جيت لكن كل شي ٍ حلاته بأوله || غناء : العودي ||  

جيت لكــن كل شي ٍ حــلاته بأوله || اداء : العودي || #جلسه_شباب ||
جيت لكــن كل شي ٍ حــلاته بأوله
. . . . مايفـــيد وينفع العــــــــذر مهما يـحتوي
وش تبي بالخــاطراللي ســلا عنك ودله
. . . .عاف ما شاف وطوى صفحةالماضي طوي
عالجت جروحي بعزم وثبـــات ومــرجله
. . . . مارجيت وقفة معــرفه ولا فـزعة خـــــوي
ان كان جابـك داعي الحب حـاول تســـأله
. . . . ليه قصــري ٍعـانق الســـحب ومبناه يهـوي
وأنت رحت من اللعانه وجيت من الوله
. . . . ارتفعت ونزلك واحــــد ِ حيــــــله قـوي
والغريب إنك تصاغر خطـــاك وتجهله
. . . . غير مــــــاكنك سلكت الطـــريق الملتـوي . . !
ولا أنا مالي خبـر بالشـقـــى والمهــــزله
. . . . شف يـدي من هــاك الايام كــاويها كوي
حملي اللي شلت من طـول هجرانك شله
. . . . ومثل مـاعليت خــــــــلك تعــل وترتوي
رح وانا ماني بشــرواك مربوط الصـله
. . . . عزتي يشمها الـذيب الأســـــحم ويعوي
#جلسة_شباب #اغاني #شعبي #طرب #فريج_الهرشاني #طرب_اصيل #العودي