اتمنى طرح مجموعة اسألة قبل الاسئلة اين كان الاب عن حب ومسؤليات اطفاله قبل الطلاق اي انسانه سويه تتزوج تكون اسرة مو حتى تنال وسام شرف الطلاق لو الرجل عنده مخافة الله من الاساس وكلمه طيبة ماكو طلاق فليش تدعون بالدين اذا هيج اكو دين وديانه بالدنيا المرأة تحتمي بالقانون لان لا حماية لها عند الذكور اليوم واجب الفقيه يجتهد بتشريع يحصن المجتمع من التفكك حسب حداثة الزمن المعاصر وهذا من تعريف العالم في الفقهه ... ١_هل الرجل الي يتزوج رضيعه لعرض الاستمتاع والاب الي يقبل على بناته يزوجهن بعمر دون ال٩ المسمى سن البلوغ هذا كامل العقل حتى اترك مصير عائلة نساء واطفال تحت رحمته ؟ ٢- الفقية الي يشرع ويجتهد بمسأله شرعية تسمح بتزوج بنت بعمر ٩ سنوات دون الرجوع الى التماس الرشد منها كأن المرأة مجرد وسيلة للاستمتاع هل هذا اعتد بي واعتمده مشرع لدين محمد وال محمد والقران الكريم ٣- شنو الضمانات المتوفرة بالفقيه واجتهادت الفقيه طبعا مو بكثرة الاتباع الكثير من تبع فرعون وهو كافر واخذ بني اسرائيل للهلاك نزاهة الفقية شلون ندبرها ؟ ٣- على اي رواية لاهل البيت استند الشيعة بعدم السماح للزوجة بالارث علما لاتوجد رواية هو مجرد اجتهاد من الفقيه مجامله للذكور حتى لاتتزوج وتجيب دخيل على العقار وهيج افكار لانها متدافع على الارض وتحمل سلاح طيب البنت متحمل سلاح وام المتوفي متحمل سلاح طيب الله شرع لزوجة ان تتزوج وشرع لها ارث من زوجها يقول مما ترك ماحدد بالاية الكريمه نوع التركه عقار او اموال او اي تركة بالتحديد هل الله عز وجل عاجر عن التحديد لو مايكدر يمنعها من الزواج او ينطيها احد الاختيارين؟ ٤ - الاجتهاد من الفقيه سيسمح بفتح الباب اما الشيخ الفقيه الشيعي من فتح دور متعة ومسيار شرعيه بالنجف وعلنا وقانوي مثل البارات بحكم اجتهاد الفقيه الشيعي يسمح للرجل بأمتلاك ٤٤٤ عدد من الزوجات من ما ملكت ايمانكم و ٤٤٤٤ من الاماء وبعد هيج ارقام لامتناهيه ٥- شنو الضمان للمطلقة انه لاتضار بأولادها وحرمانها منهم شنو الضمان انه بناتها يعيشون بكرامه شنو الضمان لمنع الازواج من الطلاق التعسفي بدون اسباب ٦- شنو المانع من اجتهاد الفقيه المرتشي المايخاف الله البعض اكيد ولكنه عندة عمامه وصلاحية شلون تمنعه من افساد المجتمع ٧- القران الكريم يكول ولاتعضلوهن يعني لاتضيقون عليهن وتجبروهن المرأة الله خيرها انت تجي تفرض عليها تبقى بعصمتك وانت تتزوج عليها ثانيا وثالثه وبدون علمها همات تبيح للرجل وتمنعها من الطلاق من بشر رافضته هذا مخالف للقران شلون فقيه يخالف الدين وتحاربها بأطفالها والله حظرتك منزعج من نسب الطلاق المرتفعه فتحرمها من حظانت اطفالها حتى تقبل بحياة حيوانيه ٨- المرجعية شايلة ايدها منكم وبالتحديد السيد السيستاني واذا اعطاكم جواب بالتأييد معناها تأييد للسياسيين وبالتحديد للمالكي من غير هالقانون يخص مستقبل اجيال مو انت عندك شكم وحدة مطلقه مسوياتلك مشاكل تهجم بيوت العراقيين شمدريك الزوج ما متمتع بيها رسالة الدين الانسانية وين الانسانية باجتهاد الفقيه ٩- شنو الضمان للزوجات الي حاليا مستورين على اي حال من انك بهذا القانون تفتح باب لنسب طلاق أعلى حيث تسمح للزوج بالزواج دون علم الزوجة و بلا حساب وعقاب ولا رقابه وتضمن للرجل حضانة اطفالة اذا فتحت الباب للرجال على جميع مصارعها شيلزمة من الزواج والتعدد والمتعة ميخلي باب مايدكه ١٠ - مدريك ما الزوجات تقتل الازواج لان تنحرم من اطفالها وتنذل و نصير وسيلة استمتاع ومكفخة تضطر تقتله هو وامه همات مثل قصة جوليا توفانا الايطالية رجعو للتاريخ حاربوهن ارتكبن جرائم ترا ماتلزموهن الزلمة يجاوب بدون وَإِنَّ مِنْهُمْ لَفَرِيقًا يَلْوُونَ أَلْسِنَتَهُم بِالْكِتَابِ لِتَحْسَبُوهُ مِنَ الْكِتَابِ وَمَا هُوَ مِنَ الْكِتَابِ وَيَقُولُونَ هُوَ مِنْ عِندِ اللَّهِ وَمَا هُوَ مِنْ عِندِ اللَّهِ وَيَقُولُونَ عَلَى اللَّهِ الْكَذِبَ وَهُمْ يَعْلَمُونَ
