كن في صدري نسانيس هبهاب الجنوب
كن في صدري نسانيس هبهاب الجنوب
والقريحه فاللوازم ماهيب مجنبه
كن راسي فيه دقات طبلات الحروب
فيه غارات المهلهل وبكر وتغلبه
يوم اسج الرجل وانحي مع وساع الدروب
كل شطرٍ فيه الابداع بالي يكتبه
خل عنك امجد ضعاف الانفس والقلوب
والله اني عايف الشعر كله بسببه
ودك ان الله يسلط على لسان الكذوب
كل كذبه تلوي الجن فمه وتضربه
موعده يوم القيامه زمهرير اللهوب
وفي حياته قبل يبعث يبا الله ينكبه
مامدحت الا كريمن مقدر ومحسوب
كل علمن يرفع الراس عنده مكسبه
ابشر بروقيٍ انّ قام عن غيره ينوب
مايجيب الا فريده ودره وذهبه
والله اني في قصيدي على مدحك طروب
ومنتظر يومٍ يزفك واعده واحسبه
يارفيقن كل ماجاني الوقت النشوب
لازهمته صب فنجال بقعا واشربه
درع جمٍب لاوقف يضرب الكافر يتوب
فيك اماري وانت عندي تراك اخو رقبه
ايه يامشعل على العز والراس معصوب
والعمام معربه والخوال معربه
ورثه عودٍ عسا بارق المزن النصوب
يجتول من فوق قبره ويخضّر اعشبه
ذاك هذال المكارم وهذال الوجوب
جعل ربي يكرمه مع محمد وصحبه
لاد شكرن لاد شكرن عطيبين الضروب
كم عدون حولو هامته تحت ركبه
لاتعلو ضمر الخيل ثم قامت تجوب
في كنفهم كم ترتع عشاير وجنبه
لاد زايد في عزاويهم النار الشبوب
عزوتن قلدهم المجد ب اعلى مرتبه
من طمعهم مردن اللَه حظه ومغلوب
جندلوه وقالو اللي تبا تجيبه جبه
الدواسر فالمواقف موردت الهيوب
ولو بعد امجاد دوسر تعجز الموهبه
كلمات :
مشعل السميري
اداء :
جفران بن هضبان
تنفيذ :
اهتمام الدوسري
..
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : اهتمام الدوسري
______________________
للتواصل والاستفسارات :
الحسابات الرسمية لـ قناة اهتمام الدوسري .
SNAPCHAT : P.5BF
Whatsapp : 050 608 9787
#كن_في_صدري_نسانيس
#هبهاب_الجنوب
#جفران_بن_هضبان
3 окт 2024
