جفران بن هضبان 🔥👏 دقيت سلف الجيب ، الي يشوف انه كفو يمسك ذرا ، طرق على خشوم الرياجيل 🔥👏 

الكلمات :
البارحه والليل توه مبتدي
سمعت لي عقب العشا دبك اشعرا
وسرا علي الهاجس وانا في مرقدي
ودقيت سلف الجيب والساري سراا
ونحرت كبوته تحت نجم الجدي
قبل قبل مانيب من يرجع ورااا
واقول والشعار تعرف مقصدي
الي يشوف انه كفووو يمسك ذراا
امن الفخر كن الكواكب في يدي
فوق السماء راسي ورجلي ف الثراء
الى طرا لي درع جنبي واسعدي
ياحي طاريه الى منه طرا
سالم وسالم جعل يسلم مسندي
هو والله نوم العين لا طار الكرااا
سيف يوقف للنوايب ويحدي
قرم على لامجاد والطاله ضرا
مايجهل ابن عفيص عوق المعتدي
ايعلم اصحاب المرا ويش المرا
مايشتري الا ام الحي المتسندي
ياحي والله ذ النظر والمشترا
ندر ابكار صمخ مافيها ردي
تفرق على كل البكار الندرااااا
جمهورها كل ابلج شبحه مدي
اهل الحمايا يوم ردات البرااا
اعيال عازب والفعايل تشهدي
هل وقفة يبصر بها الي مايرا
عاد اليالي خوف والذيب يعدي
افعولنا تنشاف جهر وتنقرا
من قام منا لاوقف ماله قدي
والى حضر ف لازمه كلً درا
يخلي الغاوي يدل و يقتدي
طرق على خشوم الرياجيل اجهرا
وكم فارس من فعلنا روح فدي
ايجز راسه عند عرقوب اعشرا