جمعية ونعم | كلمات عناد الشيباني اداء : خالد ال بريك 

.
لايك + اشترك معنا 🔔✔️
وفعل التنبيهات في قناة عناد الشيباني الرسمية
للحصول على أحدث إصداراته الفنية
cutt.us/YRGFV
كلمات : عناد الشيباني
أداء : خالد ال بريك
هندسة : ناصر الشيباني
مونتاج : مساعد البراك
لـ التواصل مع الشاعر عناد الشيباني
تويتر / enadm1
سناب شات / enadm1
الكلمات
رفيقي كان ما تقدر تطلعني من التفكير
ابي لي طلعةٍ عن زحمة العربان محفوفه ..!
تراني واصلٍ حدي .. وسري طايحٍ فالبير
طلبتك نجه من البير دام البير مكشوفه
ماقول الناس فيها حقد والا حب لـ التشهير
ولاكن داري ان الناس فيها ناس ملقوفه
اعاني واضرب فجوج الخلا واحيان احسد الطير
وقلبي من مقابيل الليالي مشغله خوفه
واشوف الارض خضرا بس ماطاها من التقدير
تذكرني بقلبي .. والخضار اللي نبت جوفه
مع ان العاشقين من الوله والشوق والتهجير
خضار قلبوهم قام الغرام العاتي يحوفه !
قلوب اهل الهوى عقب الهوا في حاجة التشجير
غدت قاعٍ سرابه يطرد وتخوف جروفه
الاحلام الصغيره كبرت .. وصارت تبي تفسير
والايام العصيبه تضرب الاحلام بـ الطوفه
وانا وش لون ابلقى غير خلي دام خلي غير
معه كل الحروف من الغرام تصير معطوفه
لساني كل ما حاول يخونه خانه التعبير
وعيني عن مشاهد غيره من الغيد مصروفه
وانا لاشفت وجهه منكسف من كثرة التاخير
اقول الشمس كيف تصير حلوه وهي مكسوفه
عموماً يا حبيبي .. لا تواخذني على التقصير
انا والوقت في حربٍ عجزت اسلم من صدوفه
لاجيته مثل جساس ابن مره صار مثل الزير
واذا جيته برمح وسيف .. قابلني بشاخوفه !
اشوف الوقت يوم انه ضحك لي ضحكة الشرير
واسوي نفسي اني .. ماني بدراي وانا اشوفه ..!
اجامل معه واضحك ضحكة اللي طامعٍ بالخير
مع ان الضحكه المتصنعه مهيب مألوفه
يعيش الطيب اللي لو يعاني ما يعكس السير
مهوب اللي يسلم .. لحيته لـ الوقت وظروفه !
يزيد الضغط ويذوب الذهب ويميع القصدير
لكن الفرق واضح والذهب ما تجهل وصوفه
واهل تبشر بعزك فعلهم يكرم عن التزوير
مواقفهم هي اللي تجعل الصعبات معسوفه
ومدحة راعي الوقفات .. والله ماتبي تبرير
تبررها فعوله كل يوم .. ومدة كفوفه
هذا عبدالله النهدي ومعه المستحيل يصير
عشانه يسلم الشعر الجزيل وتسجد حروفه
يحب النعم ويحنه من الاسراف والتبذير
وفعله صار جمعية لـ حفظ النعم مكلوفه !
ابو عامر مسمينه هل الحاجات فاعل خير
مواقيفه تفك رقاب .. وحسابات موقوفه !
حسن عرف وحسن راي وحسن خلق وحسن تدبير
علامات الردى عنده من القاموس محذوفه
لاقابلته تقول من التواضع فيه حلم امير
واذا جا لـ الصياهد قلت اثر ماعنده مروفه
طلع حكمه على اهل الوضح مثل القتل بالتعزير
يجي واثق بيوم العرض كنه جاي لـ بروفه
هو اللي كل ظلعٍ من ظلوعه مثل ظلع النير
ليا شال الحمول الكايده ما مالت كتوفه
يسوق اللي ماسيقت ملك ما يستاقها تاجير
ولا يحسب حساب المال مهما زاد مصروفه
يخلص دفتر الشيكات في يومه من التحرير
مهوب اللي لا حرر شيك كنه حرر الكوفه
عديل الروح عادي يحرقه كله عشان بعير
لو انتاجه يحطه فالصحن ويعشي ضيوفه
ويفخر ويتباهى في نهد .. والساس له تقدير
قبيلة نهد في وقفاتها بالطيب معروفه
(جميع ابطالها قد جالهم وقتٍ مضى تاثير
اساميهم تشرف كل مخطوطه ومعزوفه )
مدحهم عمر بن يكرب وصور فعلهم تصوير
يشوفون المنيه مثل عذراً جات مزفوفه
ويكفيهم لا قلت ابن حذيم وطهفه ابن زهير
من اصحاب النبي وصفوفهم كانت مع صفوفه
فخر ماضي وحاضر معتمد ما يلحقه تغرير
مع انه يلحقه نسبة غرور وزمه ونوفه !