بسيطه جدا ولا بها تعقيد شايف عصا او يد المساحه نزلها على تحت مثل القير العلاق في الجموس والكوابرس لاجيت تبي تنقلها من ال P على ال N طقه وحده وماتشتغل الطفايه الا اذا كنت ماشي سوا معشق ثاني او ثالث الخ وبنفس الوقت تشيل رجلك عن دواسه الوقود او الكلتش تكون شغاله الطفايه او (فرامل المحرك ) اسمها العلمي وهي تهدي سرعه الشاحنه وعلى حسب النمره ان كنت معشق ثاني تكون تهدئتها اقوى واذا عشقت ثالث تكون اخف بشوي او رابع اخف بشوي واذا خامس برضو اخف بشوي وتشغيلها عحسب مثلا اتكلم عن نفسي انا معي سطحه اذا كنت محمل موتر وماشي في طريق مستوي وفجأه حصلت مطب على بعد ٢٠٠ انزل اشغل الطفايه فرامل المحرك طقه واحده هي تجيك ع تحت واشيل رجلي عالكلتش او دواسه الوقود والمس فرامل تكون لمسه خفيفه الين ماتهدي وتوصل للمطب وادوس كلتش وتطفي فرامل المحرك وتكمل طريقك واذا كنت نازل من عقبه سواء محمل او فاضي اشغل الطفايه فرامل المحرك وعلى حسب العقبه كان نزلتها قويه والسياره مشت بسرعه المس لمسه بسيطه فرامل واذا حسيت مابه فايده ارجعها نمره من خامس الى رابع واذا محمل احطها في الثالث ورجلي خفيفه تكون عالفرامل وهذا وصلى الله وبارك على سيدنا محمد عليه الصلاة والسلام آمل ان وصلتك المعلومه وحبيت افيد اي واحد جديد فيها لان انا محد علمني فيها وكانت رجلي ع الفرامل الين ماطلعت ريحه الاقمشه واستهلكت في مدى قصير افكرها زي السيارات الصغيره وما أدري ا بها فرامل محرك والغرض منها تهدئه الشاحنه بحيث مايكون الضغط كلها على الاقمشه لان الشاحنات أثقل من السيارات الصغيره