وعليكم السلام البالة بيها خير من الله ربح لكن لازم تعرفين السوق اولا اذا عندك محل او بالبيت تفرق هواي والاسعار مختلفة من محل لمحل والماركة مال البالة انواع واشكال وكل ماركة الها سعر بالنسبة للاطفال اكو رمج ...يعني بجامة وتيشرت وتنورة ولباس و برمودا الخ ...كل انواع الملابس في بالة وحدة وبالنسبة للجودة الافضل الكريمة يعني الجديد وبعدين يجي وراها اكسترا وبعدين وراها الدرجة اولى وثانية وثالثة وكل ما تزداد النظافة يزود السعر اغلى شي الممتازة ب ٤٥٠ واقل وحدة ب ١٥٠ العدد يتراوح بين ٣٥٠ الى ٥٠٠
بالنسبة للفيديو ٣ مخازن ١ محلات حيدر العبودي للبالة ٢َََ... محل ابو سعد خزعل المالكي للبالة ٣... محلات عبدالهادي الدراجي للبالة القيصرية الأولى والثانية من تجي من الكاظمية
زين اذا اطلب من بغداد اريد تنصحني من اي جملة أخذ اريد بالة نضيفه واسعار مناسبة مخليها على الله وثمة عليك اريد افتح محل بالة وبصراحة تابعت فيديواتك وتشجعت ان ادخل بي هذا المجال لي اول مرة
اهلا وسهلا بك موجود بالقناة هواي عروض من محلات مختلفة تلفون الحجز لكل فيديو بالعنوان احنا ننشر البضاعة المميزة من محلات مختلفة اغلبهم بغداد الشورجة او جكوك ونخلي تلفون صاحب البضاعة على عنوان كل فيديو
ليش مغطية راسه وحاط ماسك على فمه هذا الشاب!! ترة كل البالات تاتي من دول الخارج وتعتبر مساعدات للناس . هذه البضاعة تصل من قارات مختلفة لكن الدولة تستلمها وتبيعها هم انفسهم تجار الدولة يستلموها ويبيعوها وهكذا لحين توصل للمستهلك اللي لازم يستلمها ببلاش. ويدفع المستهلك سعر غير رخيص . بالرغم اتت هذه البضاعة لمساعدات للناس. لكن اللعنة على الحكومة وتجارها الحرامية!!
شكرا لرسالتك المهمة ولكن لا أعتقد أن دول المنشأ وخاصة سنغافورة والصين تعطي البالة مجانا ويمكن التأكد من ذلك من مواقعهم ع النت .... ولكن الناس تعطي هذه الملابس مجانا.... يجمعها شركات تفرزها وتكبسها وصدرها اما بالنسبة للشاب الملثم... اكو عواي ناس يستحون من مهنة التحميل.. ولا يرغبون برؤتهم من قبل اصدقائهم واقربائهم وهم يعملون بمهنة التحميل التفريغ شكرا لإنك أثرت مثل هذا الموضوع المهم
وعليكم السلام... احنا سوينا هاي الصفحة حتى نساعدك على سهولة الاختيار... فيديوات مصورة لفتح بالات قطعة قطعة... لان كل محل بيه الزين والمو. زين... ماكو محل واحد بيه بضاعة زينة بس او اسعاره افضل من غيره.. الكل يريد يربح ويعتمد على السوق... الأفضل الاختيار من الفيديوات المنشورة
هناك ٥ مصادر رئيسية للبالة ١...سنغافورة ٢... الصين... ٣..خليجي.... ٤...اوربي وخاصة بلجيكا... ٥.. أمريكي ويمكن استيراد ها اما بالتعامل مباشرة مع المعمل او من دولة الإمارات العربية المتحدة.. معظم التجار يستوردون من الشارقة او دبي.... بالنسبة للاكراد معظمهم يستوردون من أوربا مباشرة عن طريق تركيا.... اذا عندك سؤال آخر مستعد للإجابة
@AlexAlex-nc5is الأفضل قبل لا تستورد عن طريق النت تروح ل دبي او الشارقة وتتعرف على الأسرار والخبايا وتشوف شكد ياخذ وقت الشحن ونوعية البضاعة ب عينك وتتعرف على تجار هواي وتتعرف على مواسم الملابس لان الشتاءي مثلا لازم يوصل من التاسع لل١١ والا ما راح يمشي والصيفي من الثاني لل ٥ هسه دبي ممكن تروح كروب سياحي ب ٤٠٠ إلى ٥٠٠ دولار اسبوع وتتعرف افضل طبعا انا أفضل أن تشتري اولا من المستورد ين المحليين ويصير عندك معاميل وبعدين تفكر بالاستيراد واذا ناوي اما يكون عندك معارف في دول المنشأ او تروح بنفسك نصيحة لا تستورد عن طريق النت
