اخي انا مهندس اردني عملت في الخليج في مشاريع بالمليارات وليس الملايين وحاليا مهندس معتمد في امريكا، المشكلة مركبة في الخليج، المشكله تبدأ من التصميم الضعيف واللوحات الناقصة، طريقة اختيار المقاول بدون تفصيل منطقي للتسعير او حساب كميات واضح وبإعداد وتخطيط ضعيف للمشروع قبل البدء، عدم اختيار او تفحص مؤهلات مشرف التنفيذ والموافقة عليها من المالك و وجود اشراف ضعيف تقنيا او معدوم، عدم وجود دور للبلدية في فحص الاعمال كنوع من السلامة العامة قبل كل شيء، ضعف كود الانشاءات كونه نسخه معدلة ومجمعه من اكثر من كود، عدم وجود كود منفصل للمباني السكنية عن التجارية، وضعف صيغة العقود وتوقيعها دون مراجعتها من قبل مهندس مؤهل ومحامي مختص قبل توقيعها لضمان الحقوق وعدم وجود صيغه موحده لمثل هذه العقود وعدم وجود ممثل للمالك يقوم باستلام الاعمال عنه، اصلا لا يوجد صيغة واضحة ورقية لاستلام الاعمال من قبل المالك او من يمثلك. المشكلة الاساس في نضري هي في تعليم ومؤهلات المصمم والمقاول والمنفذ والمشرف، الكل ضعيف، جامعات لا تعلم حسب الاصول هذا ان كانت تعلم اصلا، خريجين ب مئات الالاف، فوضى تعليمية باختصار، يجب ان يكون هنالك نضام واضح لقبول هذه العمالة في الخليج وفحص مستوى واضح تشرف عليه الدولة قبل استقدامهم. مشكلة الخليج هو عدم وجود نضام ضابط من قبل الحكومة واستغلال الغرباء للثغرات الموجود، طبعا التعميم خطأ ولكن نحن نتحدث عن الصورة العامة. شكرا
انا كنت اشتغل مقاول ويعلم الله ان بديت احس كل شي له علاقة بالغضب . خفت يجيني سكر وضغط وقولون مع بعض جلست 13 سنة اشتغل في هذا المجال مستحيل والف مستحيل اقدر اوصف المعاناه في هذا المجال بسبب اصحاب الشغل الجهال والمقاولين المتلاعبين اللي يبونك تتقسم الى اجزاء تراقب المليس والنجار ووووالخ هذا مستحيل فقررت اعتزل هذا المجال اللي ماتقدر تشتغل فيه ابدا ابدا الا وتفقد صحتك او انك تكون بارد دم ومايهمك الشغل الزين
@@vanguard7361 المقاولات بكل فروعها فيها ربح وخير كثير لكن مشكلتها شح العمالة المحترفة وعدم ثبات الانظمة الخاصة بالعمالة الاجنبية . ماتقدر تعرف وش نوع النظام وتبني علية التكلفة التشغيلية للمؤسسة عموما على قد جهدك واهتمامك وصبرك وصبرك وصبرك تنال ! لازم تكون مفتح وتحسب حساباتك صح اذا مسكت شغل بالمواد لان اي خطأ في الحسابات يطيحك على وجهك . موفق
لاتعمم الله يوفقنا وإياك ضروفك تختلف عن ضروف الآخرين وأصابع يدك ماهي سوا انت فيك الخير والبركة العيب في العماله إللي كانو يشتغلون معك وأبشرك مازال في عماله فيهم الخير ولكن مهم تراقبهم باستمرار لأن قولة القايل المال السايب يعلم السرقه يعني لاتهمل وتضيع ولا تشد وتندم خلك وسط فإمور حياتك كلها. 👍
ابدعت بالوتوصيف فعلاً هذا اللي حاصل في مجال المقاولات . ابو ثوب شتوي تلقاه مع البزران مشغلهم نجارين ؟ مخالف كل الانظمة واذا كلمته احنا مؤسسة نظاميه ! فين النظام تشغل اطفال تحت ١٠ سنوات وتجيب عمال من الاشارة والملاك مبسوطين على الاسعار . ٩٠ ريال المتر مايدري بعد سنتين يدفع كل متر الف ريال تصليحات .
المشرفين يفهمون في العظم والخرسانه والدفان وعزل القواعد والرقاب والرص والدك والبلك ومقاس العمود والسقف وغيره لكن وبكل امانه لا يفقهون في التشطيب الا القليل وينبهرون من امور عاديه جدا ويحلفون ويمدحون ويتعلمون في فلل خلق الله والخطأ في الفله الاولى ينقله الى كل فله يشرف عليها ومثب فيما يتم تصويره يا عزيزي كوارث بدورات المياه بالاسقف بالنسبه والتناسب في الابعاد والمقاسات في ابواب تصل في حدود المترين حمامات بشبابيك مصمته لا تفتح نهائيا درج عظم كارثة تبعد عن السقف عند الصعود والنزول 180 سم فقط قبل التشطيب وسوف تصل بعد التشطيب الجبس وبلاط الدرج الى 160 سم . رحم الله امرء عرف قدر نفسه كثير من الملاك لا يفهم اي شئ في البناء فيجد بعض المشرفين فاكهه وهو ابعد ما يكون عن اجادة دور الإشراف وخصوصا في التشطيب .. يهتم بالخرسانه والعظم اكثر من التشطيب ولكن ينطيق على الكثير من المشرفين القول ( فاقد الشئ لا يعطيه ).. هذه حقيقة يجب ان يعيها الملاك فقط ..
يا ابو انس هي الشغلة مواد على المالك المقاول شغلته تركيب صح وتربيط صح - ليش ما يرربط صح هذي شغلته المواد على المالك ف انا مو معك انه مايقدر المشكلة في الغش الغش ولا فكر في حلالك
العمالة اللي مع المقاول التعبان شغلهم مشي حالك تربيط الأصياخ ما يهتمون فيه وبعضهم ما يهتم في وزن الأعمدة، والمقاسات يزيدون وينقصون فيها ومعظمهم غير متعلم، والشيء اللي مطلوب منه يوفره بيكون أي كلام، وزي ما قال أبو أنس ما يبغونك ترش، يتمنون ما تنزل نقطة ماء وحدة، حدادين ونجارين كلهم نفس الطبع أنا تعاملت مع مصريين وسألت زملاء كلهم واجهوا نفس الشيء والا إذا شافك ملزّم قال لك يومين والله تكفي وسوينا أبراج ومن هالكلام والكمرات الساقطة بصفة عامة ينقصون مقاساتها.
جزاك الله خير ، اصبح الان اسعار المقاول الوسط نفس اسعار المقاول المحترف ، من واقع تجربه مع اكثر من مقاول. لبناء دور ثاني و ملحق. قالي 200 ألف ريال !!!!! في حي الجزيرة. طيب الجسر المقلوب كيف حسبته. مايدري. والمقاول همه كيف اخذ منك اكبر مبلغ وانت تورط. وشكراً لك
السلام عليكم ، أبو أنس أنت بالفيديو هذا حليت تسأل في بالي ويمكن في بال كثير من الأخوان من فترة عن المقاولات واختلاف عملها واسعارها ومتطلباتها وحطيت النقط على الحروف بتصنيفك علشان الكل يفهم الفرق في المقاولين والمهندسين والمشرفين ، لكن ما أقول الا الله يجزاك الجنة ووالديك وجميع المسلمين لما تقدمه لأخوانك في هالمجال ، تقبل تحياتي يالغالي 🌹
والله كلامك حقيقي فلة انبنت بجواري لاحولا ولاقوة والله لا خرسانة ولا بنيان ولا الياسة إنرشت موية وارضية النظافة تربة لا رصت ولا رشت والمصيبة دفان البلاط بقايا كسر البلك والمصيبة الكبراء ان المشتري لاسأل ولا استفسر من الجيران عن عمل البناء هل هو جيد او بطال ..
حتي الان اشوف اعلانات محددين سعر المتر للبناء التجاري له سعر والعادي له سعر والمتوسط له سعر هنا يحتار المالك اللي يبي يعمر بيت شخصي يفكر بينه وبين نفسه يقول كيف درجات يعني الجوده تفرق والاكيف هنا عاد يطيح بالفخ . وانت ترا ماعليش ترا تشرح لناس عنده تجربه اما اللي تو يبي يبدا يبني تراك ماافدته بشي لا بالعكس ظللت زياده عليه وانا اسالك الان انت تقول المالك العادي اللي معه مثلا قرض ٥٠٠ الف ويبي يعمر له بيت لايقارن السعر للمباني التجاريه والا القصور للتجار هذي المقاولين اللي فيه درجه عاليه وان يعني سعره غالي واذا طلبته ودبل السعر علي المالك العادي هذا اصلا متعود علي الشغل بالقصور والمباني التحاريه بالاخير تراه نفس المقاول والا له اربع يدين ورجلين المقاول هذا والمقاول الفاشل معروف من يبدا يشتغل تعرف من شغله لاكن انتم طيرتو سمعه المقاولين وطار سعره وهو فاشل اصلا
صباح الخير اخوي انت الان تشرح وفيه نقاط هي اللي ماشرحتها هي اللي مستغلها الكثير من المقاولين وحتي الملاك ينجبر يروح لافشل مقاول مايدري وين الصادق من الحرامي النقاط اللي هي تقول السعر اللي للملاك ماهو زي سعر التحاري والمباني الحكوميه تفرق لان فيه اشيا مايقدر عليها المالك اللي علي قده وش الفرق علمنا القواعد من ذهب يعني الشي الثاني والاهم هنا الحراميه من المقاولين استغلوها يرفع سعر المتر وعذره انه ماهو حي الله مقاول كان يبني قصور ومباني تجاريه ومسوي نفسه متفضل عليك ومتنازل علشان يبني لك وهو اصلا ماهو لاقي شغل بالشارع طايح ( انا اعرف هالشي لاكن غيري مايعرف اول مره يعمر ويشوف الفرق بالسعر بشكل خيالي هنا مايدري يحتار من يتقاول معه مايدري اي واحد الحرامي )
بيض الله وجهك يا ابو أنس , وبارك الله فيك وفي جهودك . انت تقدم رسالة توعية لاخوانك المواطنين انا شخصياً اعتبرها والله نادر جداً أن يقدم اي شخص ما تقدمه انت من معلومات وتصاميم وطرق لا يعرفها الكثير والاغلبية من الناس . أما الذين يغضبون منك فهم لا يريدون احد يكشف اسرار مهنتهم لانهم يريدون أن يفعلو كل ما يحلو لهم دون رقيب أو حسيب عليهم . مستغلين جهل بعض الاخوة ممن ليس لديهم خبرات في مجال البناء . وتنكشف المصائب بعد مرور فترة من الوقت . اتمنى أن تستمر بارك الله فيك . واسال الله ان يحميك من كل شر .
والله كلامك صحيح ١٠٠٪. انا الان شغال. في حي القيروان أخذ المتر ب١١٠ وبجنانبي مقاول سعره ١٨٥. يجي المالك يطلب نفس الجوده والسعر فارق كثير . مثلاً البناء عندي متره١١ريال وعند جاري ١٥الحداد عندي ٥٠ عند جاري ٦٥ نروح للأخشاب هو بسعره يقدر يشتري بليود اندوسي. بسعر مرتفع وانا اشتري صيني بأرخص سعر عشان تغطي التكلفة ولكن المالك غير مقتنع تماماً. والشغل هو نفسه توزين قبل الصب وبعد الصب وكل شي على اصوله
جبت مقاول مصري عظم وقال لي المتر ب140 واتفقت معه ووقعنا العقد بعد مماطله المهم كان بالبدايه يبغا يصب الارض كلها نظافه ورفضت وقلت له افرش نظافه تحت القواعد فقط ارتفاع 20 سم وزعل لانه يحسب عليه في البدايه نجاريين وبعدها وضعنا القواعد واشترطت عليه البسكوت وتربيط بشكل جيد مع المتابعه وكان يزعل من اي طلب مثل هذا ووقت صب الخرسانه طلب تزويد الماء للخرسانه ورفضت رفض نهائي وجلس ينصحني انها بتعشش ولو وضعنا الماء تصبح سهله وافضل ومع هذا رفضت وقلت له التعشيشات تعالج ولكن الماء يضعف الخرسانه ومثل العاده يزعل ويفقد اعصابه ولا اريد الاطالة صلت معه للاعمده بكل تدقيق في كل صغيره وكبيره وفي الاخير قال لي انا خسران معك ودفعت للنجاريين والحدادين تكلفة اكثر من الي كنت اعطيهم في المباني الاخرى وكنت اقول له ماعندك مشكله تبغا تسوي مخالصه انا جاهز المهم اتعبني وتعبت معه كثير كثير والله يعين بس واخلص معه
بيض الله وجهك وجزاك الله خير الجزاء ونفع بعلمك وعملك من هذا الفيدوا دخل الاطمئنان الى قلب بان هناك تجاوزات أثناء البناء مع اني كنت في البدايه محتار اين اجد المقاول المتميز وهل استطيع اوفيه حقه، وجدت الان انني بالامكان بما لدي من خبره اكتسبتها من امثالكم ومن المهندسبن اخذ عماله باليوميه مع مهندس مشرف على العمل واقف معهم وانا اجيب المواد ويشتغلون ،، والله يعين ويسهل دعواتك لنا بالتيسير والاعانه ٠
انا مواطن عادي ما افهم بالعمار و لاشروطه و لا اللي ممكن نتجاوز عنه و اللي غير ممكن حنا المواطنين اصقهنا الرمي انا وش يعرفي ان هذا شغله جيد ولا لأ، حتى المقاول السيئ يطلب سعر المقاول الممتاز انا ضحيه غش و جشع كل يبي ينهش منك اكبر قدر ممكن من هالقرض واذا جيت عند التشطيب و لا فلوسك مخلصه، اسكر الفله، و لا اتدين، حتى ما تلقى من يدينك، و اللي اسوء من هذا كله مَشاريع الإسكان الحكومي الغش عيني عينك المدارس و المستشفيات و المطارات ما سلمت
الله يعوضك ويخلف عليك اصلا الواحد لو اشتغل بنفسه يشرف ويشتري مواده بيده صدقني بيوفر اقل شي100الف من القرض وفيه طرق بيوفر أكثر لكن الدعوه يبي لها تفكير وفرفره في المحلات من كهرب وسباكه وحديد وأدوات البناء الخ
الأخ ابوانس مساء الخير .. اول شي كميات الحديد مبالغ فيها جدآ .. يجب ان تقل سماكة الخرسانه وبذلك يقل الحديد .. وهذا والله هدر كبير .. ثانيآ يفترض البناء ان يكون إنشائي .. يبنى البلوك بعد صب السطح حتى لانحمل البلوك هبوط المبنى مايسمى ترييح وانتم تشاهدون الشروخ في كل مبنى .. اخيرآ بحكم اني بنيت بيتين لاحظت ان المواطنين هم من يفسدون العماله علينا اما بالتهاون والإهمال او بأن يسمح للعماله بأستغلاله ماديآ
كلام سليم ....الله يجزاكم خير علي تبيين الحق ...والله إنكم ثقفتم الناس من هذولي المقاولين الذين خربو هذا القطاع من النصب والغش .... ياليت الشباب يدخلون هذا القطاع لكي يطورونة
السعر ما يحدد جودة عمل المقاول ربما سعره غالي وشغله تعبان عشان كذا الناس متجه للرخيص لاني يمكن ادفع ويطلع المقاول نصاب شغله تجاري في رأيي لابد تقنين هذه المسأله من الدوله او وزارة الاسكان بشكل خاص
جبتها يا أبو أنس الله يوفقك وياليت يكون لدى البلدية أو التجارة نظام نطاقات للمقاولين كما ذكرت عالي ومتوسط و متدني يكون المالك على علم بذلك حيث يظهر في سجل المؤسسة درجة المقاول الفنية من خلال تقييم الملاك والمهندسين ولجان تختص بذلك ويحدد على ذلك السعر.
اهم شي المقاسات اذا جت نفس المخطط هذا المطلوب من المقاول لايجيني عامود مايل وغرفة جهة مقاسها اربعه من تحت واربعة ونص من فوق وخمسة متر من الجهة الثانية وهكذا
قلها صراحه المقاولين كلهم سوريين يعني بالعربي كل السلاتيح المتسترين الي عندهم مجرد سجل تجاري والعمال والمشرف والمقاول كلهم من الشارع تعال وشف شرق الرياض يفز بالشهر عمائر تعادل مدينه كحي الرمال والجنادريه والسكيني وآخرتها الملاك كلهم ماسكين على كلمة مسيوم مليون و٢٥٠ اسعارهم وحده باغلب شرق الرياض نصيحه لكل مقدم على شراء دع عنك دعم التستر واشتر من مشاريع وزارة الأسكان الي تحت الانشاء والجاهزه بنصف السعر ولا تروح لعمائر كأنها عش العنكبوت وكهرباء مغشوش وسباكه مغشوشه واخرتها انت الضحيه
اللي مقبل على البناء وحالته وسط ، انصحك تابع هالرجال واترك عنك مهندسين تويتر . والله ثم والله ان مهندسين تويتر لعبو بنفسيتنا لعب .. كلامهم صحيح مافي شك لكن ماخذو بعين الاعتبار الحالة المادية للاغلبية العظمى. وكذلك لا تنسى ان البعض اصبح يروج الافكار بطريقة اثارة لجلب المزيد من المتابعين وتحقيق ارباح في وسائل التواصل الاجتماعي
مافهمت المتر ب٢٥٠ مصنعية وتقول غالي جدًا ؟ هذا جدًا رخيص اذا تقصد انه متر العظمة مع المواد ، لكن مافهمت كلمة ( مصنعية ) هل تقصد بها شغل اليد بدون مواد مثلا ؟
اقسم بالله ان هذا الحاصل معي ، عندي المقاول ماخذ المتر مصنعيه بالمواد بمبلغ اعلى من السوق ب١٠٠ ريال ومع كذا اخوى راسي بسالفة هذي مواصفات حكوميه وهذي مواصفات ابن لادن(والهدف انه يبي يشتغل شغل مش حالك) ، لييييييين حمرت العين وقلت انت رجال بتمشي على العقد وعلى الكود السعودي أهلا وسهلا ولا توكل على الله وبدال المقاول مقاول ، ثم اعتدل ولله الحمد .
انتبه منه هذا مهاب معتدل والله أعلم لأن المقاول اذا بيغشك غشك فانصيحتي النصيحه الثمينه لااااااااااااااا تسلم مقاول على كلام مثل كذا واصلا على المفتاح لاتسلم حد ابد الا معرفه تامه ومشهود له بالخير وتشوف شغله قدام عينك منذ سنوات لذلك انت جيب المواد وتخير على كيفك كل عامل على تخصصه كذا تنقي لك بيت 👍لك وللعمر بإذن الله وغير كذا بيطيح عن ظهرك حق المقاول اكيد زالخك مايقل عن30الف
فعلا صادق حتى العامل الي من الشارع يقول نفس كلام المقاول تصوروا حط عازل فالكون انا شريته لانه جبلي عازل خرطي حطه ولا رفعه على الجوانب حطه كله بدون دفعتين حطه ولا اختبره حطه وجا العصر يبي يبلط ويقلي انتم سعوديين فلوس كثير بعد ٣سنه انت غير جديد
كلام درر من حكيم مثقف علميا واقتصاديا وذو كرزما مقبوله لدى الجمهور. انا أحدثك عن نفسي اشعر بارتياح وانا أتابعك واتابع اعمالك. كلها مميزه وقليل بل شبه معدومه الأخطاء نعم الجميع يتمنى التعامل معك وانا أولهم ولكن للبعد المسافات نتابعك عبر قنوات التواصل الاجتماعي ونحاول نطبق ما تقوله فلك منا جميعا خالص الحب والاحترام ونسال الله العلي القدير ان يرزقك من فضلها جزاء نيتك الصادقة مع من تتعامل معه والله يكثر من امثالك ويستأصل كل من لا يخاف الله فى ما اوتومن عليه
اشكرك على هذا المقطع وبصراحه كلامك جدا منطقي لان السوق في الرخيص والغالي وانا عندي المقاول اخذ عليا المتر ١١٠ ريال وبصراحه شغله للان كويس بس يوم اكلمه ولا المهندس عن مسئله في البناء وتعديل احس انه يتضايق وكأنه يقول ان احمد ربك اني ماخذ عليك المتر ب ١١٠ ريال
ابو انس اذا كان المالك من عنده المواد وكل ماعلى المقاول شغل اليد فقط ليش مايضبط شغله ويطبق جميع اشتراطات واكواد البناء السعودي ؟ ليش صعبه عليه يشتغل بيده ؟
جزاك الله خير كلام وافي وشافي؛ لكن عني انا لو اني مهندس أو مقاول الطبقات العليا!! قسمابالله لأجعل الهندسه وخبرة المقاولات تحت رجلي اكرمكم الله واعمل لوجه اهم شي آخذ اتعاب مقنعه. ومقولة المقاول الي يقول اشغلتونا باليوتيوب وتعليماتهم اعطونا حقنا وتبشرون انا ارد على هذا المقاول يخسي ويعقب وتعرفون مثل عذر البليد مسح السبوره هو يقول هالكلام ويعتب على الملاك بقلة الدفع فايتماشون بأسعار رخيصه ويقدمون شغل عادي أو أقل من عادي بعد؛ فاهذا المقاول نفسه نفس اللي يقول لي خبره30سنه وابوي كان مقاول ووووالخ فاأعيد وأكرر إنه يعقب ويخسي وكذاب بل يأخذ فوائد دبل وثري لكن يرد رد الواثق وهو اصلا لو يتحققون من وضعه تحصله راعي غنم ولا كان مليس جدران وجانا يتعلم مثله مثل اغلب العمال نحصلهم فالسوق وكشفتهم في شغلات بسيطه عاد كيف البناء وبلاويه!!!!!! فانصيحتي لكل الطبقات اعمل لوجه الله سبحانه وتعالى قبل تحصيل دنس الفلوس صدقني لتجيك أرزاق مايحوشها مقاولين القصور والأبراج
الله يوفقك وانا خوك وبنسبه للي تتكلم عنهم نعرفهم مهندسين ومقاولين من جنسيات عربيه يوجعهم انهم يشوفون السعودي واعي وفاهم لازم يطلعون بامور ليبينون ان المعرفه والعلم لهم وحدهم وهم يدرون في قرارة انفسهم لو السعودي التفت لشغل ومارس وتعلم خلاهم قدامه مثل البهايم والامثله كثيره
اننت انسان امين انا متابعك للاسف بعض المهندسين يحاول يخوف الناس من المشرفين والمقاولين لهدف تسويق اصبحت الفله التي تكلف 700 الف تكلف مليونين والسبب مهندسي الغفلة البكاشين خذها قاعدة من واحد خبره اهم شيء الارض تحت القواعد لازم تكون ارض قوية اغلب مشاكل البناء من شروخ وهبوطات اسبابها الارض الدفان والباقي سهالات والاخطاء فيها تتعالج باقل تكلفة
طيب وينهم المقاولين الي جودتهم زينه والله اني مصدقك يابو انس لاكن وينهم السوق 70 ٪ تعبانين واكثرهم من الجنسيات الي برا، عطنا لو 5 شركات شغلهم زين ذولا يستاهلون من يشغلهم ويدعمهم بالعكس مب اعلان
الله بنجي حظك ياأخي المشروع يسعر حسب الشروط والمواصفات الي يطلبها المالك إذا جابلك المالك مخطط وانت المقاول بدك درس المخطط يومين دراسه مكثفه والمواصفات وبعدين يعطي السعر الي يفي معاه هذا المقاول بدوا يحسب وراه إشراف ومهندس الي ياخذ ب ٩٠ مايدرس المخطط ولايحسب حساب للمهندس وخذها قناعه مايكل الشغل للميده ويسحب ومايوكف لا حفار الأرض ولا يتابع الرش ولا يتابع العمل بدقه ترضى المالك المهم ياخذ الدفعه ويسحب 🙋♂️🙋♂️🙋♂️
ودنا تعرض لنا من الاول الى الاخير في العظم وسبب ذلك اننا في مناطق بعيدة عن الرياض الملاك يدفعون في العظم اللي يبغاه اذا مان الحود على الكود لانه منزل العمررر
الله يخلي لنا وسائل التواصل الاجتماعي اللي عرفتنا بالشغل الصحيح والطريقة الصحيحة للعمل، وتطورت المنازل وبنيانها والعالم فهمت وماعاد يمشي عليها شي، وعلى فكرة الهندسة علم مفروغ من امره ان المقاول يفتي فيه هذي مصيبه، مثل الطبيب والمعالج الشعبي، تخيل البيوت متشوهه بسبب جسر مقلوب لو درى عنه المالك وعن اثاره على البيت دفع فرقه وهو مايكلف على المقاول يومين شغل
الله يرحم والديك ويرفع منزلتهم. فعلا اكثر كلام منطقي وواقعي. انا تخسرت في اشباء حتى المكتب الهندسي المعتمد المشرف على اابناء قال لي انت مبالغ جداً. والمقاول ما ادري كيف صبر علي ونفذها. وتكلفت بالعظم فوق ١٠٠ الف مواد. والان متوهق بامبلغ اللياسة والبلاط من البنك. ما تنبهت للحقيقة هذي الا قبل شهر بعد ماحسبت كل التكاليف. المشكلة ان انت الوحيد الي بين ٥ اهم اسماء كبار في مجال التوعية تكلم في هذا الموضوع. ليت هم يوضحون للمتابعين بعد هذا الجانب.
جزاك الله خير الجزاء والله كلامك صحيح ١٠٠ في ال١٠٠ لو كل واحد من هذه الفئات راعى الله وحكم ضميره وأعطى كل ذي حق حقه ماكان صار هذا الكلام رضي الله عنك ياعمر الفاروق الحق حق لو لك أو عليك 👍🌹
