📍 تبحيرين ولاية المدية
قصة الرهبان السبع:
منطقة تبحيرين معروفة بقصة تاع الرهبان السبع الفرنسيين لماتوا سنة 1997, تبحيرين ولات بلاصة يجوها بزاف ناس باش يعرفوا تاريخ تاعها، la monastèr ديار تاع الرهبان وتاني كاين كنيسة كانوا مقيميين تماك بعد الاستقلال الرهبان لكنوا في القرية تاع تبحيرين كانوا يتعايشوا مع سكان القرية عادي وتاني كانوا يخدموا على رواحهم زراعة و تجارة، رهبان تاع تبحيرين عاونوا بزاف سكان القرية خاطرش في واحد الوقت مكانش كاين عيادة تاع الطب ، الرهبان هادوك عاونوا سكان بالعلاج و دواء وخلقوا علاقة مليحة ، جات العشرية السوداء العوام تاع تسعينات ، الدول أوروبية قالوا للجالية تاعهم باش يولوا للدول تاعهم ، الرهبان هادوك كيما كان الحال حبوا يبقاو ميرحوش رغم غياب الأمن وتاني كانوا يديرولهم الشونطاج ، الرهبان في هذاك الوقت مكانوش يسيو يدروا التنصير للسكان القرية كانوا برك عايشين ويخدموا على رواحهم وسكان القرية كانوا يشروا عليهم محاصيل تاع الخضرا و فاكهة....
جاز وقت في وحد ليلة من ليالي جماعت من إرهاب دخلوا la monastèr داو سبعة رهبان ، هما في الحقيقة تماك كانوا أكثر من سبعة برك جماعة لدخلوا تماك ملقاوش كامل الرهبان داو سبعة برك وصرا لصرا ، بعد عشرين السنة من الحادثة قرية تبحيرين ولات لباس هدوء العافية حمدالله وكل فترة يجوا ناس باش يكتاشفوا المكان، هادي حكاية الرهبان وla monastèr.
#medea#Algeria#discover
13 сен 2024
