والله اقشعر جسمي بالذات في النهايه في دار الثوار اتزكرت فيديو الشهيد المان بفتش الناس والولد الرافعينو انزكرت شهيد الابيض والله ذكرى ما تتمحي من التاريخ وذاكره اي سوداني بحب بلدو وربنا يرحم الشهداء القلوبنا معلقه بذكراهم😭
السودان أجمل بكم جميعا واجمل شي احسسته في الفيديو شباب الثورة ما كانو بيمثلو عاشو بكل احساسهم وكانهم في القيادة فعليا المشهد مكتمل لدرجة مافي شخص في كادر الكاميرا والا بيتحرك بصدق وكانه قد ادمن القيادة من يعوضنا عن احساس المدينة الفاضلة
والله يا عمر انا حالين عمري ٢٠ سنه كونو اني كنت واحد من ميليونيه ٦ ابريل و ايام الاعتصام دي حاجه ح افضل افتخر بيها طول عمري و ما ح انساها و انشا الله كل سته ابريل ح نكون في قيادة إنشا الله نعتصم ٥ ايام بس كل سنه
اقسم بالله ابداااااااااااااااااااااااااع تحية عطرة موشحة بالزهور من بلد الحديد والنار عطبرة والثوره م انتهت بالمناسبة ثورتا ياداب ابتدت شكرا لي عمر وكل المبدعين المعاك . قداااااااام بس
اهل كلومبيا.ديل ناس نفوسهم أنظف وأجمل من الكيزان ...بتاعين مزاج....لكن ما قتلة ولا حرامية ذي الكيزان....والله لا يد من احياء ذكراهم ..والدليل علي نظافتهم....طلعوا السماء شهداء ....تعالي شوف الماشين جهنم وبئس المصير(كيزان الانقاذ)
بغض النظر عن محتوى الفيديو و الاداء اللي اصلا مهما اتكلمت فيو ما حا انصفو.. لكن بالجد شغل التصوير و الاخراج و المونتاج احترافي و بالجد انبهرت .. و الغنية الفي الخلفية سابة هناي عديل 😂.. يااخ عندي ليك نصيحة و ياريت تشوف الكومنت.. اشتغل بقناة واحدة في اليوتيوب عشان ما تعمل تشويش علي محتواك و اعمل كوبي رايت😂 حقارة كدا بس.. اي في الفيس عبرت و اي شي لكن برضو اليوتيوب لازم.. و التحية ليك و لي باقي الشباب..رافعين راسنا يا اولاد التقانة 😂..
احلى فيديو شفتو فيهو خليط من الضحك والحزن خليتنا زي المجانين نضحك ونبكي اخخخ من وجع القيادة البمسحها مننا شنو 😭😭😭😭😭 ف دار الثوار القال حنعرس كنداكة دا ما محلها دا كلام الشهيد كشة نفس وقفتو 💔💔💔💔💔💔💔
😭😭😭😭😭 والله قلبي وجعني ربنا ينتقم منهم القتلونا وزرعو الحزن جوانا يارب ترحم كل من إنتقل إلى جوارك وتحسبهم شهداء وترحم المفقودين وتلطف بهم اينما كانوا يارب
والله ماعارف اعبر ليك ياعمر انت وناسك ديل ياخ والله لو تخشو التلفزيون والاعلام حتبسطونا والله العظيم بدل الكيزان ديل .... ياخ والله انا اول مرة في حياتي اعمل اعجاب لي فيديو في اليوتيوب كل الحوووووب والله
نعم كنت احتاج أن ابكي وبشدة...شكرا وانتم تفعلون بي هذا ....دام عزكم يا شباب اعدتوني مواظبا لاكتب قصائدي للثورة ولكم يا لفخري بكم.....لن افويكم حقكم مهما كتبت...اواصري ووشائجي انتم...وحنيني
الثورة اسلوب حياة ابدعتم عمل مميز اتمني ان يجد مزيداا من المشاهدات شغل هادف وجميل ربنا يصلح حال بلادنا ويحفظ شبابنا ويرحم شهداءنا ويتقبلهم الله العظيم الجبار 💐💐💐
أحلى حاجة دار الثوار دي😅 ياسلام ياخ زكرتوني أيام القيادة تنوم وتصحي والهتاف في راسك 😅كانت أجمل أيام للوطن 💔تستاهل القيادة تكون متحف مفتوح.. ربنا يرحم الشهداء ويشفي الجرحي ويرجع المفقودين ويفك أسر المسجونين وينصرنا يارب العالمين 🤲🏽 ✌🏽🇸🇩
ماشاء الله . إبداع منقطع النظير . الشاب السوداني يثبت دائما" بأنه موهوب . لكن للأسف شح الإمكانيات وعدم توفر الرعايه المطلوبه ورداءة الإعلام كانوا جميعا" حجر عثره أمام تفجر مواهب و إبداعات كثيرا" منهم . فكانت حبيسه دواخلهم . لكن ولحسن الحظ بدأنا نلاحظ أكثر من فرقه شبابيه ولا أعتقد بأن لهم حاضنه فنيه تنمي قدراتهم . ولكن الموهبه خلقت منهم جيلا" مبدعا" . فنحن أمام شباب مبدعين حقا" (نصا" وفكره وحبكه دراميه هائله وإعداد وجودة تصوير وإخراج ) برغم شح الإمكانيات أطلقوا موهبتهم للعنان كل التوفيق والنجاح . أحلى جيل شبااااب 👍
