يعطيك الصحة حبيبتي حنا نسموها كسرة صام و انا نخدمها بالحليب و بارخص سميد تع لوزين و تخرج حمراء تهبببل بفضل رشة خميرة الخبز و طرية بفضل الحليب و نصيحة تفيدكم في رمضان بخصوص طاجين الجبن 🧀 انا مالفا نديرو بالارز و المعدنوس و توابل الشوارما لداخل باش يجي بنين و يكفي كامل العاءلة مرات نرافقو بالحمص و مرات بالزيتون و الفطر و الجلبانة وصلصة الجبن تجي روووعة 👍🏻🌹و بخصوص البريوش انا مالفا نديرو بالفرينة الكاملة و البيضاء مرات نحشيها بالشكولاطة او المعجون او السكر البني بالقرفة...و مرات نعجنو بالجزر و الكابويا و نديرلو الزبيب يخرج يهبل 😘 و لكل عشاق الارز ان شاء الله تستفادو انا نشري كيس تع 25كلغ من عند ليقروسيست الحمد لله صرت فنانة فيه انوع فيه في كلللش 😁 و صرت حافظة كيلة الماء و هو لازم يتغسل 3من النشاء و يتشمخ نصف ساعة و كل كيلة ارز لازملها 2كيلات ماء و باش يجي مزربع لازم البصل يتقطع مايترحاش باش ما يطلقش المادة السكرية ديالو و لازم ليدام كي يطيب الارز مع دجاج مشحم او لحم غنمي بنتو و قوامو يكون احسن من كي يطيب مع الاسماك كل حبة تكون مزربعة و شاربة التوابل و قوامها متناسق و البطاطا نقليها في طنجرة بالغطاء ندير 1/3القدرة زيت و 2/3بطاطا معناها البطاطا تكون اكثر من الزيت و نغطيها كي تغلي الزيت رايحة تغطي البطاطا و نطيب كمية كبيرة في وقت قصير و ماتتوسخش الكوزينة و نقتصد في الزيت و البطاطا ماتشربش الزيت ... و مرحبااا بيكم خياتي عندي راني دايرة تحضيرات رمضان ماتراطوش العسل 🍯 القطايف قلب اللوز يهبببل مطلوع ناجح ديول السميد مشتريات بالاسعار...و نصيحة خياتي تحتاجوها في رمضان 🌹 اللي حبت تتحصل على مرقة بنينة يالوكان بكمية قليييلة تع لحم لازم تسبق تقلي اللحم و الدجاج هو الاول للاسف اغلب الاخوات يقلو البصل ثم اللحم و هذا يخلي اللحم يتغلى و ليس يتقلى و يتعسل و بنة المرقة البيضاء لازم تكون عاقدة .و ملعقة سكر تعطي ذوق مميز و اذا حبيتو تثقلو المرقة و ماعندكمش كريمة ذوبو شوية فرماج في مرقة سخونة او شوية فرينة في مرقة باردة .و اعقدوها بحبة بيض و معدنوس و عصرة قارص و ماتنساوش حبة فلفل حار خضرة تعطي بنة هبال .و نصيحة البنات البودرة تع الثوم اخدموها بزهرات الثوم اللي يجو من الفوق في الرزمة و الله خرجتلي كمية روووعة بالرزم تع العام ليفات و البسباس خبو الاصابع ديالو حطوهم في الحساء يطلقو البنة و الشبت ديالو ديروه في الاسماك المعقودة الغراتان المايونيز.....راهو كنز و اخدمو السمن تع الدار بالسفاق تع الخروف او السبك بشحمة الكلوة دوزنوها بالطبع و الشان و خلطو معاها سيقان المعدنوس و الشبت يبنن كااامل المراقي البيضاء....او سيقان القصبر و الثوم للمرقة الحمراء. و نصيحة خياتي بخصوص المطلوع كي تكسرو العجين 3مرات او 4 بدون تعب تعادل عملية الدلك و تتحصلو على خبز كي القطن .من بين محسنات الخبز هي الحليب اللبن الياغورت الجبن...الحليب البودرة.الرايب...كلها عبارة عن مواد دسمة و خماءر طبيعية...مغرف خل او ليمون تخلي الخميرة تتفاعل خير ...الماء الغازي تاني....ماء اللي غلات فيه البطاطا غني بالنشاء يعتبر محسن ....الزيت اللي قلينا فيه البطاطا يكون غني بالنشاء و اللي قلينا فيه المقروط غني بالسمن و اللي قلينا فيه ليبينيي غني بالخميرة...كلهم نقدرو نعجنو بيهم الخبز ...الخميرة البايتة و العجينة المخمرة 12ساعة في الثلاجة تعطيكم نتيجة روووعة ...زيت الزيتون يعطي قرمشة للمخبوزات...الزيتون الاخضر او الاسود اذا محبيتوش تاكلوه ارحوه مع اوراق المعدنوس و الشبت و اعجنو بيه يعوض الزيت....و الخبز الفارغ يحب الفورنو اللي يشعل من الفوق و من تحت في نفس الوقت يعطي نتيجة روووعة...و الزرارع انا ندير السانوج الجلجلان حبة الحلاوة زريعة البسباس زريعة الكتان الزقوقو...بذور دوار الشمس... ماتنساونيش خياتي بالدعاء و مرحبااا بيكم خياتي عندي راني دايرة عدة وصفات موسمية اقتصادية و صحية بزاااف و تحضيرات رمضان روووعة ماتراطوش🌹😘
@@selimcetiner لالا اختي نغلي 2حبة جزر و قطعة كابويا ثم نرحيهم بالماء ديالهم و شوية حليب و نلم العجينة بهذا الخليط و دايمن نضيف قشور البرتقال 🍊 يتماشى معاهم و مع الزبيب و تقدري تحشي البريوش بمربى الكابويا 🎃🥕🍊 الحزر و البرتقال انا نخدمو قيس العولة يجي روووووعة 😍
Franchement bravo justement 3endi smid diga yet3alek je vais essayer had la recette nchallah yesdaqli personnellement j'adore l kasra aghroum w hadi li dertiha bin elmatlou3 w elkasra li ne3arfouha
Merci beaucoup Oum Aymen. Depuis que je vous suis, toutes mes recettes sont réussies grâce à vous Mme. J'adore votre voix et votre sagesse. Allah ibarek
ماشاء الله عليك يعطيك صحة والله جربتها خرجتلى تهبل وجربت كمل وصفات نتع كسير عمرها ما جتني كما هذي زوجي مع ابني قلولى تعود تعملها في رمضان عجبتهم بزايف شكران حبيبتي
بارك اله فيك و جزاك الله خيرا....كل ما نطيب الكسرة نديرها بطريقتك..تجي كالقاطو....بنينة..لكن ما درتهاش بالسمن..احيانا نديرها بالمارغرين..واحيانا بالزيت.. تجي هايلة..يعطيك الصحة ويجعلها في ميزان حسناتك
اللهم صل على سيدنا محمد وعلى آله وصحبه أجمعين يعطيك الصحة حبيبتي ربي يحفظك اللهم بلغنا رمضان لا فقيدين ولا مفقودين يارب شكرا عمري مالقيت سميد تع رابع الف والله نشري غير تع ستاالف الله المستعن شكرا اختي