يالله ياللي طالبك مسرآي بحثت خافيي وجبت أقصاي دفع البلاء عزالله إني ضايق مزاجي الليلة ماهوب فالهاي ولايزيد الضيق عندي ضيقه إلا عتب من هاجسه دوّآي خبره بأبو حمدان يوم الطربه سلّوم ياباشا وواحد شاي ي أهل القصيد اللي طرايق حبكه أهون عليكم من شروب الماي أمانةً ينشدكم الله عنها ان كان فيكم من يعرف حكاي أما يغني من هجوسه معنى ولّا يسريها على معناي الرأي ياللي تطلبون الأرياء واجب على الكتاب والقرّآي إلا فبر الوالدين فهذا اللي يدور رأي ضايع رأي عن الأمومه والحنان الطاغي سولف معي يامن تحب إصغاي طفولتي كنها كثير أحلامي تأتيني فصبحي وفي ممساي ماعشتها مثل الذي عاشوها لو أُمهاتي أكثر من آباي مات آدمي وأنا في عقدي الأول يوم الذهول من أقرب أخويّآي في الذاكره حفنة ملامح منه عذرك معك يآبن آدم النسآي لاكن معا حواء وما أدراكم عن الحنان اللي معا حوّآي اللي مشاعرها بظلم الماضي تدفع خطية آدم الخطّآي ودعتها فأول نضوج البذرة وخليتها تحيا على ذكرآي الله يسامح عالمن ودوني وأولهم اللي وامر بودّآي ثم جيتها من بعد طول الغربة أمشي ولاني عجل في ممشاي متحير وتايه وعندي شكه آدف هقواتي وأجر خطآي أقول في روحي ماني بعارفها وأخافها لاجيت كنها إيّآي وأقبلت والطرحه وزان الطرحه والشوق له هادم وله بنّآي بين النساء قمت آتنشد عنها متحير منهم وأعض شفآي كل النساء أمي لون زيل أمي ماغاب عن ذاكرتي فمربآي طفلٍ وأدور للحنان أمي وأمي هدفها في الزمن لا ماي هذيك أمي لا هذيك تسولف ما لاحظت تكشيرت محيّآي يمكن هذيك أم الجبين القاطب اللي ماشيّن عينها النجلآي ولا هذيك اللي وراها وحده ولا هذي ولا هذي عزّآي ولا خذيت إلا وقلبي ينبض نبضن أكاد آترجمه بشفآي تحضنتني لين كدت آغني تلك هي الأشواق يا ليلآي أسقيني من الود يا لهفتها وأنعم وأكرم أيها السّقآي في حُضنها كأن سكينة ربي تحثني من رأسي لما طاي بآموت ماسجيت ذيك الضمه ولو كثر شيبي وقل إحلاي مرن تقبلني ومر تناظر إتدور فوجهي على فحوآي يايمه الورع الصغير التايه الغاوي المتمرد الحكّآي كبرت طموحاته عقب ماكبرت إعزومه ولله بخلقه آآي في رأسه من العز ومن الصمله ما ليس في رأسك يبو عدّآي فكم كتب عنه يا راعي الكاتب وكم روأ عنه مية روّآي قولة نعم ما هيب غصب عني أوقس عليها بالتوازي لاي وهلآيتي بأصحابي أهل الوقفة من فضلها ماني بأحرم إعدآي إليا حذفهم في طريقي لازم رغم اختلاف الود في هلآآي لاصلو طوال الدقون آصلي وإن غنو أزعجهم بكثر غنآي آجامل العالم على مبداهم لاكن ما آساومهم على مبدآي خليت نفسي في المقام السامي اللي يناسب فكري ودعوآي من شاف ضحكي وانبلاجت وجهي يقول من وقته ماهو بشكّآي مايدري إنها صلفقتني بقعاء من مبتدأ الورده لطي إرشآي عندي خبر في كل دارً بلوى لاكن أنا منشود عن بلوآي يالله يا جلآي الكدر عن خاطر من تاب لك رحماك يا جلآآي يأيها الركب المقفي بأمي بالهون لا تستعجل القفّآي مازال لأمي في الحنايا لهفه تنشاف للدكتور ب إل إم رآي عيني لها عين الرضي الخانع وشدقي عليها ماهو بلوّآي يكثر هديري في وجيه العالم وإن شفتها تبكي ياكثر إرغآي قالو لي إبك وقلت ماني بباكي عييت لاكن مانفع عيّآآي طاحت من عيوني عليها دمعه فالثانيه فالثالثه فلاآي يأهل البكاء قمت استلذ البكيه وأنا من أول ماني ببكّآي أقول للحزن الرقيّقْ قلط وأصيح في التنهيت روّح جآي لو إني أشعر في قرارت نفسي الحزن ما يركب على شروآي يأيها التاعب على مرضاها رجواك والله كنها رجوآي ما أقول كم حملت بك وكم ربّت وكم وكم خلك فقط ويّآآي لا تأخذ أمك من غسيل ثيابك ما يأخذه من جيبك الكوّآي أهلاً وسهلاً بالكلام المقنع ونقول للهرج العوج بيبآي لا قلت يايمه رضاش الغاية حتى لو الجنة ماهي بمثوآي قالت بصوتن تكتسيه البحه سبّح بذكر الآمر النّهآي لوحيل مابين البحر والساحل ماحيل ما بينك وبين رضآي يايمه الدنيا على ما فيها تسوا مواطيّش على البيدآي لو لاش دمعي مايخضر خدي قولي لهم ما خضّره لولاي هو هيضش شوف الربيع الباذخ فالروضه اللي عشبها غوّآي لو ما نجيله ذا الزمن يا يمه لش وجهي إنجيه الزمان الجآي بأمر الذي فوق التراب الطاهر ماغير أنا والبسمله ودعآي دنقت له رأسي وذاثر خشمي وجبهتي والطاهر من أعضآي إن الله أحياني لأوسع صدرش في الديره اللي ذيبها عوّآي وإن كان ابن جلبان ماله نيه ترتع بها ذوده فأنا النوّآي آبا أشتري لش ذود وأشري وايت وأنا هو الراعي وأنا الروّآي استانسي معها فإذا هونتي عرضتها فالسوق للشرّآي لو ما تجيب إلا ربع قيمتها وناستش هي غايتي ومنآي ماهو بكُرهً في البداوه لاكن للبدو مغزاهم ولي مغزآي شاعر وذودي كل طرق كايد ومحمية البيت القوي مرعآي احيّه ياكبدي ولا لش لايم ودش تقولين آي قولي آي لا يا وجع بسك ترى صوت أمي كنه على قبري يعزف النّآي يا مرحبا بالصوت يا راعيّه ولبيه لو ما يكفي اللبّآي لا شفتها متضايق خاطرها ما فاد في دآءي قوي دوآي أقلب على وضعيت المتنرفز رغم ً على وضعيت الهدّآي وإن شفتها مستانس خاطرها عطيت لظروف الزمن علّبآي يفوّل إرسال الوناسه عندي تقول شابكها على الواي فاي سويت فنجالٍ يقند رأسي وحذفت بالغتره على مرّكآي ما عاد أغبط أهل الرصيد الواجد لو ما معي خمسين في مخّبآي يمكن ستر ربي وكثر أرزاقي ما هوب مما قدمت يمّنآي من رفعت إيديها ولح دعاها وأخصها لي في دجى الظّلمآي أنا أبخس بروحي وغبرا داري وسريرتي يدري بها مولآي كتبتها لكم شباب والمعذره لا حصل قصور ولا خلل أبدعت يالمارد الشعري
اللي فاقد امه ونزلت دمعته لايك قالوا لي ابك قلت ماني ببكاي عييت لكن مانفع عياي طاحت من عيوني عليها دمعه في الثانيه في الثالثه فلاي ياهل البكى قمت استلذ البكيه وانا من اول ماني ببكاي
قدمت اعظم واثمن واغلى واسمى هدية يقدمها كل انسان لامه وهو يرفع رأسة عظمة للهدية وفخامتها وانسانيتها بختم ملك الشعر اليامي العربي القح الاصيل ... معلقة وملحمة أدبية من الطراز الشعري النادر الفريد لم ياتي بافكاره البكار اي شاعر من اول ما بدع القصيد الى اليوم ٢٠٢٤ ...❤❤ شاعر العصر بلا منازع ...على قولة بن الذيب في مركزة الادبي في الساحات كلها الصف الاول ما هو بصفي ولا الصف الاخير انا انا من حيث ما اجلس هنا يبدا الرقم تحياتي لك يالمذكري اليامي الاصيل النبيل الحر ... اذا كان بن ربيعه كليب اعز العرب في عصره !! محمد بن الذيب اعز العرب والعجم ذا الوقت ❤❤
هذا الشاعر لو كان يكتب بالفصيح لاصبح اشعر من المتنبي ... ثلاث قصائد تكتب بماء الذهب في تاريخ الشعر العربي ...مرثية أبو الطيب في جدته ومرثية أحمد شوقي في أمه وقصيدة محمد بن الذيب في أمه شفاها الله وأطال في عمرها ....هذا الشاعر أحيانا مجنون أحيانا خاضع أحيانا متمرد أحيانا مؤمن وأحيانا شكاك ومتسائل ...لا تنتقدوه واتركوه يبدع لأن جنونه ابداع .
الشاعر ذا مختلف عن غيره.....قصايده ماتنمل القصار والطوال ان قال بيت اطربك وان قال معلقه مالقيت فيها بيت واحد حشو انا صراحه اشوفه رقم واحد في الساحه ذا الوقت اتمنى لك التوفيق يا ابو حمدان..
هذه القصيده أشبه ب حانة خمر !! لإن كللل ما فيها يذهب العقل .. والله وبالله وتالله إني وقعت مدمن و أسير ل هذه الباذخه !! ي ريجيل لله درّ محمد ابن الذيب وبسسسس
لا اله الا الله حق سبحان الله الذي مكنك أبو حمدان يجيبها سرد مترادف بدون تكلف ، و تجي معه على أحسن بلاغة و احسن وصف ، إن من البيان لسحر. محمد بن مانع آل هتيله
هذه القصيدة الكبيرة جدا لم ولن يستطيعوا هؤلاء المستشعرين الذين يهجونك بين الحين والاخر لن يكتبوا مثلها ابدا انت كما عهدناك ذيب وشاعر من الطراز الاول عربيا لك وافر الود والحب والتقدير والاحترام من العراق
في رأسه من العزه ومن الصمله ما ليس في راسك يابو عداي عز الله ما يعرف الرجال الا الرجال وانت شاعر شهم ولك من أنفة عمر ابن كلثوم وشجاعة عنترة و بلاغة امر القيس تحية حب وعرفان بأنك ان لم تكن بآخر الشعار الرجال فالذين حولك قلة قليلة تحية من موريتانيا
الله الله عليك يا كنج الشعراء إبداع ما بعده إبداع جعلك الله نعم الابن البار وجزاك خير الجزاء وأسأل المولى الكريم أن يتم شفاها ويلبسها ثوب العافية ويطول في عمرها الغالي
و ان هيّضش شوف الربيع الباذخ في الروضه اللي عشبها غوّاي لو مانجيه ذا الزمن يا يمه لش وجهي نجيه الزمان الجاي .. 👏👏 6:01 🤘 سرد عجيب لا يتقنه الا جزل صح لسانك ياابن الذيب دعواتنا لك ولوالدتك بالصحه والعافيه والشفاء العاجل ▫️ 7:42 ^ واحد لوح قال ( خمسين ريال ) 😂
ما شاء الله تبارك الله كم انت مبدع وسلس قصيده اقرب مايقال عنها معلقه تسلسل وغزاره ولا أروع ... ماهو بكره فالبداوه لكن... للبدو مغزاهم ولي مغزاي.. شاعر وذودي كل طرق كايد.. ومحمية البيت القوي مرعاي... آحيه ياكبدي ولا لش لايم... ودش تقولين آي قولي آآي... لا ياوجع بسك ترى صوت امي.. كنه على قبري يعزف النآي... شافاها الله وحفظكما لبعضكما انا ابخس بروحي وغبرا داري.. وسريرتي يدري بها مولاي...
من بعد هذي القصيدة لا تعلمون كم واحد ارضى امه وكم واحد حن قلبة لامه وكم واحد كان عاق في امه وتاب وكم واحد يسمع في امه من زوجته وبعد هذي القصيدة عرف معنى الام وكم وكم وكم والبيوت اسرار هذا الشعر اللي يوصل الرسالة للقلب ماهو حكي مصفصف حرام تنحبس حرية هذي الكلمات وغيرها من الابداعات في المستقبل وجزاك الله الف خير والله العظيم يمكن فوق ١٥ مره اعيدها الله اكبر هل تاخذ امك من غسيل ثيابك ما ياخذه من جيبك الكواي ؟ يا سهولة البيت وياقو معناه بس لو اجتمعوا شعراء وقتنا الحالي ما جابوه مثل بساطة هذا البيت اللي بيفهمونه ( المراهقين ) والصغار والكبار
البيان والجمال وفنون الأدب كلها تسجد في محراب هذه القصيدة .. هذه القصيدة والا بلاش .. الله الله من إبداع وحبك وتسلسل للموضوع عجيب & صراحة سهل ممتنع & خلوا الشعار يستريحون رجاءً & وش أخذت ووش بقيت يا ابن الذيب & 🌹🌹
يا طيب راسسك و طيب قصيددتك. و الله يخليك لامك و يخليك لها قصيدة جزله و احساسه فيها و هو يلقيها يخليك تعيدها ما تملها. تعجز و انت تقووول صح لسسانك و لو اني عندك حبيت راسك. بيض الله وجهك و الله يخلي لنا والدينا و اياكم و من يقرأ.
ابشركم بيقع صلح ومحبة بين السعودية وقطر اكثر من اول مادام الذيب عوى صح لسانك يابوراشد قصيدة ملغمة والله اني بكيت لومانجيه ف ذا الزمن يايمة لش وجهي نجيه الزمان الجاي
سمعتها اليوم وفجاة نزلت للتعليقات ووجدت اني علقت عليها قبل سنتين بتعليق مختصر من نوادر هذا العصر ولكن اقول في تعليقي هذا صح لسانك يامحمد ابن الذيب واقول سامحك ربي قفلت علينا يامعشر الشعراء وخصوصًا في القصيدة هذي من باقي بيكتب قصيدة اقوى من هذه القصيدة كل مفردة وكل بيت مثل الزلزال يزلزل المشاعر من اقصاها الى أقصاها أسال الله ان يرضى على والدينا قولوا امين
صح لسانك صح لسانك صح لسانك الى ماله مدى لافض فوك من غير قصور في قصيدك كله ذالقصيده لحاااااااااااالها وباقي قصيدك لحال ياخي والله انك صبحتنا صباح الشريفات بذا القصيده أسأل الله العظيم رب العرش العظيم ان يشفي والدتك أسأل الله العظيم رب العرش العظيم ان يشفي والدتك أسأل الله العظيم رب العرش العظيم ان يشفي والدتك وأن يمتعها بالصحة والعافيه وان يطول عمرها على طاعته وان يحسن خاتمتها وان يرزقكم برها والله يطول عماركم على طاعته
صح لسانك يابو حمدان، اختلف مع من يرى ان القصيدة مرمزة، هي قصيدة في أمه شفاها الله ورزقه برها. القصيدة اطول من ذلك لكن ابو ريال فعص الجو الشاعري وخلاه ينهيها قبل نهايتها
القصيدة في الام فقط ، وكل من بغى يسوي انه شاعر قال انه القصيدة ملغمه لا يفهمها الا شاعر، يا حبيبي ابن الذيب -لو كان يرمز في بيت او غيره- فمجمل النص يقصد في امه ريحنا ي كونان القوافي
عند ابن الذيب اوقف واضرب له تحيه يستاهل ابوحمدان لاتلوموني ابن الذيب مصيطر على كل اتجاهاتي الزبده ابن الذيب ملك الساحه الشعريه ومتميز ب اجمل المعاني وتركيب المفردات في الابيات وتنوع المواضيع بنفس القصيده لله درك ياابن الذيب هو يقصد شي وهم يفسرونه ويقصدونه شي ثاني قسم تعبهم باخر قصيده يابعض حكام الخليج 😂😂 ردو وزاد نباحهم ورد عليهم بقصيده عفويه واضحه 😂😂 بكل هدوء الذيب يصيد فريسته 😂😂
ابو حمدان. تحيه ود واحترام لك كأنسان وكأ شاعر سلبت مخي بقصيدتك هاااذي انت اسطوره على عناد اسامه ولد عمي انا مزاجي معاك وفكري معاهم تحيه ابو حمدان اتمنى ان نلتقي وشكرا لك على هالحروووووووف المركبه من ذهب تحياتي يو. سف
ربما تكون هذه المرة العشرين او اكثر وانا اسمع هذه القصيدة وكاني اسمعها للمرة الاولى ابن الذيب الشاعر الاول في العالم من نوعه كشاعر لعدم معرفتي به غير ذلك
هذا الشعر لمن يفهم في الشعر ويتذوقه ويكتبه أقوى من شاعرية المتنبي عنده صور وأخيله وذكاء غير طبيعي...بس لو كان شعره فصيح لكان أقوى شاعر في التاريخ... صراحة هذا يجمع الشعراء كلهم ويحطهم في راس معسل ويشيشهم وينفخهم في الهواء...
رديت عليه وهو خصم وعدو دون داري وانا صاحب حق وهو مهو صاحب حق واعلم بسريرة نفسي انه افضل الشعراء لم يأتي قبله ولابعده شاعر بوزنه وخذوا العلم من شاعر يقيّم الشعراء ،، ابن الذيب شاعر كبير ورجل بكل معنى الكلمه فزع للمحتاجين من عيال عمه وقدمهم عند الشيوخ وخذوا نصيبهم وجميع الشعراء الي اعرفهم يمدحونه من حيث المرجلة والانسانيه لذا انصافي من باب انسانيه وارجوا انها تكون مرجلة