياتك.. وخليها تعايرك عادي ماتديريش عليها.. (هوما هاضرين هاضرين) و بي يفرج عليك

سلام ختي لعزيزة صاحبة القصة ان شاء الله تشوفي التعليق تاعي ، و لبنات من فضلكم ديرو جام على تعليقي باش يوصلها . انا ننصحك نصيحة لوجه الله انو ترجعي لدارك و منخسرش راجلي و نيتم وليدي و نخسر داري على جال يماه و متحطيش راجلك في هاد الموقف و نصيحتي ليك عن تجربة من انسانة عاشت نفس حكايتك 21 سنة و صبرت و كبرت ولادها و راهي دوك بدارها و الحمد لله. خلي راجلك يحس بلي راكي في كتافو ماشي عبئ عليه لان الزوجة هي عمود الاسرة قوي نفسك و ديري تحدي معاها على انت تدخلي الحياة بحلوها و مرها و منخليش انسان يكون السبة في تحطم حياتي حتى و لو كانت يماه و عسى ان تكرهو شيء و يجعل الله فيه خيرًا كثيرًا ❤️

يا طاطا لوكان جاو يبانو من النهار لول وحدة ماتقبل بزواج الهانا المشكل يجيو بوجه ومبعد يتقلبو والصعيبة خلاص أنهم يحفرو كي السوسة ويسودولك معيشتك بصح من لتحت لتحت اما قدام الناس يلعبوها متحضرين ومتفهمين وميسمعوش بيك قاع لكان كاينة ولا مكانش

حسبي الله ونعم الوكيل ، ربي يبعث حجة او عمرة لهاذ العجوزة باش تستغفر مولاها او تغسل اعضامها وتنسى عروستها وتخليها تربي وليدها في سلام وامان . ان مع العسر يسرًا 🤲🏻

دادا ح تعيشي اطلبي من لبنات يعاونو قناة يوميات عائلية أمينة مسكينة تشف لحجر وعندها 5 يتام واساكنة فالقصديري والله غير تشف لازم تعاونها ونوقفو معاها ادخلوا شوفوها

راكي ياختي على حق متتنازليش لعجوزة فاتو أيامها هي الماضي وانت المستقبل لعجايز واعرين ما يخدعوكمش بالتمسكين القرار مش في ايدك في يد الابن ومتحمليش روحك فوق طاقتها لا تروح صحتك في مهب الريح والعجوزة صحتها من حديد واعصابها من فولاذ .

مولات القصة رانا معاك وربي يديها إن شاء الله علاخطارش هاد العباد نرجسيين ميندموش و ميتسقموش وربي معاك وربي يفتح عليك بيبان الخير إن شاء الله

سلام الاخت دداح و كل المتتبعات، اليوم حابة نحكيلكم حكايتي : كي كان في عمري 25 سنة من بعد ما تخرجت من الجامعة بشهادة مهندسة معمارية تزوجت ديت راجل ماشاء الله بعد قصة حب اكثر من 10 سنوات الحمد لله ، بعد العرس و شي يامات هاكداك بدات عجوزتي تخرج في سمها عليا مع العلم اننا نسكنو مع العجوزة و 2 لواسي ماشي مزوجين، ايا كانت كي تشوفني لبست حاجة شابة و ماشطة و كلش يعني عروسة جديدة كانت تقلي بوه هادي جبة مانلبسهاش يالوكان تجيني باطل ، و كانت ما تشوفش قاع في وجهي كانت تدور راسها عليا ... و انا مافهمت والو ماعييت نحوس كاش ما درت كاش ما قلت .. لحاصون كل يوم هاكداك و غير شي يامات من بعد لقيت روحي اونسانت و كي جيت نقول لها حلت فمها ني كلشي مبروك ني والو تقول دربتها بموس، من هنا بدات معاناتي الكبيرة راكو تعرفو مع الوحم و هي تديرلي غير لعفايس المسودين وانا راجلي يخدم في الجنوب يعني شهر هنا شهر لهيك و غير يروح تبدا ها تهدش مع يا ها تقضيش للدار غير باش تكرهلي معيشتي و الا جات يما ما تقيمهاش كامل ، المهم لحقتني لدرجة يجيوني كريز دو بانيك و نقعد نبكي وحدي حتى ولات لاتونسيو تطلع لي وانا في شهري 6 رفدوني لسبيطار قعدت 20 يوم و نحاولي لبيبي تاعي مسكين داروه في الحضانة.. و كي جيت للدار لقيت غير راجلي مسكين يقوم بيا و هيا معلابالهاش كامل بيا ، اومبعد كي جاو دارنا جابولي لي كتب ما قعدتش مام با معاهم دارت مشكل كبير في الدار ولات ماتهدرش معانا انا و راجلي عولت باش تخرجنا من الدار وكانت كل ما نروحو لسبيطار نطلو على البيبي تدخل للبيت تاعي و تفركتها كامل و انا فقتلها و درت لها كاميرا باش نشوف واش تدير ثم و نهار لي خرجنا البيبي تاعنا من السبيطار بعد شهرين جاو دارنا كامل يفرحو معايا ايا خرجت من بيتها و دارت سينيما قالت بلي انا درت لها السحر و سرقتلها القش تاعها وانا لوكان صبت تتحل لرض ندخل ماعييت نحلف و نقول لها نجيب المصحف و نحلف و نتي تحلفي بلي شفتني درت لك حاجة ما قبلتش و للعلم عجوزتي من النوع لي كل سمانة عند الشوافة و لو كان يقولو لها هادي زرقاء وهي تشوفها حمراء تامنهم هما، و راجلي مسكين ما عيا يزقي عليها و يقول ما دارتلك والو المخلوقة مي هيا والو و انا ما قعد ليا غير الدعاء صباح و عشية لربي سبحان و راجلي مسكين عندو ديون و الدورو لي كان عند و صرفو على هاديك الدار تع يماه سقمها بالطبع كامل و هي كل يوم عقابنا تخرجو من الدار.. المهم حوسنا على دار كريناها جمعنا قشنا و رحلنا ما ننساش هاداك نهار حياتي كامل ، دوكا رانا الحمد لله انا و راجلي و وليدنا نعيشو في الهنا خلينا كامل المشاكل تما و هي و بناتها دوكا لي قالت باسم الله للمشاكل وحدة راهي تطلقت وهي راهي تغرف في المرار مع ولادها الثانيين ، انا راني نهدر معاها نورمال ما عرفتش الا يجي نهار وين نسامحها . الصبر و الدعاء يا البنات يديرو التريق ف المديق و الضالم يجي نهار

أنا ام معاقة وجبت عروس تمنيت والو نهار طيبلي فنجان قهوة .وتفرحني فيها طيبها غير كيكون رجلها فدار حتى طياب نهار ومفرحتنيش .مزيا الهم جا مزربع كون جافي بلاصة كون خلاها الحمد لله على كل حال

الحمد الله عجوزتي ناس ملاح بزاف بزاف بزاف و كامل العايلة تع زوجي ناس طيبين عندي سنوات عشرة عمري لحقتهم ملحقوني غير بلخير الحمد الله

دداح و يا دداح والله عجوزتي كانت ام حنينة عاقلة تشاورني في كلشي مع العلم انه عندها غير ولد واااحد فقط و الحمد لله مشي كامل الناس كيف كيف ...الناس اجناس فيهم الذهب و فيهم النحاس و انا عجوزتي كانت ذهب و الحمد لله ربي يرحمها و يجعلها من اهل الجنة يا رب 🤲🏻 اللي تشوف تعليقي ادعيلها بالرحمة 🙏❤️

كاين وين بعض الأمهات تشوف بلي وليدها ملكية خاصة ليها فقط، تشوف روحها بلي غير هي اللي ولدت وربات و كبرت ممبعد تجي امرأة وحدخرا وتديه، وهنا تبدا تدخل الغيرة لقلب الام وهذا هو الشيء اللي ما تتقبلوش بعض الأمهات ومن هنا يبدى ال صراع بين العجوزة والعروسة يا ناس الأمومة ماشي احتكار الإبن وسبب تعاسته زوجتي وليدك خليه يعيش حياتو في هدوء وسلام واستقرار ولازم الام تعرف بلي كي زوجت وليدها ماهوش راح يغيب حب الإبن لأمه لأن حب الام دايم وما راح يغيب أبدا لازم الام تفرح لفرح ابنها وتحسن لعروستها باش تعيش حياة سعيدة فهي ام الزوج وجدة لأولاده.....الحياة بسيطة غير احنا نصعبوها ،،،،

قصة صحيحة . معضم العجايز هكا يدخلو بزاف. ربي يهدينا جميعاً. وهذ القصة بالذات واعرة تقعدي عايشة على أعصابك.

هدا النوع تاع الفيديوات رائع كترينا منهم طاطا تعيشي. أنا تاني تزوجت لولاية خلاف ولايتي و انا طفلة وحدة في دارنا و بعدت عليهم 9 سوايع طريق. و شفت الويل و الحمد لله على كل حال

ما شاء الله ددوحتي الغالية عجبتني بزاف الحكاية خاصة طريقة القائها الله يحفظك 💗💗💗💗

نفس حكايتي سبحان الله و زيد عليها تحكي عليا ماديرش الشغل و تشكي دايما لأهلي دارت أو دارت .تمسكت بربي هادي 17 سنة او رزقني ربي بربعة ولاد عمرو عليا الدار ونسيت همي بيهم.ربي يفرج عليك ختي.

انا راني متزوجة بفيس اونيك . 3 سنين عانيت وصلوني نشرب فدوا تع ضربات لقلب من قوة الخوف و الخلعة لي ركبوهالي و انا عمدي 26 سنة برك فعمري . دعواتكم

والله غير حكايتي بتفاصيلها .... الفرق الوحيد أنني لم ارزق بالاولاد إلا بعد سبع سنوات و ما طلقتش مازالني شادة لكن بعيدة على عجوزتي .

والله حكايتك تشبه لحكايتي كنت ماندير والو كلش هي لي ديرو ماحسيتش خلاص بلي في داري..حتى خرجنا كرينا باه تهنينا الحمد لله..لعقوبة لكل واحدة

Mon mari le fils uni et son père est décidé allah yarhmo lorsque il avait deux mois. Sa maman elle a sacrifié toute sa vie pour que mon mari soit l'homme d'aujourd'hui. Je sais et je vois qu'elle aime un amour fou mais wallah elle est gentille . Mais de ma part j'essaie toujours de garder hadik complicité entre eux je lui donne le temps pour que m belle mère reste avec lui tête à tête j'essaie le maximum de montre que moh n'est pas a moi c'est vrai c'est mon mari mais vabr tout c'est petit fils adoré . Avec un peu d'intelligence et avec le temps elle m'a dit je sais que mon fils il a une femme qu'il aime et le jour où je dois partir de cette vie je serais tranquille et mon coeur calme donc a partir de ce message je te dis ma mère Hassina on t'aime bcp et merci pour tout ce que tu fais pour nous.

قطعتيلي قلبي عندك واحد صوت لي تحكي بيه نقعد نسمع فيك حتى لصباح ربي يفرج كل واحد يدي حقو في هادي دنيا ما يدوم غير صح ❤

والله يا أختي دداح حسيت بيك صح وبكل حرف هدرتيه المشكل يا أختي العجايز حاشا بالاك القليل هذا هو همهم ومش السبب الابن الوحيد لا و حسب التجربة مع بنات الناس برك وبنات العز لي عرفوهم حاطين رجليهم في الأرض همهم ميشوفوهمش هانيين وكون تشعليلهم صوابع يديك تبقاي مش مليحة حسبنا الله ونعم الوكيل لانو الظلم مش مليح ربي وحرموا على نفسوا ربي يعطيك انشالله ويفرحك ويفرج همومك وهمومنا يارب

بارك الله فيك الاخت داداح طريقتك رائعة والاخت لي صبرت تنال باذن الله اللهم اجعل لها مخرجا عاجلا غير أجلا واكتري من الستغفار

يعطيك الصحة أختي دداح، ربي يفرج وان شاء الله تتلمي مع زوجك و وليدك يارب

شي لي عقبتو اكتر من هك بصح 7شهر و رحت لدارنا وانا بلحمل في الشهر السابع و نشرب في les calmants و بقيت في دارنا عام و نص و هوما تهناو مني مع انهم ما شافو مني حتى شر ماما ربي يرحمها ما رباتنيش بالخبث كنت طفلة وحدة و الحمد لله بعد souffrance كبيرة فرج ربي بلعقل و اليوم بنتي لكبير راهي 20 سنة

غاضتني هاد الاخت على حسب كلامها بينا بنت فاميلية معليها الا التوجه الى الله والدعاء وقيام الليل وصلاة الاستخارة وان شاء الله تلقى مخروج

طريقة سرد راااائعة.يعطيك الصحة.وللاخت ربي يفرج عليك والله ماشي ساهلة

J'adore ces histoires ... on en apprend tellement ! Rebi ikoun fel 3oun

هده الام يمكن يكون عندها اضطراب الشخصية النرجسية تكون متسلطة و ترمي اللوم دائما على الاخر و تستنزف طاقة الناس المحيطة بيها تحب تمشيهم على رايها ........ هده الزوجة حست روحها مخنوقة عند عجوزتها .انا راجلي في داري وحدي كادر ما نقدرش نعلقوا حاجة ما نقدر نشريها لو كان ما تعجبوش حتى حوايجي و خلي و خلي على الهموم هده هي صفات اضطراب الشخصية النرجسية الي للاسف ما كنت نعرف عليها والو و عمري ما سمعت بيها .للاشارة هو اضطراب ما مزمن ما يبراش يعني ان لله وانا اليه راجعون في حياتي

والله ياختي الا فوتت اضعاف مضاعفة من عذابك ولكن انت خير مني قررت تهربي من الجحيم اما انا كملت حتى قريب هبلت ولكن نهار زاد عليا الحال بقيت نبكي او ندعي ربي ليل كامل وانا دايرا في بالي مكانش الحل غير الا تخربت داري بصح غدوا من ذاك سبحان الله صبحت ميتة بصح العجيب ما فرحتش ندمت وعلاش دعيت اوسامحتها او غاضتني والمفاتح نتاع البيبان الي كانو ينغلقو عليا جاو في يدي بقيت غير متعجبةامبعدها تعرفي بلي الدنيا متسواش او ماتستاهلش قاع هذا الصراع

هذه قصتي بالتمام والكمال لكن زيديلها انها تخاف ترقد وحدها لازم باب غرفتي يبات مفتوح ، اوانا لازم نرقدمعاها ، ولما زاد ابني من المستشفى الى دارنا الى حد اليوم ابني اليوم خريج جامعة بامتياز ،حسبنا الله ونعم الوكيل في كل عجوزة تضر عروستها وكل عروسة تضر عجوزتها

يعطيك. الصحة الاخت دداح توحشنا حكاياتك، المشكلة ماشي في الابن الوحيد المشكلة في شخصية الام شخصية نرجسية باتم معنى الكلمة تحب تحكم متسلطة و لا تتعاطف مع احد و ابنها يعتبر من ممتلكاتها الخاصة تابع ليها... ربي يفرج على الاخت تحكم في ربي و تدعي

انا مفهمتش حاجة علاش الظالم داير روحو مظلوم راني نسوفري من عجوزتي دارت فيا الهم مشاكلي غير معاها والله لا عييت خلاص ربي يفرج على كل مهموم قولو آمين

سبحان الله حكاية ختي حتی ني راجلها مسكين كان بصحتو ولا ما يمشيش ادعولو ربي يشافيه.

ربي يحفظك حبيبتي داداح والله غير راكي تونسيني الصباح كي يروحو وليداتي يقراو نخدم شغلي و نسمع حكاياتك ونستفاد من القصص ديالك ربي يحفظك ويخليك نتمنى لك كل النجاح

صحيتي طاطا على هذي الحكايا.صرات لاعز الناس عندي ومشي ابن الوحيد المؤسف عندها اولاد.ربي يفرج على اختى انشاء الله.

اواه انا خليتها تدير كيما تحب بلعكس والله كي تعيا نغطي عروستي ونقولها ارقدي طيب واش تحب تاكل واش تحب انا نوريلها كي كانت جديدة ومبعد والفت انا نحب وليدي يكون سعيد مع مرتوا

والله والله والله كانو راكي تحكي عليا انت راكي تحكي وانا راني نستحضر كل ما ذقته لكن الحمد لله ولادي كبرو خرجو ذرية صالحة بفضل ربي لي كنت نتضرع له في وسط اليل حبيت اكثر بعد ما سمعت قصتك. من ام وسيم. تيبازة

يا عمري ربي يفرج عليها وعلى كل مهموم وكاين بزاف امثالك اختي يستناو في الفرج بصح ربي كبيييير يمهل ولا يهمل وشكرا الأخت داداح على طريقة الالقاء وصلت القصة كأني شفت فيلم بالصور يعطيك الصحة ومزيد من التالق

ربي يكون في عونك شكرا على النصيحه ربي يرزق بناتنا زوج صالح وحماة متفاهمة

Ce genre de vidéo j'en suis folle j'adore j'aime t'écouter ...comme une maman.... Allah i jazik ..... J'ai jamais entendu ces conseils étant jeune alors que j'en avais besoin J'espère que beaucoup de jeunes filles t'ecouteront Ahhh yahafdek

الصبر عندو حدود والله يهدى الامهات الي تزوج ابنها ودير في عروستها الباطل لكن السؤال المطروح هل تحب لابنتها تكون في نفس الموقف ؟

شكرا يا دداح على هذه الحكايات...منها نستفيد...كثرينا منهم ومشكوووورة جدا🥰🥰🥰

انا نامن كل كلمة على خاطر عشت تقريبا نفس الحكاية لكن بالعكس خلات لي الشغل كامل على راسي وكي نحب نعيد لماما في التليفون ماتحبش ربي يفرج

ربي يبقي الستر، الدعاء و صلاة الاستخارة قبل الزواج و عدم التسرع

انا حبت طيحني وتخربلي داري بالمعاني بالضغط بالهدات الواعرين باذن الله منطيحش منخليهاش تفرح كي تشوفني فشلت فحياتي الزوجية لاني ببساطة راني ناوية ندفع باللتي هي احسن ،ماشي ساهلة لانها ذات شخصية نرجسية بصح ربي يقدرنا ويهدينا

والله يا أختي انا هدا الغيره شفتها مع أخت الزوج والحمد للله انا ساكنه تحت وحدي لدالك مقاستنيش بزاف مي سلفتي لي ساكنه معاهم عاشت لارمي لمدة اربع سنين و دوك الحمد لله رجالها جاتو خدمه بعيده داها و راح

مليح كي رجعتي للحكايات بصح ياااا مدام ها خيرينا مواضيع شوية يطلعو لمورال والله قلبنا راهو مزير و الغمة لي فينا تكفينا كرهنا من هذ الشكايات مكاااااش دار الا وفيها اامشاكل كااامل جزنا منا كرهنا من روحنا و كرهنا نمدو نصائح لي عندو مشكل الزربية و السجود راحة ما بعدها راحة و ربي يجيب الخير

سردك للقصة رائع يعطيك الصحة.الأخت هذه نقولك ربي يفرج عليك وهذا العجايز الله يعطيهم نفيه خاطر ما يتهداوش قصتك تشبه لقصة اختي طبيبة و طلقتها من وليدها خاطر كاين عجايز يعشقو في أولادهم الله يسترنا .الله المستعان

الله يعطيك القوة و الصبر ماشي سهلة ناس الزوج كي يعودو بهذا الشكل هذه امراءة غيورة و تحب ابنها ملكها فقط الموقف صعيب جدا و كوني متاكدة الأخت مهيش رايحة تحوس عليك و لا على ابنك ابدا سلمي امرك لله عز و جل كلنا في القهوة سوى

نموت على حكاياتك بصوتك الحنين 😍هدي الحكايه لازم تدي منها العبرة اللي رايحة تتزوج واللي راح تولي حماة لازم كل واحد يعرف انو حقوقو تنتهي عند بداية حقوق الآخرين و لازم كل واحد يعرف قدرو 😘ربي يفرج همك و هم كل مهموم 🤲🌹😘

اللهم ارزقني فرحة نجاح ابنائي وبناتي ورؤيتهم من اسعد خلقك وانجحهم واستر بناتي وارزقهم الستر والسعادة مع ازواج صالحين يحبونهم ويقدروهم وكل بنات المسلمين

سبحان الله عجوزتك كيما عجوزتي و لحقت وين قاتلي سرقتيلي وليدي زيد عندي زوج لواساتي يكملو عليا و راجلي وحيد تاع يماه و شيخي تاني يعس فيا شغل تزوجت معاهم و كيما قلتي ما يعياوش يحبو يتحكمو في حياتك راني ساكنة وحدي بصح بعد ما صحتي راحت غير ملكآبة و لهموم و الضغط ربي يفرج علينا بابا قبل ما يموت قالها

ايييييي شحال كاين من مثال هاذ القصه متخلاصش هاذ الحكايه كاين منه كاااااين منها ربي وكيل الحڨار ااااه ياسيده داداح ركزيلي على متقدريش تبدلي كادر ومتقدريش تبدلي تابي..... وخالي وخلي.... الله المستعان وركزيلي على يبقالي البيدون والنشاف سبحان الله حطيتي اليد عالجرح.... الدمعه متنشفش والوجه يجلد ويصفار والقلب يسيل بالقيح والدم.... ربي يجعل الخير..... اللا عوده... عوده لالا والله غيرمتستاهل كلمه عوده حڨره سي فري حڨره سوسه وعله...

سلام عليكي يا أحلى صوت واحلى قصص شكررررررررررا بزاف على هذه القعدة ياريت كل مرة ،🥰🥰🥰🥰🥰👍👍👍👍👍👍🙏🙏🙏🙏🙏

عليه افضل الصلاة والسلام على رسول الله، شكرا على قصة ربي حنن لقلوب جافيا،ربي يهديها ويولي كل طير لعشوا ويلم شمل عاجل وغير أجل يارب، بتوفيق واصلي 👍🌹🎉🌹🎉

اللهم ارزقنا الراحة و الطمأنينة.الناس عايشة حالة حالة للأسف على دنيا فانية شكرا لك كثيرا على ثقتك بنا ربي يعاونك و يكون معاك ربي يرفد عليك الشدة و يفرج عليك. قستي قلبي ربي يصبرك و يعطيك واش تتمني. يما تاني عاشت المرار مع عجوزتها الله يرحمها و اليوم نقول الحمد الله لكن طفرت في اختي الكبيرة الله يرحمها مع الهم كامل لشافت في يما الله يطول في عمرها

ربي ينوب عليك بدار و يهدي عجوزة نتاعك حكاية مليحة وعندك الحق في كل كلمة لي قلتيها

اللهم صل وسلم وبارك على سيدنا محمد وعلى اله وصحبه اجمعين اللهم ارزقنا حسن الخاتمة آمين يارب العالمين اللهم ارزقنا حسن الخاتمة آمين يارب العالمين اللهم صيبا نافعا يارب

C'est tellement bien raconté, l'Art et la manière et avec bcp de tact, merci Mme Dadah. Dans notre entourage il existe une femme et son fils unique, c'est une maman très possessive cas similaire. Ifaredj Raby Anchallah

كاين منها وكثر انا عشت ومازلت نعيش قصص مع عجوزتي عندها ولد واحد لاهية غير فيا حتى الاشياء الحميمية على عينها كبرت قبل الوقت عشرين سنة معاهم ومازلت 😨 اه ربي يفرج علينا🤲🤲🤲🤲

يا بنت الناس والله ماجوزتي واش جوزو امهاتنا .حبيتو تقسمو الراجل على زوج ، جوزتي الجوع الفقر الضرب الاهانة .واش حبيتي العجوزة تمحي شخصيتها في نهار طالبتي بالمسؤولية وخلاتهالك نهار كنت في التربية مع وليدك وماقدرتيلهاش ، لوكان قويتي شخصيتك بالله وربيتي وليدك وخرجت تخدمي ماتخربيش دارك على امر والله مايستاهل ،رانا في وقت صعيب بزاف ما تعيشيش وليدك بلا اب على امر تافه .قوي ايمانك وشخصيتك وشوفي النسا واش راهي تعاني الضرب الخمر القمار الزنا من الرجال .مدام راجلك وليد فاميليا وخدام ومربي ،عيشي حياتك وقادري عجوزتك ومتعمريش راسك بها خليها تهدر مدام مدارتلكش المشاكل الكبار .

شكرا طاطا دادح يعطيك الصحة ومولات القصة ربي يفرج عليها بالخير انشاء الله عاجلا غير آجلا وعجوزتها ربي يهديها و يحنن قلبها يارب

نفس حكايتي ربي يفرج علينا شكرا دداح

نفس حكايتي لكن انا جوزتها معى عشرة عباد حقرا عيناني كرهولي حياتي قعدولي غير الذكريات السيئة لكن دورك راني نشوف ربي ايخلص في بناتهم .

انل منيش مالفا نمد رأي شوفي ختى الإنسان كيما يدير موشي مليح كي كانت معرستها معجبهاش الحال وكي خلاتها مولات الدار معجبهاش الحال ربي يهديها مشي العجايز ديما مشي ملاح

سلام اختي دداح نموت على سرد هادوا الحكايات نتوعك كلهم عبرة يعطيك الصحة وهي ربي يفرج عليها

On adore tes histoires madame dadah c fait plaisir de vous entendre .

هاذي شخصية نرجسية باتم معنى الكلمة.الله يهديها لان خراب البيوت حسابه عند الله عظيم.وماتخافيش ربي يمهل ولا يهمل

صح انا متزوجى ابن وحيد والله حكايتي ومزالني لضورك نسوفري وربي يخذ فيهم الحق في عجوزتي و ختها انا كن نحكي حكايتي مع اعلم ولادي كبرو وبنتي نسا ومزالني نسوفري

ربي يفرج على خيتى امثال هذ لعجوزة يراهم ياسر وربي يدرلق طريق ان شاء الله والله حسية بيك حتان دمعة عينى ربي يفرج على الجميع

لمن يهمها الأمر :حطيت لك أسرار و أذكار مجربة ينفعكم الله بها في هذه الحياة🌿💕

بكيتيني طاطا تاع صح ربي يفرج عليك نتي مربية بصح علاه هكا الدنيا عاملة هي صح خاصة فلجزائر الأم تشوف وليدهاالوحيد هو كلش بصح هدي انانية باش تشوف وليدك حياتو تتدمر واعرة

كي ديري تعرفي قبل كي تجيك تهدر غاية و تعاملك مليح و تقيم بيك و تجيبلك حقك كلش شباب فلبداية و العشرة توريلك العكس تماما ما عساكي و عسانا نعمل طفرت ربي يهديهم و يهدينا و نتي ربي يفرج عليك يا رب

واش رايكم لي مع خياته ومايقيمش مرته ومش مهتم كامل بيها

ربي يهدي العجايز ويهدينا كاملين يارب

هذه ليست مشكلة مقابل المشاكل التي عاشتها الكثيرات من النساء

راني عايشا حكايتك سبحان الله و عندي شهرين ملي ولدت راني في دارنا قبلتلو ديرلي داري وحدي انا ما نوليش لهاديك الدار و دوكا مازال مابان والو و بنتو و ما يحوسش عليها و ما يجيش يشوفها