بارك الله فيك على الشروحات القيمة. ماهو السمك المثالي لتغطية الحائط( الطرطشة)؟ وكيف نحافظ على إستواء العمل ونحصل على نفس مستوى قطعة الخشب المثبتة في الباب في النهاية الأخرى من الحائط؟
الله يبارك أخي الكريم يعطيك الصحة سؤال علاه كتجي دير فينوسيون مرة على مرة يخرجوا فالحيط مفرقعات صغار واش من سبب والسؤال الثاني علاه يكون التشقق فالتلباس وشكرا
يخرجو بكثرة فالأماكن الخرسانية والسبب الرئيسي لما تكون الڨاشية ناقصا سيما 👍 التشققات تخرج فالأماكن لي تكون فيها لاشارج لذا من الاحسن والأفضل نجيكليوها والغد باش نفينيوها باش نتفاداو التشقاقات 👍
إذا كانو لحيوط ملاح من الاحسن تعمل طبقه رفيعه جدا بالصابل دو كاريار ( نصف سم) وتخليه احرش ماتقيسو لا بالطالوش لا بالريڨلا . لكن إذا كان فيه لعوج بزاف يلزم تدريسيه باش الفايونص ماتجيش فيه لاشارج 👍
كل حاجه وخدمتها . الهدرة مع الإستواء تاع الحائط لكن لي يكون قادر من الجهة المادية يجيكلي ومن بعد يفيني . تقدر تخدم طبقه وحدة لكن يلزمك بناء محترف باش من بعد ميضهروش عيوب فاللباس 👍
التلباس على وجه واحد يلزمو بناء محترف لانو مع مرور الزمن تضهر فيه عيوب . التلباس عى زوج وجوه فالصحه أحسن من المثال الأول و كذالك فالحيطان اللي مهيش مستوية متقدرش تعمل طبقه وحدة يلزم تعمل زوز طبقات 👍
الخدمه راها على حساب اليد النيفو هو مجرد اداة فقط تقدر تخدم بنيفو مليح لكن النتيجه متكونش مرضيه 👍 من الاحسن النيفو يكون من النوعيه الجيده ومايكونش أقل من 60 سم 🤝
الحيط فيه وجهين الوجه الأولى تحسبو مقفول كي تركب الكادر و الوجه الثاني تحسبو مقفول كي تعمل الجومباج . نتا محطيتش الكادر يلزم تنحي الفراغ متحسبوش تحسب على الوجه الثاني فقط إذا عملت الجومباج وإذا ماعملتش الجومباج يلزمك تنحي الفراغ كذالك 👍
الجيكلاج من الأسفل إلى الأعلى و الفينيسيو من الأحسن والأفضل تكون من الأعلى إلى الأسفل . لكن أغلب البنايين يخدمو من الأسفل إلى الأعلى في كلتا الحالتين . أنا فالحالة هاذي كنت نجيكلي و حتى الفيديو عملتو بالڨاشية تاع الجيكلاج لتوضيح الطريقه و الخطواة المتبعه فقط وهاذ الشي أنا قلتو في أخر الفيديو 👍
الكعبة الواڨفه تتبع لالينمون تاع الحيط مثلا إذا كان الحيط مايل للجهة الداخلية هيا كذالك لازم تتبعو و إلا راح يكون ديكالاج فالحيط من بعد كي تحط اللانتو . الكيل كي تخدم اللانتو وتحطو تحسب الحيط تاعك مقفول متنحيش الفراغ تاع الباب 👍
الحاجه لي معندهاش فايدا متعملهاش أحسن خاصة فالشتا لوكان تشرب الحيط وتكون فيه شويا لاشارج البغلي يطول كثير باه يجف لأنو راح تخدم بالرمل الأصفر فقط في هاذه الحاله . لكن لما يكون الحيط مجيكلي لازم تشربو جيدا قبل ماتبدا تفيني باش تخدم فالراحه وإلا راح تتعب كثيرا 👍
أغلب الدول الأوروبية والدول الأسيوية والأمريكية يستخدمون طبقة واحدة 🤗 المكون المسؤول عن الإلتساق هو الإسمنت لذا يجب إستعمال مقادير مضبوطة وإزالة الغبار بالماء قبل البدا فالعمل للحصول على إلتساق جيد 👍
بارك الله فيك انا خوك من واد سوف ماصوا كيما انت طريقتنا في التلباس بعد الجكلاج نخرطوا الحيط ثم انفينوه مليح حتى يبقى مستوي ثم انشربوه شوي ماء ونبداو انطولشوا بالطالوشة بعد ما انرشوا الطالوشة بشوي مازوت يصبح الحيط يبرق اكلاسي ماشاء الله والمازوت ايساعدك في الطالوشة ماتتعبش كيما انت جربها وردلي خبر من باب الفائدة وبارك الله فيك
