السلام عليكم عندي لكزس 2018 نفس سيارتك بالضبط . وبعد سنة ركبت له سوبرجارج ، والله صرت اعشقة وأحبه أكثر من قبل وطبعاً اضافه على كل الكلام اللي قلتة فالفيديو وبالتوفيييق ^_^
ماشاءالله الله يبارك له ويعطيكم العافيه عالمحتوى الجميل فيه سؤال ودي تسألونه اي شخص فالتجارب الجايه وش كان معه سياره قبل اذا كانت بنفس الفئه وليه اخذت السياره حقت التجربه ولو يرجع فيك الوقت تاخذها او لا وياليت تركزون على سيارات لها شعبيه قويه وشخص كاد الموتر يعني اللي قبل ماقصروا لكن ممشاهم قليل ماشافوا عيوب الموتر صح او استخدامهم بسيط عليه يفضل شخص جرب فيه اغلب الامور بر وشارع وخط وممشى قريب ال٢٠٠ واكثر كذا تكون التجربه كافيه ووافيه
@@i.8m هذي حلوه بعد صحيح ويكون بعد تقييم لراعيه وفيه بعد شيء ماذكرته تجارب السيارات الشعبيه وسيارات الاغلب يقولون عليها خرابات مع انها ماشيه زي تجربة السوناتا تخبيط الله يبارك لراعيها ٢٠٢٠ وتجارب سيارات صينيه وكذا
معلومة بسيطة صاحب السيارة ذكر ان السيارة و الشاصي قطعة وحدة و هذي معلومة خاطئة السيارة بودي اون فريم يعني شاصي و مركب عليه البودي و هذا يكون اقل في الرساوة وهو لو جرب المنافسين كان عرف ان سيارته الاسوأ من ناحية الرساوة و لكن يتحمل اكثر و يكون افضل في الاوفرود و الله يباركله بس حبيت اصحح هذي النقطة
الأسعار مبالغ فيها حبتين يعني الصيانة الدورية كل ١٠ الاف كيلو المفروض سعرها ما يوصل ١٠٠٠ ريال صحيح صيانات الرئيسية كل ٤٠ الف تكون غاليه غالبا و هذا ينطبق على تويوتا و لكزس و اغلب الوكلاء
أفضل محرك V8 للسيارات كافة من ناحية الصرفية والاعتمادية والقوة المعقولة حق اللكزس LS400 بدليل تانكيها نفس حجم تانكي الأفالون حاليا وأفضل من الأفالون صرفية لكن لكزس حابة تتفلسف وتطور المحرك لأكبر سعة من باب مقارعة المنافسين، إلى الآن ومحرك LS400 موجود وعليه طلب لحقين التعديل باترول وهايلوكس.
السلام عليكم حبيت اضيف تعليقي لني مهندس قسم الصيانه بتيوتا عبد اللطيف جميل انا اشتغلت على جيب لكزس صيانه ال٥٠ الف. غيرت زيت القير والمكينه وتغيير الترانزمشن بامب الي هو كارتير القير على حسب كلام الكاستمر يقول ان كلفته ٣٩٠٠ريال فقط فلتر المكيف والزيت سياره رائعه والله يبارك له في حلاله بس سياره متعبه في الصيانه ( عن نفسي كا مهندس) كا فك وتركيب وسبب غلى الزيت ان الزيت المستخدم غير عن كل الزيوت !
@@tofasfm5409 بالله ياخي الحين دركسون الكزس ثقيل هو قسم بالله ثقيل بشكل هاذي مالها حل ؟؟ بالله عندي سوال ايش حل الحين انا باليل اذا طفيت انوار السياره يكون هذا اليد الي اتوقع اسمه ليد النهاري هذا شلون اطفيه اذا طفيت الانوار ليه مايطفاء ؟ شلون اطفيه
موتري له ٣ سنوات تقريبا والحمدالله كل شهرين اروح من الكويت لمكه يالله لك الحمد مرتاح للموتر وبس سلبيه وحده بنظري الاضاءة الاماميه الواطيه مداها قصير اما العالي ممتاز ماعليه كلام انصح الي له خاطر بالموتر يتوكل على الله بعد الاستخاره 👍
@@hussainredha7405 يالله لك الحمد ماجاني منه أي مشاكل وحتى تجاوزت ال ١٠٠ الف وللحين الموتر بالنسبه لي جديد لا اعاني من أصوات ولا اي شي وكل ٣ شهور اسافر فيه من الكويت لين مكه تقريبا فيها تقريبا ١٤٠٠ كيلو اهتم بالسيرفس بالوكالة اول بأول والامور طيبه الله يبارك لك فيه ويعطيك خيره ويكفيك شره السيرفس عندنا بالكويت يتراوح من ١٧٩ دينار الى ٤٧٠ ال٤٧٠ تقريبا بالسعودي ٥٧٠٩ ريال فيها تبدليل دهن وبلاكات وسفايف والفلاتر وحتى ربلات المساحات والقايش وشد الهيئه وحتى حاليا في تحديث للشاشات تشغل فيها تيلفونك اسف على الاطاله حبيت أوضح لك 😀🌹
عندنا السلبيات في كوكب المريخ غير عندكم في كوكب المشتري عندنا نقص الزيت وتأخير القير بالتبديل وأصوات الديكورات يعتبر من السلبيات أما أنتم شاشة صغيرة وستاير يدوي ومقاعد تبريد بدون تسخين
اللهم عالم الغيب والشهادة فاطر السموات والارض رب كل شيء ومليكه وجميع خلقه اشهدالا اله الا انت اعوذ بك من شر نفسي ومن شر الشيطان وشركه وأن اقترف على نفسي سوأ أواجره على مسلم ربي اشرح لي صدري ويسرلي امري واصلحلي شاني كله ولاتكلني الى نفسي طرفة عين وارزقنا من حيث لانحتسب آميين يارب العالمين
لا ياعسل الكهربائيه افضل من ناحية القوه والعملانيه لانها الكهربائيه ماتاخذ من قوة المحرك عزم ويكون المحرك اقوى والتبريد حسب الحراره متبرمج على المروحتين
@@jsuoj ياعسل انت مين قالك الكهرب افضل او المكانكيه افضل حبيبي مافيه شيء اسمه افضل فيه اجابيات وسلبيات وكل سيارة وفئتها تختلف يعني تبغى لكزس جيب نفس مراوح سيدان كهرب ؟؟ السيدان ماتدخل بر ماتحتاح تسحب اوزان ماتكون فيها حموله كبيره عكس الجيوب الكهرب ادخل بر على طول ترفع حراره والسرعتين ماتحلق تبرد ولاراح تنفع عكس المكانيكيه سرعتها تزيد مع الدعسس وهذا اللي يخلي المصانع الى الان متمسكين فيها بالجيوب عامه لكزس تويوتا نيسان ميستوبيشي نجي لنقطة العملانيه مافيه مقارنه المكانكيه حتى لوتتعطل ماتوقف بالكامل عكس الكهرب ميزات الكهرب مافيه حنه الحراره تكون ثابته بالمدينه ولو توقف ساعتين بالزحمه ماعندك مشكله المكيف يحافظ على برودته مايحتر الصرفيه افضل بشيء بسيط العزم ايضا افضل لكن تظل المكانيكه افضل بالاستعمال الشاق ومافيه بديل عنها
بالنسبه لفزة القير وسالفة ان السبب هو العزم عالي هذا غير صحيح والسبب خطأ تصنيعي ولا لقولها حل. النيسان باترول ٧ نمر والنمره الاولى فيه محشوره مثل اللاند لكن مافيها نتعه وناعمه جدا والعزم جبار
الصراحه جميع الأيجابية اشياء عاديه و اقل من عاديه بسياره بذا السعر و من ذي الفئه و اغلب المميزات تقارنه مع سيارات اقل فئه منه بس اللي نفس فئته وين متفوقين حيل عن لكزس مثل ( لينكولن نافيجيتور - كاديلاك اسكاليد - رنج )
@@UnidentifiedPirate بالله ياخي الحين دركسون الكزس ثقيل هو قسم بالله ثقيل بشكل هاذي مالها حل ؟؟ بالله عندي سوال ايش حل الحين انا باليل اذا طفيت انوار السياره يكون هذا اليد الي اتوقع اسمه ليد النهاري هذا شلون اطفيه اذا طفيت الانوار ليه مايطفاء ؟ شلون اطفيه
وفيه مشكلة بعد تسببت لي في حادثين ، الرادار نظامه فاشل وبدائي اذا طلع موتر بوجهك او مطب الموتر يوقف وقوف مفاجئ ووقوف تام لين الصفر ويجيك من وراك واحد ويصيخك ، اظطريت اوقف النظام واعطله
صادق و هذا من الاسباب خلتني ابيعه و افتك من غباء انظمه لللكزس بالاضافه الى قسامات المكيف و حنه المكينه المزعجه، اخذت نيسان بلاتنيوم ٤٠٠ حصان فل رادار امامي و خلفي خروج مسار تنبيه نقطه عمياء الخ... صراحه فرق كبير لصالح النيسان متقن اكثر من اللكزس.
تبديل القسامات يحل المشكلة ومافيه أي اصوات لكن شغلتها صعبه ولازم كراج محترف في هالشغلة وسبب تعليق البوابات التراب بسبب الهوا في محطات غسيل السيارات، يفترض يشفطون التراب بالمكنسة وماينفخونه لأنه يتجمع ع البوابات وتعلّق..
والله لو تجرب الرنج روفر اللي يعادل سعره سعر الكزس كان عرفت ان اللي عندك مغلب ومافيه ايجابيات لكن هذه المشكلة ان تغارنون الكزس مع التاهو واليوكن ومو ملاحظين سعر الكزس . وشكراً
انا سيارتي 2011 وفيها المشكلة وغيرت مواتير بالطبلون ورجعت نفس المشكلة بعد فترة و تضبط من نفسها وتجلس فترة طويلة تمام وماترجع الا اذا غيرت بأماكن توزيع الهواء فوق تحت وبعدها انت وحظك تضبط من حالها ولا اقعد اضغط بالازارير فوق تحت لين تضبط
فرامله سيئة المكينة يادوب شايله الموتر بذات في القومه تسمع حنة الأول مثل المكنسة جودة الديكور الفضي الي تحت الساعة سيئة يتنفخ بالرغم ان الموتر يوقف بمظله ولا يشوف الشمس الا عند الأستخدام ضيق للمراتب الخلفية بشكل عام موتر ما يستاهل قيمته ابدًا
ما شاء الله يعني في أمور كثيره ما كنا نعرفها بهل التفاصيل الدقيقه الصراحه هيك فيديوهات ونوعها جميله جدا نشكركم على هيك تفاصيل وعرفنا ال Lx بكافة تفاصيله
ودنا بالبي ام 730 بدون تيربو والله ياليت ودنا نشوف هل الموتر عليه عمليه لان يقلون انه بدون هدروليك وتيربو ياليت تلقا لنا واحد ويعطينا العلم من مديلات ٢٠١٣ ٢٠١٥
مشكور كثير على الفيديو، ممكن استفسار.. عندي لكزس جيب احسه ثقيل في اول غيارين و صوت المكينه في المقصوره داخل على الرغم انه احطه على الكومفورت موود مش ايكو موود، هل هذا الثقل يروح بالبرمجه او شي عام في كل الجيبات
المحتوى ممتاز بس يفضل تسأل المستخدم عن شغلات كم تكلفة شراء السيارة جديد او مستخدم ثاني كم اسعار الصيانه و تكلفتها تعمل الصيانة عند الوكيل او محل صيانه معتمد او محطات مثلا؟ ويش الأعطال اللي صارت كم مرة غيرت فحمات مثلا و التكلفه كم سعر تعبئة التانكي و معدل الممشى ؟ اكييد راي المستخدم يعني ايجابيات و سلبيات طبعا استخدام الشخص في ٤ سنوات ١٦٠ الف يعني يمشي حدود ٤٠ الف كيلو في السنه
الله يسامحك يا ماجد كان معي نفس الموتر وبعته ومن كلامك تذكرت ذا كله وتحسفت لكن تحديد المسار لا ترا يرجعك وفرمله طوارئ حتى لو دايس فل ثروتل تفصل تمام والفرامل وقت الغلط تدبل معك بقوة
الله يعطيك العافية والله يبارك للرجال.. كنت مالك لاندكروزر ٢٠٢٠ قراند تورنق عيوبه بالنسبة لي البدي رول خطير خاصة اذا على سرعة والدركسون ثقيل والجلنط يدوي والقير ٦ سرعات على مكينة ٨ سلندر وتأخير في تبديل النمر في الصيف. بعته وشريت دينالي ٢٢ ماشاءالله فرق في الفخامة والامكانيات والقير ١٠ سرعات واوسع للعائلة والسعر افضل بكثير من الجيب الشكل الجديد.
يا أخي اللكزس صح سعرها اكبر بكثير من الي تستحقه وصح انه اكو سيارات تفوقها بالفخامة كثير مثل الكاديلاك ونافيغيتور لكن اللكزس له لذة ومتعة وطعم خاص ما يعرفة غير اللي جربه وحتى لو اشتري رانج او كاديلاك فلازم اكو لكزس ....
الحمد لله على النعمه والعز والرفاهيه الي انت واحنى عايشين فيها.ياخي انا بصراحه مستغرب راكب سياره ب نص مليون ريال وجالس تصيح والله انا اعاني علشان البريك ماهو الكتروني ؟!!!!!ا او انت جالس تعاني علشان الستاير ماهي كهرب وانت والي معك مكسلين ترفعون يديكم !!!!! والله عيب والله عيب الناس في العالم جالسه تموت من الجوع والعطش ونقص الدواء وانت جالس تعاني لانك راكب لكزس مافيها ستاره !!!!!!!!!!!
ياخي وش ذا الكلام ترا فيه غيره عندهم اغلى ويشتكي من عيوب في سيارته عادي ترا والله واعلم انك حاسده وفيه ناس الله رازقهم وعندهم مليارات ويتصدقون ويسوون الي الله امره بهم وتراك داخل مقطع او قناه حقت سيارات كل واحد يتكلم عن عيوب موتره ! انت غريب الله يهديك
