﷽ يا علي عليه السلام مدد
جن سُڃاتو نہ حُضور پاڪ ﷺ کي
تن جو بُغض رسُولﷺ جي آل (ع) سان
ڀانيائون الله کي ٻانُو بشر
ٿيا نابين انھي خيال سان
قرآن حضور پاڪ ﷺ ٻُڌايو
جن انھي ذات کي ئي نہ سُڃاتو
تن جو جُڙي ڪيئن تہ ناتو
حق حقيقي حال سان
گُفتار جو انداز نہ ڄاتئون
سادگي نِوڙت نياز نہ ڄاتئون
صراط الۡمسۡتقيۡم جو راز نہ ڄاتئون
رهيا رياڪاريءَ واري چال سان
مولٰي ﷺ چنڊ جا ٻہ اَڌ ڪيا
معجزا معرفت جا بيحد ڪيا
ڪيئي ڏِسي ٻُڌي بہ مُنڪر رهيا
ڪي 'حق اليقين ' وصال سان
" إِلَّا ٱلْمَوَدَّةَ فِى ٱلْقُرْبَىٰ" قرآن ۾
" كتاب الله وأهل بيتِي" اعلان ۾
" من ڪُنت مولٰي" ميدان ۾
بيهن حلال جا انھي قال سان
زيارتون رسولﷺ جون مٽائي چَٽ ڪيائون
روضا پاڪن جا ڊاهي پٽ ڪيائون
وسان نڪي ڪُجھ گهٽ ڪيائون
چِمبڙيا سونَ ۽ تيلَ جي مال سان
هنن ڀانئئين لاحد عُمر آھ
ڄاڻون ٿا ڪي دم گُذر آھ
قبر کان اڳتي سفر آھ
منهن ڏيڻو آهي رب ذوالجلال سان
مومنَ ، عاشقَ بہ اچن پيا
بُغضِي منافق بہ اچن پيا
عارف توڙي فاسق بہ اچن پيا
ٻَڌيَل نيت آهي اعمال سان
رسُول پاڪ ﷺ جو فرمان آھ
محبت مولٰي علي ع جي ميزان آھ
مومن ۽ منافق جي سُڃاڻ آھ
هادي! کڻج انھي ئي ڀال سان
🙏🏽✍️🏽 سيّد ياور علي ڪاظمي محبت علي الحيدري 2022
21 сен 2024