جماهير_الأصايل | كلمات: عبدالمجيد الذيابي | غناء: مشجع مسفر - خديجة معاذ - دحوم الطلاسي | 

#جماهير_الأصايل
كلمات : عبدالمجيد الذيابي
غناء :
مشجع مسفر
خديجة معاذ
دحوم الطلاسي
توزيع : هشام السكران
مكس ماستر : جاسم محمد
[كلمات الأغنية] :
جماهير الأصايل من طربها تلعب
المنكوس
على عاداتها دايم سباق الهجن يشعاها
ولا يهوا المعالي غير راس مدوّر الناموس
ليا شاف الاصايل طوّح الغترة وحياها
اليا حثت جهدها ماتخلي فالمكان جلوس
يقومون الجلوس وتستميل الارض لخطاها
خلاخيل الذهب ماهيب لا صوره ولاملبوس
تشادي لونها والشمس زخرفها وحناها
سراحين الذياب اللي تعادا والهبايب كوس
تقول جنوبها والقاع ينبت تحت ماطاها
حفيفات الحقب سرد الغوارب نازحات الروس
عطيناها المحبة والجوايز من عطاياها
تقدّم للتنافس كنّها تضوي عليه عسوس
سليلات التحدي مايلام اللي تحداها
هذا موروثنا اللي مايعوضنا عليه فلوس
غلاها فالضماير لو شريناها وبعناها
عليها كم تحدينا الصعاب وكم برينا قوس
وحصّنا الديار اللي شربنا العذب من ماها
تحدينا الظروف القاسية والواقع الملموس
وراهنّا على كسب المعالي واحتميناها
وجودنا المحازم قبل تشرق للزمان شموس
على راي الشجاع اللي بنا الدولة وسوّاها
تحت راية معزّي كم تركنا للزمان دروس
كتبناها وخلينا شعوب الأرض تقراها