سبحان الله أنا المعجبين جدا بعقد الجلاد واكاد أي اغنية ليهم حافظها . وبحبهم جدا لكن سبحان اول ما فتحت ولقيت صورة عسكري وبغض النظر هو منو والله ما كملت الغنية ولا المقطع . معقولة بس تغيير شديد
لقينا عوجنا قايم بينا ما عرفناهو ما قلنالو كيف حالك .. نسينا مجامر التجريب على برد المحن والعادة كان تهمد قسينا الظاهر الباطن ويوم حنينا كان الزحمة شالت من قلبنا الرحمة ما قالتلو كيف حالك .. دحين كيف الدبارة وكت تمش في الزيفة وحيدك دحين كيف الدبارة وانت ماك فارز طلوع الروح وغميدك دحين كيف الدبارة وجرحك الدافن دشر جواك لا مسك بطيب تاني .. لا مسك بطيب تاني إلا تلاقي حد السيف على لب الجرح نازف بعد جواني يصبح تاني براني .. *** مشيت يات من طريق غشيت يات من مدينة لقيتها زي طمل الخريف طينها مشمر جيتها لي وجع المخاض البر متل موية الرهاب والوحل غطاني مشيت يات من طريق الناس مزغلله في الفراغ وهموم مجدعة في التراب وإيدين تخاتف .. شن تخاتف ماني عارف ..إلا جيتا وجيتا لي وجع المخاض ...البر متل موية الرهاب وقفت أعاين في الخليقة لقيت بتاوق جوه روحي ضهبت في موج السراب عريان وسط موج العرايا سألت الجمبي : قتلو لحم وشيشك وين ؟؟ ضحك بين دمو عاين للورايا ...! شفت عضامي في دمعوا المرايا ..!! مشيت قدامو شفت عضامو في دمعي المرايا !!!!! وشلت خطايا لي بلداً قبيل ظنيتها فوق ..فوق للثرايا لقيت كل الخلوق قامو .. فِرح فرحاً .. فِرح فرحاً فِرح فرح اللقا الرايحة قعد وحيدي في نص السهل دامع بكيت بالحيل ..قدر ما الله أداني ... وقلت يا اخواني : إن الطيبة غطتني دحين كيفن تكون الخجلة سالباني ولا مسك بطيب تاني .. لا مسك بطيب تاني إلا تلاقي حد السيف على لب الجرح نازف بعد جواني يصبح تاني براني ..
