الله يبارك اختي دارك تهبل شابة بزاف ممكن تقوليلي شعال المساحة تاع دارك كاملة وشعال المساحة تاع الكوزينة والبيوت فالطول والعرض انشاء الله تجاوبيني وشكرا على الفيديو
انا والله مافهمت لي تشري شومبرة ولا تبدل كارلاج تفتح قناة وتمرض خلق الله خلو لبيوتكم اسرار ولا كي تمرضو ويصراولكم مصايب تقولو قاستنا العين حافضو على بيوتكم واولادكم انهم امانة
يا اختي الدار غولة و تحب الدراهم. وعلى قد ماتلوحي فيها مايبانش و دارك ماشاء الله لعقوبة لليتسع و ماتسمعيش للي يقلك بدلي وعاودي .واحد ماعلابالو بظروفك ولا اولوياتك والصح في الترتيب والنقى وانت ماشاء الله. ربي يباركلك فيها ان شاء الله
كلام موزون ومكانش قد الثقة في النفس وكل واحد وظروفو ختي . ربي يهدينا ويصلحنا وليداتنا ويعطينا الصحة والقدرة على تربيتهم على دينهم وعلى طاعة الله وطاعة الوالدين
ربي يبارك دارك شابة و منظمة و الله متمنية وقتاش نرحل لداري تولي عندي خصوصيتي مع راجلي و اولادي كل واحد و غرفته و تولي عندي صالون نستقبل الضياف مزالني مع البنيان مانعرف وقتاش يكمل ربي يسهل ليا و يسهل لكامل الوليات كل وحدة دير دارها وحدها و تفرح بيها ان شاء الله
شوفي دونتيس يكون مليح يخدملها خدمة شابة واش من الولاية اختي أنا ساكنة في الغرب بالظبط ولاية سعيدة عندنا دونتيس ماشاء الله يخدم روعة بنتي بقاتلها غير العروق الدخلانيين وخدمهالها تقول ضرسة حقيقية
انا اختي بعد العيد قسمت الصالون بين بناتي و ولدي لازم نفرقو بيناتهم في المضاجع صراحة الشومبرا تاعهم كبيرة راهي قد صالوني تقدري تقسميها بنتك ديريلها شومبرا صغيرة و الاولاد لي يبقالك ما جاياش ترقد في الصالون ما تديش راحتها مالغري كامل ما حبونيش نقسم صالوني بصح انا درت واش يناسبني و يريح اولادي والله غير العيب في دولتنا ارضنا كبيرة و مازالو يبنو les f3
