انتى جهازك كله شيك ما شاء الله ...انا من القاهرة ممكن تقوليلى على اماكن اشترى منها مفروشات مصرى نضيفه زى الفوط اللحاف الفيبر البطانيه المفارش لانى مش هقدر اروح المحله
في مول المحلة في القاهرة اعتقد في حدائق القبة فيه جهاز العروسة كله وفيه المفروشات كمان عندنا فرع ليه بردو في المحله فاعتقد مفروشاته هتكون حلوه وكمان هتلاقي تنوع واذواق كتيييير
اى دة ٣٠ فوطة لية هو انتوا بتستخدموا ٣٠ فوطة فى البيت عندكم يا حبيبتى انتى و جوزك بس هما ١٢ فوطة حلويين اوى و كمان هتطلعى مثلا ٥ فوط تغيرى فيهم و بس يعنى كمان مش هتستعملى ال ١٢ كلهم كفاية منظرة على الفاضي
الوانهم حلوه اوي ياسوو وانا اتفرجت ع الفيديو دا قبل كده قبل مااعرفك بس زي ماقولتلك ف فيديو انا مش كنت بعمل لايك ولاكومنت.. عجبني اوي فكرتك عن المنتج المصري ع عكس بعض الناس بتفضل التركي وكده وتسيء للمصري
بصي انا حطيت لوكس الابيض اللي بالياسمين و شنط تانيه حطيت "فا" البينك واللبني روايح التلاته دول تحفة والصراحة ماشوفتش اي بقع في اي حاجه ولو قلقانه بردو حطيهم في منديل مثلا
ههههههههه احنا عندنا في مصر البنت بتساعد الرجل في كل حاجه في الجهاز يعني تقريبا بيجهزوا الشقه بالنص البنت بتجيب المطبخ والاجهزة والمفروشات وطبعا محتويات المطبخ كله والسجاد وممكن الستائر كمان والرجل بيجيب الموبيليا والنجف والشقة طبعا
عاوزه اقولك ان ناس كتير بتقولي دا قليل وحد في الكومنتات بيقول بيجيبوا ١٥٠ فوطة فانا بالنسبالهم قليل جدا انا كل اللي جبته اقل من ٣٠ بس انا مش بجيب بالعدد انا بجيب المعقول علي اد استخدامي والحاجه الحلوة اللي تعجبني
حبيبتي ولا يهمك الكومنتات مفتوحة عشان كل الناس تقول رأيها واللي عنده اي استفسار يقوله ونقدر نساعد بعض.. وانا تحت امرك في اي حاجه طبعا بس نصيحة بلاش تربطي نفسك باعداد هاتي حاجات حلوة باعداد وسط احسن ما تجيبي كتير وخامته مش حلوه ويارب دايما تستفادي مني فعلي الجرس ع تتابعيني اول باول.. الفيديوهات الجايه احلي وهتعجبك جدا إن شاء الله
