شدوا حيلكم يادكاتره وعافر علي قد ماتقدر وان شاء الله ربنا هيكرمكم جميعا وخليكوا فكرين ان انتوا قدامكوا 100% اكتر طالب هيجتهد يعني بلاصح موس مذاكره او الاول علي الجمهوريه ده مش هيكون كمل 7%من الي عليه عشان يكمل 100%ال93%الي هيكملوه ده هيبقا توفيق من ربنا ودعاء والديك ....فاعملوا الي عليكوا وان اشاء الله ربنا هيكرمكوا انا ثانويه ازهريه ٢٠٢٣❤
من دفعة 2023 السنه جميلة ولطيفة وهتمرو بتجربة جديدة السنه كل ما فيها ان الاهل والمدرسين واللي يعرفك وميعرفكش يحط عليك كل الضغط اللي عنده واهم حاجه حابه انصحكو بيها مش الدحيح اللي بيطلع اوائل جمهوريه لا دا اللي منظم وقته وبياخد بريك كل فتره دا والله اللي بيوصل للنهايه وهو فرحان ولسه فيه نفس يكمل فمتجهدوش نفسكو علي الفاضي وخلي عندك صبر ومتحرمش نفسك من اللي كنت بتعملوا قبل الثانوية لو كنت بتلعب كوره او بتلعب بابجي عادي ممكن تلعبهم في اوقات البريك والاهم من دا كلو حدد هدفك شوف انت داخل ثانويه عامه ليه عايز تكون ايه ولا عايز تطلع اوائل ولا ايه بالظبط ومتنسونيش من دعائكم (متبقي امتحانين علي انتهاء الثانويه بالنسبه لينا😊) الله يوفقكم❤
للي لسا داخل ثانويه جديد الكلام دا مهم ليك اول حاجه اتعلم ازاي تفكر في السؤال الي انت بتحلو اعرف انت استخدمت انهي معلومه عشان تحل السوال في حاجات كتير مش هتكون عارفها اه لانك لسا معندكش الخبره الكافيه متزعلش انك متعرفش سوال معين او حاجه معينه بس افرح لانك بقي معاك الفكره لو قابلتك تاني هتعرف تتصرف احسن . احسن مدرس مش الي عندو متابعين كتير احسن مدرس هو الي انت تفهم منو . المدرس ما هو الي وسيله تبسطلك الكلام الي في الكتاب الي لو انت قريتو لوحدك قبل ما تروحلو ممكن ما تفهمهوش ودي حاجه كويسه بس الاهم هو انت انت الي هتحدد اصلا هتفهم ولا لا ومش عشان ابن خالتك مثلا طلع الاول وكان بياخد مع استاذ س انت هتكون زيو كلو بيعتمد عليك . تحديدك لهدفك انك داخل ثانويه عشان عاوز طب او هندسه مثلا مش كافي انك تعملو في ناس كتير عندها نفس هدفك علي فكره انت معاك ٧٠٠ الف واحد امال ايه الي بيفرق ؟ النظام الي انت هتمشي عليه . لازم تاخد راحه انت مش آله متقعدش طول اليوم بتذاكر غلط خلي في اتزان اخر حاجه قرب من ربنا وحاول متعملش معاصي علي قد ماتقدر ربنا يفقوا وتحققوا كل الي نفسكوا فيه وادعولي بقا مجموعي يجيب حاسبات ❤❤❤❤
نصيحة ي شباب من وحده حرفيا اتفحتت السنه دى ولسا برضو مكملين لاننا مخلصناش اول واهم نصيحه ابعد نهائى عن ان حد يدخل حياتك السنه دى دى اهم نصيحه ممكن تاخد بيها ابعد عن صاحبك الى بيحبطك وابعدى عن صحبتك الرغايه المتشائمة الى هتجيبك الارض ابعدو ي جدعااان قدر المستطاع عن الجروبات والحجات الكتير دى وخصوصا لو انت اونلاين لان حرفيا الوقت هيسرقك وهتلاقى نفسك فى نص السنه وتراكم بقا وحوار وبعدين مراجعات ودى الاهم وحجات كتير كدا وهتبقى تايه لو انت فعلا مبداتهاش صح من ضمن اخطائى الى وقعت فيها ان انا عندى اصحاب كتير سوشيال ميديا وواقع وحاجات كتير ودا كان بيسرق وقتى لولا بس انى ببعد قدر المستطاع عن اى حاجه تعطلنى تانى نصيحه اياك ثم اياك تبدا جد اول اسبوع ولا شهر بعد كدا تراكم حرفيا دى اوحش حاجه ممكن تعملها ابدا براحه ومع المدرسين بتوعك وانت تلقائى هتتضغط لوحدك كل ما تدخل فى المواد اكتر تالت حاجه راجع كتير ع كل فصل وكل كام درس مع بعض عشان المنهج بيطير رابع حاجه متغيرش مدرسين كتير استقر ع حاجه وحده من اول السنه عشان الوقت ميضعش عليك وتلاقى نفسك متاخر وحاجه الله المستعان حاولت افيدكم بكام حاجه كدا طلعت بيها من السنه دى 😅اتمنى تدعولى ربنا يحقق حلمى ❤❤❤
ربنا يباركلك ❤ طب ايه رايك لو خت جزء من الدروس سنتر والباقي اون لاين يعني الاحياء والفيزيا والجيولوجيا اون لاين والانجليزي و الكميا والفرنساوي سنتر طب العربي بالنسبه ل القصه والادب وكده تنصحيني بسنتر ولا اون لاين ولو كده تفتكري يومي يكون ماشي ازاي وازاي اوفق بين الاون لاين والسنتر
@@user-ue3lf6wt5t بصى ي قمر انا والله جربت الاتنين اخدت لحد شهر ١٢ كله سنتر بس جيت من اول شهر واحد قعدت فى البيت بصى مبدايا كدا نصيحه بلاش الفيزياء اونلاين لان الفيزياء تقيله شويه مش صعبه لا بس محتاجه شغل ومحتاجه مدرس يكون معاكى حصه بحصه عشان متركنيهاش لأنها بتتنسى بسرعه . عندك اليوتيوب فى مستر محمود مجدى محمد عبد المعبود وناس كتير جميله جدا تقدرى تسمعى ليهم بجانب السنتر دا رأى وبرضو لو انت من النوع الى هيلتزم كويس خلاص خليكى اونلاين اما بالنسبه للانجلش والفرنساوى انت ممكن تاخديهم اونلاين عادى بس نصيحه والله بلاش تهملى اللغات لأن طبيعى مع ضغط الفيزياء والكيمياء والمواد دى هتلاقى نفسك بتكسلى شويه ع الفرنش والانجلش العربى عندك مستر رضا الفاروق جميل جدا وهيخليكى تلتزمى بكل حصه لأنه بيقفلها بعديها بأسبوع ولازم تكونى خلصتيها قبل ما تتقفل ودى اجمل حاجه وفى عندك مستر محمد صلاح جميل جدا وعامل شغل عالى ومذكرات و حاجه روعه بسراحه بس المشكله فى المتابعه مش اوى يعنى وبالنسبه للقصه والأدب حرفيا مفيش اجمل من جدو رضا تسمعيه فى القصه والأدب لأنه بيشرحها ع انها حكايه كدا وبتبقى مستمتعه😂❤ ولو عندك مدرس كويس وانت مرتحاله تقدرى تخديها سنتر وتسمعى يوتيوب السنه جميله جدا والله وفيها لحظات لا تُنسى خديها ع انها حلم وهدف و حاجه حلوه هتحسى بمتعه الطريق وربنا يوفقك ان شاء الله ❤❤❤
@@user-ue3lf6wt5t والجيو طبعا جيو ماجد دا اجمل حاجه ❤ الأحياء نصيحه منى لانى تعبت جامد فيها السنه دى خليكى مع حد موثوق بلاش شغل بالدكاتره المنتشر الفتره دى عشان صدقا فى حجات كتير هتلاقيها مش عندك ويكاد يكون فيها اخطاء كتير وانا شوفت دا بنفسى انا من اول السنه كنت مع الموسوعه ودا اجمل حاجه بسراحه لانو متمكن من الماده وبيشرح بطريقه حلوه والمعلومة بتثبت. وفى مستر سامح احمد جميل جدا ومعلومات وتركات وفى مدرسين تانى كتير من ناحيه ازاى توفقى يومك بين الاونلاين والسنتر اهم حاجه متركميش الحاجه تتاخد فى نفس اليوم تتذاكر علطول بالكتير تانى يوم الصبح . واعملى جدول للاونلاين واتعاملى معاه ع انه درس سنتر ميقلش اهميه عن كدا وتبقى جاهزه للحصة ومتركمهاش ❤
@@mhmdhassan7042 لان بيبقى فى أخطاء كتير وجدل ع حجات مش عندنا اصلا والامتحان مش بيجى غير من الحاجه الى انت اخدتها بس وبالتالى هتشغل نفسك بحاجات وفى الاخر هتبقى مش عندك والأحياء كبيره وفيها معلومات كتير ومحتاجه تفهم كل حاجه عندك بس بدون تشتت وأخطاء
بجد جزاك الله خير على الفديوهات المفيده ده وربنا يبارك فيك بس ممكن تعملي فديو عن كيفيه المذاكره الصحيحه بالذات في الثانويه لان بذاكر كتير ومش شايفه معدل حلو في الدرجات وبقيت محتاره بجد ومش عارفه اعمل ايه
جماعه انا ثانويه دفعه٢٠٢٣ بس اضطريت ااجل السنه للاسف بسبب ظروف حصلتلي ف صحتي وابقي معاكوا عايزه اقولكوا ايه الحاجات اللي خلتني ااجل السنه علشان متقعوش فيها ١-متركمش من نفسك بص كدا كدا هتراكم غصب عنك بسبب تعبك بسبب الضغط حصلت معاك ظروف يعني ف ظروف حوليك هتخليك كدا كدا تركم ولكن متركمش من نفسك لوسمحت هتندم ندم عمرك هتراكم النهارده درس بكره باب بعده المنهج كله ع رأي المستر بتاعي التسويف ده زحليقه يعني دي اهم نصيحه ٢- ملكش دعوه بصحبك انت مش صغير امشي بالطريقه اللي ترتاح عليها عذرا ف ده ولكن متتبعش القطيع هو بيصحي ٥ الفجر وانت بتذاكر كويس بالليل خلاااص شوف وقتك وذاكر فيه ملكش دعوه بحد ٣- متشتريش خمسين كتاب هو كتاب واحد وشكرا متشتتش نفسك لان الاسئله هي هي مش هيخترعوا وراعي اهلك ٤- اياك ايااااك كل خمس دقايق تفتح ڤيديو تحفيز اللي هو بدأت قبل الامتحان بيوم وطلعت زويلل انا وانت غير بعض كلنا مختلفين امشي اول بأول ومتقولش ده لسه بدري الايام بتعدي هواا مفيش اسرع منها ٥- نقصت ف امتحانات الدروس ميت درجه متزعلش وحلمي ضاع ودراما شوف غلط ف ايه وعلم عليه وافهم الفكره والمره اللي جايه متغلطش فيه ٦-متحبس نفسك علشان ثانويه عامه الخروج والفسح هتفرق ف نفسيتك اخرج براحتك ولكن بعد ماتكون راضي عن نفسك ٧- متسمعش ڤيديوهات ازاي اعلمك طريقه مذاكره عنب لا حبيبي المذاكره مذاكره ومتخافش ثانويه عامه والضجه اللي عليها عاديه يابني والله بس محتاجه رجاله قد المسئوليه اللي هو هخلص المحاضره النهارده يبقي تخلصها النهارده ومتزعلش من دراجات الدروس مش مقياس اديني بأكد واخر السنه هتعرف ٨- متدخلوش حامين وعايزين تخلصوا المنهج ف يوم امشي مع مدرسك بس تكون واثق فيه وبس امشي معقول ٩- خدوا اجازتكوا وبراحه ارتاحوا متقلقوش العبوا ناموا بلاش تشغلوا بالكوا بيها من دلوقت وانا متاكده بعد سنه من دلوقت هتقولوا وتنصحوا الدفعات اللي جايه نفس الكلااام بالله بلااااش كل شويه ڤيديو تحفيز بلاااش حفز نفسك بحلمك واهلك انت مش صغير ربنا معانا ويعيناا ف حاجه واهم حاجه عارفه سمعتها كتير ولكن السنه دي هتعرف ازاي قربك من ربنا قادر يخليك تهد جبل قربوا من ربنا ياجماعه ملناش غيره 🤍
@@amlaml9878 بصي حبيبتي يعملوا اللي يريحهم مش هقدر اقولك كتير ولا لا كل واحد فينا يختلف عن التاني شوفي طاقتك واعمليها وهما يجربوا ولكن قوليلهم متدخلوش حامين كده غلط وهتملوا بسرعه الاسبوع فيه سبع ايام قسموا المواد عليهم
@@amlaml9878 انا دفعة ٢٠٢٣ وبقولك ما لكيش دعوة بصحابك نهائي شوفي انتي هترتاحي لي الصحاب بتضيع والله العظيم اسمعي مني اوعي تسمعي كلام صحابك في اي حاجة بالله عليكي سواء كان مين مدرس حلو وحش شوفي انتي متخديش كلام من حد نهائي اسمعي مني بالله عليكي +٣لغات اي اللي في يوم واحد دا عبط وهما مش متخلين مدي التعب اللي هيكون دا اليوم كان بيقضي بالعافية درسين وممكن كمان متركزيش في التانيدروس ثانوية عامه مش ساعه ولا اتنين زي اولي وتانية لاءفي امتحانات علي الحصص وحاجات كتير وهما تظبطي مواعيدك هتفضلي ترتبيهامن الاول تاني متخافيش خالص من النقطة دي هتفضلي تغيرى في مواعيد عادي لحد ما تثبتي علي ايام معينه
جماعة الدفعة الجايه متقلقش زيادة عن اللزوم أنا من كتر ما كنت بشوف الناس ال في ثانوية عامة وهي بتتكلم و أي حد بكلمه يقولي استني دا أنت هتدلعي, هيداس على وشك والكلام دا😂😂😂💔 دخلت وأنا مضايقه جدا وكنت فعلا خايفه من جوايا وأنا بشتري الكراسات والأقلام مع أنها حاجة ممتعة الواحد يشتري بس أنا كنت حاسه إني كنت بجيب كفني من كتر ما أنا مكشره وزعلانة 😂😂 بس يا جماعة بفضل الله السنة خلصت اهي وعدت بسرعة جدا جدا يعني وفي نفس الوقت حاسين إن بقالنا كتير ولقيت إنها مش بشعه زي ما كنت متخيلة والحمد لله والفضل لله مكتأبتش ولا حاجة هما يومين في السنة بس كانت حاجة غريبة كدا بس تمام عادي وطبعا هي اصعب من ال قبلها ولكن مش صعبة مستحيلة عادي يعني وعلى فكرة وخليكم فاكرين هتعرفوا في الآخر إن حرفيا هتلموا كميات كبيرة اللهم بارك في وقت صغير جدا وبالذات ليالي الامتحان " بالنسبة لي وبشهادة ناس كتير" والله محدش يقلق خالص يا اخواتي بإذن الله تبقي سنة ممتعة وخدها كتحدي كدا ♥️ "قل لن يصيبنا إلا ما كتب الله لنا" يعني إيه ؟؟ يعني التوتر والخوف ملهمش لازمه إلا التوتر الطبيعي ال بيدفعك للأمام !! وإيه تاني؟ نتيجتك مكتوبة قبل ما تتولد زي كل حاجة حرفيا كل ضحكه وكل كلمة مكتوبة عند ربنا عز وجل هتحصل امتي وازاي وهكذا وبعدين يا حبايبي لو أهلكم هما ال هتديكم درجات على تعبكم طول السنة أو هي ال هتختارلك الكليات والنتيجة هيكونوا رحماء بيك قد إيه ؟؟ تخيل بقا ربنا عز وجل أرحم بيك من أمك وأبوك تخاف ليه؟؟ كله خير يا جماعة ربنا يوفقكم ويجبر قلوبكم جميعًا ، أنا قعدت أكتب كل دا عشان بجد كان نفسي حد يقولي كدا بدل ما أي حد بيحبطني 😂♥️♥️ أخيرًا بإذن الله عز وجل أنا معاكم للآخر وأي حد محتاج أي حاجة أي مساعدة في أي حاجة يكلمني يبعتلي على طول وعلى قد ما اقدر وفي وقتي الفاضي هرد على كل حد منكم♥️ يلا بقا استمتعوا بال كم يوم دول روحوا ملاهي ، البحر ، اتجمعوا مع صحابكم أي حاجة بقا♥️